زواجك مايتم

طبعا المعرف مو لي لكن بغيتكم بموضوع حبيباتي

ومعلومه مهمه تفيدكم يابنات ياحلوات
الزواج رزق ومكتوب لكل بنت متى نصيبها

لاتقولين انا يجيني خطاب لكن مايتم او يجيني خطاب بس كلام كل هذا طبيعي عادي او تقولين انا مايجيني خطاب اكيد فيني عين او سحر او مس ياكثر مانشوف بنات زي كذا وتزوجوا مسأله وقت ومسأله نصيب


صح اذا تكررت الخطوبات او تفركشت الخطوبات بشكل تستغربين منه ويحصل معه تعب او كره او اعراض غريبه ممكن نقول فيك شي

وبعضكم تهول وتقول فيني عين ومس او سحر وعين طيب كيف عرفتي انه فيك كلهم ترى الرقاه يصعب عليهم احيانا الكشف كيف انتي تقولين انا فيني كذا وكذا حتىى لو اللي قرى عليك قالك وش فيك روحي راقي ثاني شوفي وش يقول لاتخلين كل امراض الدنيا فيك ويمكن تكونين سليمه بس الوسواس خلاك تحسين باعراض غريبه اعرف وحده من كثر خوفها من العين جاها وسواس وبدت تحس باعراض غريبه عجيبه المستشفى ماعرفوا وش فيها يوم تركت الوسواس رجعت طبيعي وامورها تمام

ومافيه شي يعطل الزواج الا السحر طبعا كله بأمر من الله ويمكن السحره يعطلون زواج البنت لكن ربي يزوجها وهي مسحوره سبحان الله



اما الحسد نؤمن فيه لكن مو اذا انحسدتي مره معناها ماراح تتزوجين ابد لا مثلا انخطبتي لفلان والناس حسدوك عليه خلاص مايتم نصيب بسبب الحسد فقط مع هذا الشخص يعني لو تقدم غيره بيتم اذا ماحسدك احد ومو معقول بكل خطبه بتنحسدين مو كل من حسد يصيب ترى اذن الحسد على خاطب واحد بس بعد اذا تقدم مافيه حسد على شي مجهول يعني اذا ماتقدم لك احد وتقولين انا محسوده على ايش طيب وانتي ماتقدم كل احد عشان نقول ماتمت الخطبه بسبب الحسد


والمس اللي كثير يقولون نعاني من مس طيب انا اللي اعرفه ان المس شي متعب واعراضه غريبه ومتعبه يعني مو معقول تجي وحده تقول سمعت رقيه وحسيت اني بنام او حلمت احلام مفزعه خلاص انا ممسوسه لا مو كل راقي يشخص حالتك عن طريق النت تصدقين احيانا تعبيرك واسلوبك وانتي تشرحين حالتك تخلي الواحد يشك انك فعلا ممسوسه واقروا اعراض المس قبل توسوسون ترى المس جني داخل فيك مو شي سهل وماتقدرين ترقين نفسك بسهوله وصحيح المس العاشق يكرهك بالزاوج ويخليك تاخذين فكره شينه عنه


اما العين ياكثر مااسمع انا فيني عين عىل شعري وزواجي متعطل او اسقط حملي طيب وش دخل شعرك بأمورك العين صابتك بشعرك معناها شعرك هو بيتأثر بس اما اذا كانت العين على زواجك ممكن زواجك مايتم بسبب العين

وفيه نقطه مهمه اللي هي الاحلام كلنا اقبالنا لتفسير الاحلام كبيررررررررر صار عندها هوس كل حلم نفسره طبعا بس يقول المفسر فيك عين او حسد خلاص نقتنع انه فينا شي مو كل حلم يصدق حتى اني اقرا احيانا تفاسير المفسرين ياكثر مايقولون حسد عين سحر مس صرت انا ماصدق كل تفسير لاني اعرف كل مفسر ممكن يخطيء او يصيب حتى لو تكرر تفسير احلامك وكلها تقول فيك مرض روحي
لاتاخذين فيها انتي تبي تشوفين فيك مرض روحي او لا من الرقيه اذا استمريت 3 ايام ولا حسيتي بشي ابد انتي بخير ولله الحمد والاعراض مو تجين تقولين الا طلعت لي اعراض لان احلامي تغيرت او جاني نوم وانا اقرا او تعبت او حسيت اني متخدره وودي انام مو شرط كل هذي الاعراض طبيعيه



الوسوسه تتعب يابنات الله يوفق الجميع انتهى كلامي اللي سمعته وحبيت افيدكم فيه وافيد نفسي بعد انا موسوسه درجه اولى الله يعين