زواجي بعد 15 يوم وزوجي زعلان علي بسبب تافه شرايكم شسوي ؟

انا زواجي بعد 15 يوم بذن الله تعالى زوجي متغرب يشتغل برى المنطقه بعيد عني صارلو شهرين ذالحين قرب زواجنا وحيجي خلال هالاسبوع او سبوع الجاي لانو مرررره شغله مو راضين يعطوه اجازه المهم نحن عندنا عادتنا البنات بمنطقتنا عادي البنت تكلم خطيبها يعني بينهم عقد قران زوجها حلالها اوكي هذي عادتنا يعني وتقاليدنا بس لما يقرب وقت الزواج قبل شهر الزواج تنقطع عنه وهوا ينقطع عنها نسميه عدنه الانقطاع الى يوم العرس
انا بودي انقطع نفس صاحباتي انقطع عن زوجي ليما يوم زواجنا عشان يشتاق لي واشتاق لو هوا مايبي كذا يقل لا مو لازم اللي يسووونه الاخرين نسويه ابقى اكلمك وتكلميني لسبوع العرس مافيها شي قلت له طيب يعني ذالحين اللي يسمعك تكلمني يوميا بالاسبوع مره مرتين يعني عادي لو انقطعنا مايأثر لانو متعودين مو مديم نكلم بعض
المهم دخل مسنجر امس بعد الغداء مباشره عقب ماانا تغديت هوا لسه ماتغدا فعطاني مسج انا ع النت يالله دخلي قبل ماروح انام فرحت دخلت المسنجر سولفنا سولفنا بعدها قال لحظه بروح اجيب غدا وبتغدا اوكي تاخر نص ساعه ممكن بعدها قالي ابطل لك الكام تشوفيني وانا اتغدا قلت له اوكي ماشي بطل الكام وجالس ياكل ياكل لبعد ماخلص قال خلاص شفتيني وانا آكل وطفا الكام قلت له ايه خلاص فبقينا نسولف على امور الزواج والتجهيزات وكدا المهم قلت له شريت لي امس بلوووزه مره تجنن وحابه اوريك وياها اشوف ذوقك قال يالله وريني قلت لو لحظه اصورها قال ماله داعي تصوير قدامك الكام بطليها ووريني وخلاص قلت له اوكي بطلت الكام ووريته قال طيب وصاحبة البلوزه خطيبتي القمر وينها خل اشوفها قلت له لالا انا اخاف اطلع بالكام <<كنت رايحه ع جنب قال يالله عاد ياام عيالي خليني اشوفك نظره بس وقفلي الكام قلت له ماراح تشوفني الا يوم العرس لليلة العرس اقصد وزعل وقال اوكي يالله مع السلامه بروح ارتاح باي استغربت مايكلمني كدا هوا
حسيته زعل وخلاص والحينه صار لو اربعه ايام لامسج ولا شي كان قبل يبعت لي مسج كل بين يومين يسال عن اخباري وصحتي ذالحين 4 ايام مايدري عني ولا حتى مسنجر يدخل ابد لاحس ولاخبر
ارسلو زعلان ؟ مابيرد علي ادق عليه يصيح موبايله بس مايرد واحيان يعطيني مشغول بعدها رسل لي قال مو انتي تبي ننقطع لليلة العرس وخلاص هذا اللي تبيه موافق عليه قلت لو امبيه وربي انك زعلان مايصير تزعل علي ليوم العرس ع الاقل ارضى علي وخلاص وننقطع بعدها مارد علي وبقى مايرد علي ايام
ذالحين شسوي ؟؟؟؟؟؟؟ ارسلو مسجات اعتذار او شي زي كذا ؟؟؟؟؟؟ او اخليه ؟

رجاءا اللي بترد رد يزعل لاترد ادري ذالحين بتجي وحده وبتقول ليه تكلميه حرام وووو بقول لكي لا مو حرام هذا خطيبي وزوجي وملكي وبين عقد نكاح يعني حلالي وممكن كل وحده عاداتهم غير بس حنا عاداتنا عادي الخطيب بيحكي مع خطيبتو باي وقت يبو عااادي

المهم شالحل ؟