زهور الريف هل هم نصاااابين ؟؟؟؟؟؟؟

اولا السلام عليكم ورحمة الله وبركاته

ثانيا كل عام والجميع بخير

ثالثا اتمنى ان لايكون موضوعي مخالف واذا كان كذللك ارجوا حذفه

رابعا هدفي تنبهكم فقط وان لاتكونوا ضحية ضحكوا عليها زهور الريف مثلي

خامسا ... السالفه ومافيها

ان زهور الريف عاملين تخفيضات وحسب ماقالي انه مو بكل الفروع ... (( هنا استغربت ))

سألته عن السبب قال بس حتى نغير الشكل حق العلب (( زاد استغرابي )) سألته عن تاريخ الانتهاء

قام يحلف وشوفي التاريخ ماينتهي الا الفين واحد عشر وهو مصنوع من الفين وثمانيه بالله عمركم شفتوا عمر الروج خمس سنوات اللي اعرفه ثلاث سنوات بس

وثقت فيه لما حلف وأكد لي خاصه ان ها الشركه احبها مره

بعدين العرض جدا مغري مغري بمعنى الكلمة

الارواج اللي يعرفها كانت بستين صارت بثلاثين وعشرين

عاد انا خذيت لما قلت بس وخاصه ارواج ومكياج وقلت لخواتي وحريم اخواني وراحوا لهم وحشوا لما قالو بس

والله اني انا وخواتي اكثر من الفين ريال

ولما رجعنا للبيت وتفقدت اغراضي وحطيت من الارواج حسيت برائحه مو حلوه طالعه من الروج والطعم فضيع حامت كبدي منه

هذا طعم الروج المنتهي ناظرت للتاريخ لسى باقي له سنه

لكن لاحظت ان التاريخ جاي على شكل ستكر لزقه هم حاطينها مو طبعه من المصنع

رحت شلته طلع لي التاريخ القديم المطبوع طباعه على الكرتون وانهم ماسحينه بقلم خطاط اسود حتى مايبين

انا حطيته على الشمس وشف الاثار

اقسم بالله يابنات ان كل كلمه اقولها الله شاهد عليها وانا الان صايمه ولا كذبت او تبليت عليهم

ان التاريخ باقي له كم شهر وينتهي بعض العلب ماسحينها زين مو باين تاريخها اكيد انها منتهيه

انا ماسكتت لما شفت التاريخ وحسيت انهم استغفلونا وحنا اللي نثق بهم ونحب عطوراتهم


رحت له ومعي امي واختي اكبيره حتى يمسكوني ماانتف شوشته

وكان المحل مليان حريم وكلهم عند الارواج والمكياج

قلت له بصوت عالي ارواجك كلها منتهيه

يوم حمر وجهه قال لالا شوفي التاريخ ويركض يجيب علبه يوريني تاريخها

قلت هذي لزقه انتم حاطينها والتاريخ الاصلي موجود تحتها وهو يشيلها

قال وين وين مافي شيء قلت طاخمن التاريخ الاصلي بخطاط اسود حتى مايبان

قال ابدن مو صحيح عاد قال اللي معه احنا مالنا دخل احنا نبيع فقط وهذا من الشركه

عاد قلت يعني منتهي قال لا المهم تلخبطواا وصاروا مايدرون وش يقولون

وهي تسحبني اختي الكبيره وانا اقول حسبي الله ونعم الوكيل فيكم

راح افضحكم بالنت واذا قدرت بكلم الغرفة التجاريه عن غشكم يا النصابين

وانا اطلع وهو يقول اهلا وسهلا ابو ريالين ارخص روحي له خخخخخخ

عاد وهن يطلعن الحريم اللي بالمحل وراي


فقط

انتهت السالفه



كل ها الحكي امس السابع من ذي الحجه

شريت منه الظهر ورحت هزئته بالليل


:



اعتذر اذا طولت عليكم بالسالفه

بس والله هدفي اني اوعيكم من ها الشركه الغشاشه

واتمنى اني مااكون خالفت شروط المنتدى او اني غلطت على احد

وياليت كل الاخوات ينشرون ها الموضوع بكل مكان

بالمنتديات وبالجوالات والايميلات

وصدقوني راح الكل يدعون لكم وتكسبون فيهم اجر

وما نقول الا حسبنا الله ونعم الوكيل في كل الغشاشين اللي يستغلونا ويكذبون علينا


السالفة صارت لي انا شخصيا الموضوع ماهو منقول

واول منتدى احطه فيه هو منتدى الفراشه

يعني المصدر منتديات الفراشه

وبغير ها المنتدى ماكتبته

لذلك ياليت تساعدوني بنقله لاكبر عدد من المنتديات لتوعية جميع الاخوات





والله على مااقول شهيد


والسلام عليكم ورحمة الله


اختكم ام يوسف
منقول
مدري هل كلام الخت صحيح ولا لا الله العالم