السلام عليكم ورحمة الله وبركاته ..
كيفكم بنات ؟ ان شاء الله بخير ..
رمضاااااان قرّب .. والناس بدوا يلفون سمبوسه ووووووو أصابع الدجاج :23:
عندي لكم طريقه .. تريّحكم .. تصيرون تشكلون .. مره سمبوسه مره كبّه مره أصابع دجاج ..
أول شي المقادير ..
أنا سويتها أمس وطلعت لي 240 حبه بالضبط ( أذكروا الله :27: ).. فأنتم سووا حسب احتياجاتكم
- 5 أكياس خبز عربي .. ( الحجم الكبير ) .. كل كيسه فيها 4 أرغفه
- 20 بصله متوسطه
- 30 فخذ دجاج ( أنا استخدم أفخاذ لأنها ما تنأكل عندنا .. الكل ياكل صدر صدر .. فأنتم على راحتكم )
- 1 صندوق جزر .. تقطعونها طولها 2 سم تقريباً وسمكها نص سم
- 1 ملفوفه تقطعونها مثل الجزر
- رزمة بصل أخضر ( اللي يكون تحت البصل ) .. يقطّع مثل الجزر أيضاً
- رزمة كزبره مقطعه .. مفرومه يعني ..
يا جماعه لا تنفجعون :o .. انا استخدمت هالكميات لأني أبي كثير ..
الطريقه ..
1- يسلق الدجاج مع قليل من البصل و2 حبة ماجي وقليل من الملح
2- يقلب البصل مع ( ربع بيالة زيت ) وبعد 10 دقائق حطوا فوقه الجزر
لما تحسون ان البصل والجزر ذبلوا .. حطوا فوقهم البهار .. عباره عن :
(( كزبره ناشفه - بهارات مشكله - فلفل أسود - هيل مطحون - جوزة الطيب - دارسين مطحون
أو قرفه مثل ما يسمونها - ملح - علبتين ماجي .. يعني 4 حبات ))
تخربطون البهارات مع البصل
بعدين .. تحطون الدجاج مع البصل والجزر وتقلبونه لمدة ربع ساعه
بعدها تحطون الملفوف وتعلون النار وتقلبون بسرعه لمدة 5 دقائق فقط ..
بعدها حطوا فوقهم .. عصير ليمونتين وقلبي .. لحد ما تحسين ان المويه نشفت ..
جيبي مصفا و وصفيه من مويته تقريباً انا خليته 10 دقائق
بعدها .. جبتهم وحطيتهم بصحن كبير مدري بزبديه مدري شيسمونها :o
وحطيت فوقها ملعقتين كبار جبنه كرفت السائله
ذيك الملعقه اللي تسكبين فيها الرز .. مو اللي ناكل فيها
وحطيت الكزبره الخضرا والبصل الاخضر وقلبتهم ..
واذا شفتي فيهم مويه .. ارجعي وحطي الحشوه بالمصفاه ..
اللحين الحشوه جاهزه ..
خوذي رغيف الخبز الكبير .. وقطعيه اول شي على شكل زائد + .. بعدين على شكل ضرب ×
يعني بتقطعينه بأربع خطوط ..
اللحين صار عندك مثلثات من الخبز
تفكينها .. مو الخبز لما تبين تدهنينها ولا شي تتكون من من جزئين ؟
حنا نبي جزء واحد .. يعني كل هالمثلثات تفكينهم
اللحين تاخذين هذا الجزء اللي على شكل مثلث .. وتحطين الحشوه وتلفينها
طبعا تحدين الحشوه بالجزء الاكبر مو براس المثلث ..
اللحين لما تلفينها بيبقى راس المثلث .. حطي شوي هرده ( طحينه ) على الطرف .. وسكريها
اللحين لما تخلصينهم .. اغمسيها ببيض .. وبعدين بقسماط .. وحطيها بالفريزر حتى تثبت
وبعدين حطي كل مجموعه بكيس .. ووقت ما تبين تقلينهم تلقينهم جاهزين ..
هي مهيب صعبه ولا سهله .. بس طعمها جداً لذيذ صراحه .. وتفك أزمه أهم شي :23:
وووووووبس .. حبيت أفيدكم :)
يلزم عليك تسجيل الدخول أولًا لكتابة تعليق.
ياسلاااام شهيتيني بها
تراها لذيذه يابنات لاتطوفكم
وانا احشيها لحمه مفرومه مع شوي كرات اوبقدونس اوممكن شبت بس قبل ادهن الخبزه بالجبن السائل وشوي مره مايونيز
تراها لذيذه يابنات لاتطوفكم
وانا احشيها لحمه مفرومه مع شوي كرات اوبقدونس اوممكن شبت بس قبل ادهن الخبزه بالجبن السائل وشوي مره مايونيز
ام نضال
•
واااااااااااااااااااااااااااااااااو تهبل يا عاشقة الصمت \ وفكرة جديدة على \ لا واللى محلى الموضوع كلامك الزين يختى \ بس كيد اسويها بمقادير شوى شوى تراها تبى مشية لسوق الخضار وحوسة سبرماركت \ اخخخخخخ \
اخيرا مشكورة على هالافكار المليحة \
نسيت اقولك وينك من زمان ما خشيتى الك وحشة \
اخيرا مشكورة على هالافكار المليحة \
نسيت اقولك وينك من زمان ما خشيتى الك وحشة \
الصفحة الأخيرة
والله يعطيج العافية