زواجها بعد أسبوعين ولكنها ليست سعيدة

السلام عليكم

صديقتي عمرها 29 سنة زواجها ان شاء الله بعد أسبوعين

خالتها خطبتها لإبنها مطلق بدون أولاد ، كلنا استغربنا كيف تقبل تتزوج مطلق وكبير (عمرو41سنة)

أمها ضغطت عليها لحتى وافقت تتزوجو ، خافت أنها تعنس .

المشكل أنو طول فترة الخطوبة خطيبها ما بيحكي معها على الموبايل وإذا صار وحكا كلمتين ويقفل

وإذا اتصلت فيه ما يرد وسعات يرد وما يطول حكي معها

تخيلو حتى بعد ما عملو العقد وصارت مرتو شرعا ما بيحكي معها إلا نادرا

ولا عمرهم طلعو مع بعض

حتى في العيد ما عايد عليها وبكيت كتير

يعني هو مو مغصوب يتزوجها بس كمان ما بيعاملها معاملة الخطيب لخطيبتو

هلا هي راح تتزوج وما بتعرف كيف راح تكون حياتها مع هاد الشخص

نسيت احكيلكم انو صديقتي عندها مرض روحي كان يعيق كل شي بحياتها وكانت ترقي عند شيخ بس ما كملت بس تحسنت

أمورها ، وتحصلت على وظيفة وراح تتزوج

بس هالزواج مبين من أولو انو فيه مشاكل ، انا حكيتلها ممكن يكون انو من السحر اللي لسا ما تشافت منو

خطيبها بيعاملها هيك

الله يفرج عنها ويسعدها ويتمم زواجها على خير