زواجي بعد 13 يوم

اهلين بنوتات وحريمات حواء مثل ماهو موجود بالعنوان زواجي قريب

بس مو قادره احس بالفرحه الي تحس فيها كل عروس لان التوتر غالب على قلبي وتفكيري

ومو عارفه كيف ابتدي حياة جديده احس اني بطلع من عالم وبدخل عالم ثاني

احاتي سكني لاني بسكن بعيد عن اهلي ومابقدر اشوفهم على طول يعني اول ايام الزواج معروف كيف التوتر والحيا
على اتفه الاسباب على دخلة حمام الله يكرمكم على لقمه هنيه على اشياء واجد الوحده ماتصدق تروح بيت اهلها وتفش الكرش

على قولتهم يعني تاخخد راحتها ولله مقهوره اني مو قادره احس بسبب التوتر والمشكله الي انا افكر فيها دايما ومتعبتني

ان العمل معطين زوجي اجازة الزواج شهر كامل وشيخ الشباب متحمس وعلى كلامه ماراح نطلع من الشقه والاكل بيجي ليما البيت

سبب لي رعب الله يقطع بليسه يعني بقابل وجهي اربعه وعشرين ساعه اول ماجلس من النوم حتى مايمديني اسوي شوشتي واجهز نفسي وملابسي الي امي شرتهم لي بالجهاز وربي احس اني عاهره لو لبستهم وغير كذا هم ماعندي ثقه من ناحية جسمي ابد ومو عارفه كيف بقابل الرجال بهالملابس يوم كامل وانا شبه عاريه امي الله يهديها ماشرتلي شي ارتاح في من بعد ملابس العاهرات

مثلا بجامه خفيفه ولا شي ساتر شوي حق بنات اتنفس في اهي تدري لو شرتلي من الفشيله بضل لابستهم ليما يتشققون علي

بس ولو ماعلي وهذا زوجي مع ان مخطوبين من رمضان الي فات وانا ليما الحين مو راضيه اتعود مع ان شيخ الشباب مو مقصر

ماهنا حيا ابد معاي وانا من طبعي اذا كان الي قدامي جريئ ما استحي عادي بس اهو مادري ليش مو راضيه اتأقلم معاه

نفسي ارتاح من التفكير لاني تعبت ودي اكون ريب بعض البنات الي زواجها قريب وهي ماتلاقين ابرد منها لا تحاتي ولا هم ولا غم عتدي الحياه عندها فري وكل شي ماشي تمام انا ياربي مني دايما اسوي من الحبه قبه وكل شي عندي صعب ومستحيل

شنو تنصحوني في يا حلوين وانا تمام ولا فيني شي بعقلي ابي اتزوج ومو متقبله فكرة الزواج بالله شلون تجي هذي