blanches :

ما قريت الردود و يمكن ردي مكرر بس البنت تفكر الرجال مكينه فلوس حتى لو كان شغله ووضعه المادي كويس مو يعني انه يقدر يعطيك احسبيها لليله الزواج لوحدها ح تكلفه 20 الخطوبه و الشبكه و العطور و هالكلام 15 او 20 و مهرك مهما كان غير شهر العسل الي ابسطه لو بس جوى السعوديه ح يكون فوق 16 الشقه يبيلها مقدم فوق 12 ان كان اجارها 24 و الاثاث مو مزحه ارخص شى 10 الالاف غير الالتزامات الثانيه و الكاماليات الي ما تخلص من وين يجيب هذا كله !! هالاشياء كلها تكسر الظهر فانتي لاترفعي سقف التوقعاتك اذا جاه راتبين مضاعفه و ما عنده التزامات هذاك الوقت تشرهي عليه ترى بعضهم يتدين لييييييين تتلف حياته و يبدا حياته ديون غير القرض وكل هذا خيتوووو الرجل واقعي و ما يحسبها بطريقتك نظرتها لبعد عمييييييق ف استهدي بالله و اعرفي انك لو ما استحملتي وضعه الان فكيف بتعيشين معه و ديونه بتغطيه !! و ترى كل الشباب كذا لو اخذتي معدد يمكن يكون جاهز ووضعه احسن الله يوفقك خبيبايحبيبتي وويسر لك الطيب

ما قريت الردود و يمكن ردي مكرر بس البنت تفكر الرجال مكينه فلوس حتى لو كان شغله ووضعه المادي كويس...

حلم وردي12 :

اعلمك من الحين ترا البخيل ما يتغييير مهما حاولتي هذا طبع متأصل وفعلا يبان من وقت الملكه بخله،اذا انتي موظفه وراتبك بيكفيك ان شاء الله ومستعده نفسياً تتحملين مسؤولية نفسك تزوجي

اعلمك من الحين ترا البخيل ما يتغييير مهما حاولتي هذا طبع متأصل وفعلا يبان من وقت الملكه بخله،اذا...

بائعة المسك :

ايوه فهمت هو مو بخيل انتي تبين رجال يعطيك بدون ماتقولين يعني يجيب يجيب وانتي مانطقتي ولا بحرف لاياقلبي مافيه رجال بهالدنيا كذا ابد بدون يعطيك بدون قول هذولا نادرين وماعمري شفتهم ولا سمعت فيهم ابوك قلتيلها ابوي لانه ابوك ابوك عودته امك ولا ماصار كذا امك من اول ماخذته وهي معودته على هالطبع فجيتوا انام صار يهتم بعياله اكثر السبب الاول والاخير اممممك هي السبب ان ابوك صاير كذا معكم انتي كذا اخذتي رجال عليك تعودينه على هالطبع لاتستحين الحياء بهالاشياء سيئ جددددا وضار لك كل الرجال كذا وبالعكس زوجك تقولين يجيب هدايا حتى لو رخيصه وش عرفه بالزين يحسب اللي جابلك زين وحلو يعجبك الرجال عوديه عليك تعودينه قلتي انتي موظفه يالغاليه راتبك ماتلمسينه خليه بالبنك لاتقولين معي راتب وكذا انتي كذا تعلمينه على البخل انه يشيل يده من المسؤوليه اي رجال حتى لو صار مريم عودته زوجته على انها تصرف من راتبها على نفسها راح يشيل يده من المسؤوليه راتبك لايشوف زوجك منه ريال ولا انتي لازم تاخذين مصروفك منه لازم تتفقون على هالشي كم وحده هنا تشتكي ان زوجها تغير بعد ماصارت موظفه لانه عودته يوم توطفة انها تصرف على نفسها من راتبها ولا تطلبه الا باغراض البيت غلط كبير اختي اول ماتزوجت زوجها كريم وش زينه معها وكانت جدتي تقول لها وتنصحها حتى لو زوجك زين معك ولا حارمك شي من متطلباتك ريال واحد من راتبك لاتمدينه له نصيحه لايشوف منك قرش واحد وبعد لاتعودينه انه يشيل المسووليه عشان راتبك اختي ماتبعت نصيحة جدتي لانها تحب زوجها صارت تساعد زوجها براتبها وفكت له سياره واخرتها تغير عليها صار يطلب منها فلوس خربت السياره يطلب تطلب منه مشاوير يرفض ويتعذر ويقول مامعي فلوس صار تعطيه عشان يمشيهم ويزعل اذا طلبها ولا عطته فيسوي مشكله وصار يقهرها انه ياخذ اهله بسياره حقتها ويمشيهم وهي بس تجلس بالبيت هي وعيالها لحد ماصابته حبتها وخربت السياره كل ماصلحها تخرب لحد ماباعها وبعدها قالت ياليتني سمعت كلام جدتي ولا عودته على القرش واني اشيل نفسي وشالت ايدها من اجار البيت ومن كل شي ماتعطيه ريال صار يقهرها ويسوي مشاكل كله بسبب الفلوس تغير الشخص من محب لواحد ثاني وصار مايعطيها مصروف يقولها معك راتبك بعدها قالت مو لازم بس ماراح اصرف على عيالك خلهم بخلاقينهم صار يعطيها عشان عيالها مع الوقت والسنين تغير ورجع زي اول عودته بس بعد سنيييييييييين فوق ال10 سنين انه كل شي هو يسويه ويجيبه لها ولعيالها من نفسه وصارت اختي تنصح كل من جت تتزوج بهالشي اختي اللي بعدها وحده ماتحب تطلب تبي الشي يجيها بدون طلب تقول ماحب المنه تزوجت ولا تطلب زوجها المصروف تسكت وهو تعود وصار بخيل معها وصارت مشاكل وراحت لاهلي بسبب هالشي صار بخيل حتى على بنته والسبب الزووووووجه هي السبب هي البلاء والجلاء تخلي الرجال بهيل بسكوتها نقولها زني زني زني تقول ماحب الزن اذا ماجاني الشي بنفسه مابيه قلنالهازتيتاهلين شوفي جيتي انتي وبنتك لاهلك وحرمتي بنتك السبب انتي وحست بغلطتها وتوظفت عشان بنتها تصرف عليها ماتبي ابوي يعطيها ريال مصروف تقول مو مكلوف ببنت رجال حي رجع زوجها وتاسفه وشرطت شروط عشان رجوعها ووافق كل شروطها فلوس بفلوس تبي تعوده من اول شي لانه صددددق زوجها صار بخيل بقوه وخلته يجيب بيت جديد وخلته يجيب اجهزه جديده نفضته تنفيض وصارت تطلب مصروف لها ولبنتها فوق الالفين وينهبل هو قالت تبي ولا رجعنا لاهلي يقولها مامعي مامعي تقوله تسلف مايهمني ذا مصروفي وذي شروطي يسكت ويجيبلها المصروف عرفت انه كذاب اذا قال مامعي اي رجال يقول مامعي يكذب عشان زوجته تسكت وتنسى وهو يجمع بحساب ثاني وجابلها مصروفها لانها صارت تقولها مالي دخل تسلف لاتناظر لراتبي مالك ولا بنتك شي راتبي ماراح اصرف عليها ولا على نفسي منه انتي زوج عليك النفقه لي ولبنتي منت قدها لاتتزوج هي تشتري من راتبها اشياء بس من وراه ولا يدري انها تجيب شي لها ولا لغيرها من راتبها فهو يحسب انها كل شي تشريه من المصروف لذا الرجال خرابهم الحاريم وصلاحهم الحاريم انتي تصلحينه بنفسك وانتي تخربينه بنفسك وابوك مصلحته امك ولا لو امك سوت زي اختي كان شفتي البخل بابوك لذا زوجك انتي تعودينه تبينه يعطيك بدون قول لازم تقولين له بصريح العباره عطططني مصروفي عطني ابشري كذا عطني ابروح لكذا زوجك يهديك مايهم قيمتها بس يهديك انا زوجي مايهديني وانا وحده زنانه بس مايهديني من الملكه اهداني مره وخلاص انتظر هدايا ماشوف اول شهر زواج انتظر واطلب ماشوف اقولها مابي غالي لو وردة الشارع اقطعها وجيبها هديه لو خاتم حديد ياخي تهادوا تحابوا ويطنشني ماشفت منه الهدايا ابد زوجي مو بخيل اللهم لك الحمد والمنه بالعكس اطلبه مصروف يعطيني وزياده يارب لك الحمد مايقصر علينا بشي بس بالهدايا مايعترف فيهم يعني لو بغيت جوال جديد ززززززن سنه ويجين هههههههه بس الحمدلله يجيب لي بعد الزن بس مو هديه لاني طالبته فيجيبه على شكل الطلب تعرفين العديه يكون مفاجئه ومغلفه وكذا لا ذا يجيبها لي بكيسته وخوذي ههههههههه بس موافقه المهم يجيب لي ولا يبخل لذا انتي بعد الرجال على ماعودتيه وزوجك فيه كرم يجيب لك هدايا مايهم القيمه المهم انه يحس فيك هذا المهم شوفي زوجي وشوفي زوجك ماهنا وجهه شبهه زوجك يهدي بدون طلب منك انا لا وحتى وانا اطلب مايهدي الا اذا زنيت سنه تخيلي مو شهور سنه وانا مرتاحه وانا وحده مو متطلبه لانه المصروف يكفيني وانا مو راعية خرجات ولا مشاوير هو مرتاح وانا مرتاحه لذا انتي عوديه وعودي نفسك قبل ماتعودينه هو الله يوفقك ويسعدك دنيا واخره ويسخره لك ياقادر ياكريم زي ماتحبين وترضيت

ايوه فهمت هو مو بخيل انتي تبين رجال يعطيك بدون ماتقولين يعني يجيب يجيب وانتي مانطقتي ولا بحرف...

جمالك سحرني :

بعض الرجال بيعود زوجته على قل الصرف وبعضهم ظروفه ماتسمح وبعضهم بعد الزواج ومعاملتك له الطيبه ووو يصير يعطي ويصرف ويمكن مو بخيل لا حريص ويطلع الفلوس على شي مهم وأساسي هي على ماتعودينه وأنتي خلك متوازنة وعارفه ظروفه قبل وإذا مره مافاد مالك الا مصروف شهري او وظيفه والاسلوب المناسب وطريقه طلبك للفلوس ووقتها

بعض الرجال بيعود زوجته على قل الصرف وبعضهم ظروفه ماتسمح وبعضهم بعد الزواج ومعاملتك له الطيبه ووو...