عاملين ايه ؟
معلش بقالي كتير ماكتبتش حاجة .. معلش اصلي مبحبش النقل .. و لا بحب اكتب اي حاجة ..
هاكلمكم النهاردة عن مشروب حلو اوي ..يمكن كتير منكم ميحبهوش .. بس اكيد هتحبوه اما تسمعوا كلامي عليه ..
المشروب هو الزنجبيل بس هنشربه في وقت معين و بطريقة معينة ...
الصبح ع الريق تسخني كوب ماء لحد الغليان
واستني عليه لحد ما يبرد شويه .. يعني 5 او 7 ق .. ثم صبيه ع كوب به نصف م ص زنجبيل بودرة .. و بعدين استني 10 ق كمان و لما المايه تدفا خالص و ايديكي تطيقها .. ضيفي م ص عسل نحل و عصير لمونة .. و اشربي المشروب الحلو الرايق ده ع رواقة وانت قاعدة مسترخية زي ما الرسول الكريم امرنا اننا نشرب الماء و احنا قاعدين .. بصي ياستي انتي و هيه اكيد كلكم عاوزين تعرفوا المشروب ده فايدته ايه ..
ده يا ستي لو انتظمتي عليه 10 ايام هينضرك اوي ويحمر خدودك ..
اما لو واظبتي عليه 3 اشهر فهيخليكي حتة و احدة لون واحد و هيرجعك للونك الاصلي اللي اتولدت بيه ..
كل مكوناته بتخلص الجسم من السموم و بالتالي هتنضف الكبد و بالتالي البشرة ..
ده غير ان الزنجبيل بيحمر البشرة ..
و الليمون غني بفيتامين سي اللي بينضر البشرة و يفتحها ..
و العسل بيدي بشرة رايقة صافية ..
يعني المشروب قنبلة لبشرتك ..
ده غير بقه الجسم اللي هيخليه لك ملبن ..
انسي الكرش و الاجناب .. وهيحافظ عليك من السمنة ..
اظن كلنا من بكرة زنجبيل .. زنجبيل ..
والزنجبيل رخيص كمان يعني لو جبتي ب 2 جنيه هتقعد معاكي شهر ..
اظن انا استحق تقييم جامد اوي ..
يلا يا حلوات تشجيع
وملحوظة اخيرة .. ياريت الموضوع يفضل في قسم البشرة عشان انا متناولتش الموضوع الا من جهة الجمال و التجميل :)