شوفي اختي اول شي مبروك وعقبال كل البنوتات شايله هم صح الله يوفقك يارب ويرزقك بس باالنسبه لسؤالك ايه لازم

تغسلين شعرك شوفي الحين غذي شعرك باالزيوت النافعه ولا تفردينه دامه مو خشن مره ادهني شعرك وسوي حمامات

زيت وادهني جسمك قبل ماتتروشين بساعتين بجلسريد الأحمر مع نصف ليمونه واذا خلصتي واشتري صابون مغربي مع

صابونته وصنفره وطريقه مره سهله افتحي شوي الدش الدافي وخلي الحمام مسكر ولاتدخلين الا اذا صار مره مليان

بخار اقعدي شوي تحت الدش وبعدها ادهني نفسك باالصنفره وافركي زين من غير مويه اغسليها وبعدها تفركي باالحمام

المغربي وبليفته واذا خلصتي وتنشفتي ادهني من رقبتك الين اخر رجولك باالفازلين والبسي وتدفي زين نجي لشعرك

ماخلصنا منه اكتبي في ورقه هاالأشياء عشان ماتنسينها استشوار الأزرق مدري وش اسمه وليس خذي السخيف مو

العريض باالنسبه للملابس يمكن اربعين ماتكفي بس انتي قسميها على حسب احتياجاتك اذا انتي بغرفه ولا بشقه قيها ذهب

ولا لا عليم اذا بس ملابسك واغراضك ان شاء الله تكفي جيبي ورقه وقلم واكتبي وش تححتاجين مثلا اشياء للغسيل

والكوي واكتبي كل ماتحتاجينه من مكواة ومنشر وطاولة الكي وطشت وصابون غسيل

مثلا النظافه الشخصيه المكياج وهاكذا المكياج العطورات خذيها من اسواق الجمله بعد العود والبخور اما الملابس اذا

انتي راعية ماركات خذي من التخفيضات اذا بتشترين من محلات عاديه خذي شي معقول سعره موغاليه وخذي للبيت

رخيصه والشنط خذي وحده ماركه والباقي خذي شنط عاديه بس خذي ابيض واسود وبني وموف الألوان الأساسيه وزيها
والذهبي والفضي شنطه وجزمه
الجزم خذي الوان اساسيه ومهيب ماركه عاديه وفصليلك كم تنوره اذا زوجك مو حق بناطيل خاصه اذا ابوه موجود

واخوانه او خذي جاهزه وتلقين رخيصه عند المحلات في الأسواق الشعبيه كثري الأسود ووحده بني ووحده رمادي

وقمصان النوم خذي بس حق اول ليله غالي والياقي خذي من محلات زي الهرم احيانا عندهم قمصان نوم حلوه

ورخيصه اهم شي الذوق وبعد ستي ماكس عندهم قمصان روعه خذي ست فساتين اربعه مناسبات بشك وخرابيط وثنين

هادين بموديل لا تكثرين واذا بعد تبين زيدي اثنين بس عشان مايقولون ماجابت شي معها العطور خذي اربعه غاليه

لك بميتين اذا مره غاليه واثنين وسط ولزوجك خذي اربعه بس يكفون تكون غاليه فوق الميه والمكياج واحد سهره

وواحد عادي وارواج وعلبتين شدوكبيره وحده مخمليه وحده عاديه وعلبة احمر خدود فيها كم لون وفرش اسفنج

الفرش خذي المجموعه في شنطه ومناكير خذي كم لون مع اقلام كحل ناشف وبرايه ومسكره ثنتين وكحل سايل

اثنين المفارش ثلاثه غير حق العرس ودايم دوري عن مكانات رخيصه اذا انتي برياض يمكن ادلك بس يبيلك واحد

يوديك ويجيبك لأنها وسط البلد زي المرقب والسويلم او على طريق الخرج زي المستودعات للمفارش والمخدات

ورخيص مره مره وعندك سوق العويس وطيبه ادخلي جوا جوا فيه مجموعة محلات تبيع جزم رخيصه وللعود

المعيقليه وفيه عند المعيقليه مركز يبيع ماركات مخفضه والعويس للشنط والعبايات رخيص بس روحي المحلات

الداخله مو الي على الشارع بعد اذا تبين كلف رخيصه العويس وطيبه لاتتعدينهم

حبيبتي لازم تغسلين شعرك اكيد ورى ذاك الشي بعدين لاتكثرين ملابس لانا بيتغير جسمك ورى الزواج يانك تمتنين او تنحفين وشتري بعد الزواج نصيحه مو تستحين لا عادي اشتري وذهب مو لازم هم ماجابولك شبكه خلاص لانا الذهب غالي مره مايكفي وراك ملابس طلعه وملابس بيت طبعا شورتات بديات برمودا تنانير قصيره قمصان نوم جزم شنط عطورات مكياج اكسسوارات وستشوار وعبايه وفستان سهره وطبعا فستان العرس والله يوفقك

انا بعد ابي الارقااااام ياعلامو

لله يجزاك خير لكن مافهمت الي بلون الاحمر اشلون تندلقين

اقول انا مهري بس 40 الف تخيلي
وسوت منه الملكه ب 5 الاف لانها باستراحه
وعطيت ابوي الفين وامي الف
وشريت كاميرا بالفين مع طابعتها عشان الملكه والزواج
صارو كم ياقلبي
10 الاف صرفتها
شريت ذهب ب 10 الاف بس <<شفتوا الغباء
3 طقوم وكم خاتم بسسسسسسسسسس

بقي عشرين الف
حجزت كوافيره تجهيز عرايس ب 3 الاف
طلعت نصاااااابه ما سوت لي شي الله يسامحها بس حيواااااانه وعيت ترجع لي شي سوت لي المكياج والتسريحه ذيك الليله

فستان ايجار 700 مع النقاشه صارو الف

بقي لي 16 الف
طبعا لعببببببببببت بكثير منها يعني ما صفي لي للتجهيز الا 10 الاف اشتريت جوال وغير شحن جوالي ومطاعم وهبل
شريت شنطتين كبار
عبيتهم عطور من تقليد الماركات كلفتني حدود 500 لان جاتني عطور واجد بالملكه
وشريت حق اول ليله ب 300

وشريت مكياج بالف

وشريت لي فستانين الواحد بالف
شريت لي كم لبس كشخه تبع طلعه بالفين تقريبا

ورحت الهرم وقضييييييييييت وقضيت داخل ودنيا وخرابيط من جد الدنيا امتلت طلع الحساب تقربا الفين وشوي
رجعت على نعوم ولا سنزا وشريت كم طقم وخلصت فلوسي

طبعا
ما جبت استشوار ولا ادوات تنظيف من الصيدليه ولا مرطبات ولا شي

بس زوجي الله يسعده زارني مره وشافني حايسه
قلت له خلصت فلوسي عطاني 3 الاف
تخيلي صرت اصرف بالقطاره عرفت ان الله حق وشريت الي ناقصني كله منها لا وبقي معي بعد الف وعليها


الخلاصه
انو لا تغلطين غلطتييييي
اصرفي بالقطاره من البدايه
وترى مو كل شي اشتريته استخدمته
والله في اسكينول من اول زواجي للحين توه يخلص
وكريماتي وخرابيطي وعطوراتي ما خلصت
لاني كل ما اروح محل اشتري وهداا الزواج اغلبها عطور لان الذهب غالي
يعني العني الشيطان واحمدي ربك غيرك تمنى تصفاله 40 للتجهيز بس

نصيحتي 20 الف ذهب
و10 الاف تكفي وتزيييييييييييد للملابس
والباقي شوفي وش ينقصك بعد