زواجهم وانتقادات امي المستمر

السلام عليكم ورحمة الله
بنات بفضفضلكم بأكثر من موضوع واعطوني الحلول المناسبة وكيف اتصرف
اول شي يابنات انا وبنات خالي قريبين من بعض من يوم ماكنا صغار عددنا خمسة
السنة هاذي فجأة كلهم انخطبوا وملّكوا وتزوجوا الا انا
واحس ان هالموضوع حاز بخاطري بشكل محد يتصوره
صارت مواقف جرحتني بمعنى الكلمة
بالذات ان كلنا قروب واحد
من ضمن هالمواقف لما تجي وحدة تقول خلاص زوجنا كل بنات الجامعة
الحين الدور ع بنات الثانوي .. وانا من بنات الجامعة وماتزوجت
بنات احس اني ضغطت ع نفسي كثير بفترة تجهيزهم وساعدتهم من قلب وفرحتلهم
بس احس بالنقص مدري كيف
تخيلوا انهم يزفونهم مع بعض ويحتفلون فيهم ويفرحولهم وانا مو معهم
ثاني شي امي بدت تحسسني اني وحدة شينة مدري كيف تعبت منها
صرت ابكي من القهر
كل ماشافتني وكل ماقعدت معها تنتقدني وتنتقد شكلي وجسمي
مع ان ملامحي جدا جدا جميلة وانا من البنات الملفتات شكليا
وجسمي متناسق جدا وعندي ملامح انثوية بارزة
لكن امي حطمتني قسم بالله كرهت الجلسة معها
انا سمرا شوي وشعري واصل لنص ظهري
بس كل شوي تقول حطي كذا استخدمي كذا
حتى بالأوقات اللي بسولف فيها معها بعرف اخبارها
تقول يدك فيها كذا لقيتلك خلطة تبييض
مهووسة بالتبييض تخيلوا تدور بالمواقع تدورلي خلطات واشياء
وانا الحمدلله عندي جدول عناية مستمرة عليه بس تعبت تعبت كرهت نفسي وشكلي وجسمي
وموضوع زواجهم كلهم الا انا اصلا مضايقني لين ماحسيت اني اقل منهم
وامي زادت علي ماصرت قادرة اتحملها من كثر النقذ اللي اسمعه
حتى جسمي اللي الناس دايما تمدحه وتسألني عنه وعن الاشياء اللي استخدمها
دايما هي تسب فيه
امس يابنات رحنا عزيمة وجت وحدة سلمت ع امي بيضا وشعرها طويل
اول ماراحت البنت قالتلي شوفي شعرها وشوفي شعرك كيف
وتطالع بأيادي الناس وتقول شوفي يدهم وشوفي يدك
تقارني بغيري .. امي حطمتني كرهتني بنفسي
مع اني طول عمري عايشة ومقتنعة اني جميلة بس فجأة يوم ماشافتهم كلهم تزوجوا غيري بدت تبرزلي عيوبي
ماتتصورون كيف تعبت من جد وكأن الزواج بيدي وانا صغيرة اصلا عمري 20
لكن معقولة بتجلس امي تعاملني كذا لين مااتزوج
ماصرت احب اجلس معها
عندي استعداد ادفع الاف الالاف في سبيل اني اصير بيضا
ودايما اسمعهم يقولون قدامي والله الرجال دايما يبي وحدة بيضا شعرها طويل
هاذي الكلمة سمعتها فوق مية مرة
مدري ايش اقول بس