الله يفرجها على الجميع بحق لا اله الا الله محمد رسول الله

up





( أستغفر الله الذي لاإله إلا هو الحي القيوم وأتوب إليه )

وعليكم السلام ورحمة الله

أعرف وحده معرفه شخصيه تزوجت وهي بنت 18 سنه

زوجها كان ظالمها اشد الظلم .. يضربها يحاسبها على كل تصرف يشك فيها

ام زوجها ما رحمتها وكانت مع ولدها على البنت

حملت وسقطت .. وبعد فتره رجعت حملت هددها اذا صار شيئ للحمل ما يرحمها

والحمدلله الله ثبت حملها

استمرت معاه في عذاب وكل شيئ ممنوع غير الضرب والاهانات والشك

وصار عندها منه عيال

واكتشفت انه ادمن المخدارت .. مدري اذا كان يتعاطاها من قبل

اراد الله ان الشرطه تلقي القبض عليه ويدخل السجن

والحمدلله تطلقت وهي لسه في بدايات العشرينات

قعدت بعيالها ودورت وظيفه واشتغلت بالثانويه

ظلت سنين من دون زواج موب لانها ما تبا تتزوج

هي كانت تبا لكن ربنا راد انها تتأخر

لين ما صار عمرها 30

والحمدلله ربنا عوضها بزوج احسن من الاول بكثييييييير يحبها ويحترمها

هو أصغر منها بسنوات لكن هذا ما يعيبه

ولم يسبق له الزواج

وجابت منه عيال والحمدلله امورها طيبه ومرتاحه معاه

الله يديم عليها فضله


اعرف وحده قريبه لناس اعرفهم

تزوجت متزوج .. ومدري شو ظروف زواجهم

لكنها ما كملت معاه سنه وطلقها

قعدت سنوات وربنا عوضها بولد عمها مطلق

والحمدلله امورهم طيبه وجابت له عيال


حبيبتي تفائلي واحسني الظن بالله لان الله عز وجل عند ظن العبد به فليظن العبد بربه ما يشاء

لا تثقين في الرجل ولكن ثقي في الله

ومن ثقتك في الله ثقي انه ما راح يضيعج وراح يرزقج باللي يحبج ويكرمج ويخافه عز وجل فيج

لا تخلين تجربه فاشله تسيطر على حياتج

ولا تفكرين ان كل الرجال مثل طليقج

والله وما شاء الله اللي في محيطي مرتاحات في حياتهن الزوجيه مكرمات معززات



ربنا ابتلاج واختبر صبرج وآمين يا رب يعوضج باللي يصونج ويحبج ويراعيج

اهم شيئ خلي علاقتج مع ربنا طيبه والحئي في الدعاء انه يرزقج بالزوج الصالح المحب لج اللي تكونين له قرة عين ويرزقج الذريه الصالحه المعافاه

واكثري من الاستغفار وتصدقي

وخلي افكارج دائما ايجابيه .. بكره احلى من امس

لا تستهينين بالافكار .. ترى لها قدره تتحول الى واقع

اذا كانت ايجابيه فالواقع حلو واذا سلبيه فالواقع تعيس

ولين ذاك الوقت استغلي وقتج في اشيا مفيده ممتعه

طوري من نفسج وشخصيتج

اقري تثقفي

اذا تقدرين تتوظفين وانتي موب موظفه حاولي تتوظفين

راقبي نفسج واعملي على تحسينها وصقلها

كوني البلسم للي حولج وبتلقين الحياه رغم الكدر اللي فيها حلوه

دمتي بود وسعاده

:26:

انا كنت مطلقه عشت عيشه اللهم لك الحمد جعلكم ماتجربونها وتطلقت ومعي 3 اطفال

وقعدت في بيت اهلي 7 سنوات بسن اصغر ولد لي بعده تزوجت برجال متزوج له عشر سنوات

وماعنده عيال من زوجته الاولى والحمدلله ربي عوضني برجال كفؤ لو الف الدنيا مالقيت مثله

اعرف وحده قريبتي كانت متزوجه ولد عمها وهو كان عنده زووجه من قبل فصار تحدي بينه وبين زوجته وعناد وزعلت عند اهلها قام هو راح لعمه وزوجه هالبنيه..

المهم جلست معاه فتره وبعدين هو رجع زوجته الاولى وصار يميل معها لانه يحبها وفجاه بدون مقدمات طلق البنيه المسكينه وانصدمت في حياتها وقعدت فتره طويله بدون زواج..
واراد الله وتقدم لها رجال نص عمر وهي شابه صغيره بالعشرين وهو على بداية الخمسين..

المهم وافقت عليه وسبحان الله صار نعم الزوج اللي الله اراد يعوضها فيه وجابت منه عيال ولين الحين الحمدلله
مرتاحه معاه وماتحب تتذكر زواجها الاول..

سبحان الله كل شي نصيب..

الله يرزقنا بمن يعوضنا .