زوااجي واقف على رأيكم انا محتار -_-

صباح ومساء الخير يا بنات حوااء
كيفكم ****لله بخير

في احد الجلسات الشبابية نقل لي اخوي قصة صديقة وكانت القصة بصراحه بحاجة لوقفة والقصة هي انقلها لكم بلسانه


(( تزوجت انا ومن واقع زواجي اقسمة فترتين

الفترة الاولى

كانت فترة الدلع يعني لا غسيل لا نظافة لا طبخ ولا اي شي من اعمال وواجبات الزوجة واستمرت هذي الفترة تقريبا خمس سنوات مع انه كان هناك اطفال خلال هذي الفترة الا اني كنت انا الاب والام لهؤلاء الاطفال وعشت حياتي كأي زوج مجرد سائق يوصل المدام للاسواق وللعزائم والمناسبات وهي ممتازة لاداء واجب الضيافة لاهلها .

الفترة الثانية

كانت فترة استقدام الخادمة واستمرت خمس سنوات وما زالت مستمرة من ميزات هذه الفترة انه اصبح هناك من يطبخ وينظف ويغسل والحمد لله تركنا المطاعم اليومية مع انه احيانا اذا كانت الخدامة تعبانة نجيب من برا بس بدأت بعض المواضيع تخرج خلال هذي الفترة منها (( مقاطعة اهلي وعدم زيارتهم , منع اطفالي من زيارة اهلي , الزعل الدائم والمستمر بدون سبب , الانتقاد المستمر لي أنا وأمام الاطفال يعني مثلا ليه تقولهم كذا وليه تسوي كذا وليه تشيلهم كذا وليه تلعب معهم كذا وليه انت لابس كذا وليه شريت كذا - طبعاً هذي بشكل يومي .
تصدقون مهما قدمت لأهلها تعتبرني لم افعل شي واذا قدمت القليل لاهلي زعلت اعطيكم مثال بسيط تزوج اخوها صرفت على زواجه من هدايا وفساتين ومبالغ عانيات وصلت لعشرة الاف ريال مع اني على قد حالي اضطريت ادخل جمعية مع اصدقائي علشان اوفر لزواج اخوها بينما يوم تزوج اخوي (( عطيته الف وخمسمية )) ويوم درت زعلت علي زعل عظيم .
انا ابي من هذي الحياة الراحة ثم الراحة وان اعيش مثل الخلق والعالم
انا قادر للمواجهة لكن الي يمنعني ( خايف على اطفالي ومستقبلهم )

علشان اكون منصف ابذكر ميزاتها (( ميزاتها - متدينة من ناحية الصلاة وليس المعاملات , تعاملها مع الاطفال بكل رقة ( وهذا سبب ترددي للزواج ) , اذا طلبت منها طلب في المرة الاولى تنفذه لكن المرة الثانية لا ,

عيوبها (( سريعة الغضب , كثيرة الانتقاد , تغضب اذا زرت والديني حتى لو ما اظهرته يكون واضح , ما تقوم بأي من واجباتها الزوجية مثل الطبخ والغسل والتنظيف ولو لغرفة النوم على الاقل , تسمع للغير ولا تصدقني , تحب الخروج اليومي ( للتمشي ) مقاطعة لاهلي واذا راحت تزورهم صارت الايام الثلاث الاولى بعد الزيارة نكد في نكد , لم يدخل ضيف لبيتي من 3 سنوات

بصراحه قاعد اتخيل حياتي بدون خدامة بتصير كركبة ولخبطة الله يستر !!

عموما ما علينا من الماضي
انا انسان ابي اعيش مع وحده تقدرني تحترمني بدون مشاكل هل اتزوج ولا لا وهل الي ابتزوجها بتكون قادرة على تربية اطفالي اذا زعلت زوجتي وتركت البيت
انتهت القصة



هاه يا بنات الرجال شاور اخوي ويقول ايش رايك اتزوج والا لا خاايف يتزوج تكون الكارثة والا تجيه وحده مثل زوجته وما استفاد شي مع العلم بان زوجته اكبر منه باربع سنوات وما قالها يعني ما درت هي كاذب عليها من عشر سنوات يقول اخاف تنجرح اذا قلت لها
ننتظر مشاركاتكم اخواتي فالقصة حقيقية