زهقت من اسئلة أهل زوجي !

السلام عليكم

انا متزوجه الان لي تسع شهور ..

من رابع شهر من زواجي وأمه تسألني ليه ماحملتي روحي اكشفي ووووو

احس زهقت من الأسئلة ، ولما تعالجت طلع معي تكيسات بسيطه وضعف تبويض ، و زوجي الله يهديه قال لأمه ، وامه ماقصرت نشرت الخبر ، هي والله انها طيبة بس ادري انها نشرت الخبر بحسن نية ، بس انا تعبت من هالموضوع عجزت اعيش براحه ، تغير تفكيري صار بس متجه للحمل ، واخذت ابرة تفجيرية وهذا اليوم 11 لي والتحليل المنزلي سلبي والله حزنت بس الحمدلله ويارب يعوضني خير ، ماعرف كيف افاتح زوجي بالموضوع ،

الحين من اجي اعايد أهله تبدأ الأسئلة اللي تضيق الخلق ، والله صرت اتحاشى جلستهم واجتماعاتهم كل سلايفي ماشاء الله لا قوة الا بالله عندهم أولاد ، والله اني حزينه ، انا اتحمل اسئلة أم زوجي لأنها كبيرة بالسن وطيبة وحبوبه وادري انها من حسن نيتها بس خوات زوجي وبناتهم لا .. احس اسئلتهم ثقيله على قلبي .. والمشكله ام زوجي تنقل لهن ماتمسك لسانها اعرفها ..