زواجي بعد 9 ايام .. ساعدوني//تم الرد

اكتبي في ورقة ايش عندك وايش ناقصك وروحي مول كبير لانجري من محل واحد او محلين
خذي كل احتياجاتك لاتجلسين تدورين خذي لك كم لبسة من كم محل مثلا تنورة ركبي عليها بلوزيتين وهكذا جزمة بيضاء سوداء فضي طبعا لازم تشوفين ايش عندك اول وتكملين عليه
روحي العويس فيه محل اسمه كمتر عنده قفطاين حلوه. خذي لك ٢ البسيهم عند أهل زوجك اذا رحتي زيارة او اهلك او فطور رمضان توني طحت فيه مرة حلوة وأسعارهامن ١٥٠ الى ٣٥٠
روحي محل واحد وأشتري مكياجك اكيد تعرفين ايش تستخدمين. ممكن تروحين وشيقر وتاخذين ماركة كارجا إيطالية رخيصة وخذي عطرين واحد صباحي خفيف وواحد مسائي
فستان الزواج هو المشكلة لازم تشترينه جاهز او تستاجرين مايمديك تخيطين

عادي لاتقلقين اكتبي اغراض صيدليه تكلفك تقريبا ٥٠٠ اذا من كل شي واحد منعم وشامبو ومعجون ومزيل عرق استشوار وعطور بخور - ووو... الخ
اذا بتروحين سوق فيه كل شي راح تخلصين نصها اشتري شناط للاغراض ٣ مع شنطه صغيره للفندق
قميص ابيض طويل حرير لاول يوم - نوعي بجايم وقمصان طويل وقصير وملابس طلعات
خذي اجار فستان زواج - شريط زفه- مسكه- اكسسورات وتاج ولاتنسين تبقي فلوس للتسريحه والمصوره
بلتوفيق.

شوفي اللي ناقصك واكتبيه
مثلا الاشياء الاساسيه
عبايتين خذي وحده حقت طلعات ووحده حقت طلعات رسميه
شوفي الشنط والحذايين اللي ناقصتك وخذي اللوان الاساسيه
انصحك بشنط وحذايين سنتر بوينت تجننننن خذي
اللوان الكلاسيك اسود ابيض بيج بني. مع جزمهم سوا كعب اللي يجيك مدبب كبير او صنادل واطيه وربي تجنننن
وروحي سيتي ماكس
خذي فيستانين ناعمين وطقمي عليهم اكسسوارات ناعمه
وخذي اقمصه نوم منه يجننن كم واحد وخذي بجايم من عندهم وملابس داخليه وملابس يوميه حلووه بعد


على حسب اذا اهل زوجك وزوجك اجتماعيين يتجمعون دايم او لا اذا اجتماعيين لازم تشترين ملابس طلعات كثير واذا لا فبترتاحين


وخذي شنط السفر فخمه وجهزي فستان زواجك واشتري الذهب يوم للذهب كثري من الذهب الثقيل الاصفر
بدون فصوص لانه ماسك في سعره
خذي عطرين او ثلاث من شانيل وواحد عوده
وبودرات اجمل وانصحك بالزيوت العطريه افضضضل شي
وخذي من زهور الريف ريحها ثابته وقوييه بشكل
وخذي بعد البخور




وجهزي المسكه والصالون والمصوره لو حابه
اكتبي جدول كل يوم مكان
مثلا
يوم السبت ؛سوق الذهب
يوم الاحد حجز المصوره ، شوفي تصويرها واتفقي اش تبيها تصور لك مثلا بوفيه المدخل وصور انتي حابتها
يوم الاثنين حجز صالون وسنتر بوينت وستي ماكس كذاا
ولاتقشي كثيرر انصحك بالذهب
واكثري من الاستغفار وجسمك لو اهتميتي فيه من قبل


شيلي جسمك بالحلاوه سوي سكراب وحمام زيت وحمام مغربي وهكذا الترطيب اهم شي واشربي مويه كثيررررر مررههه عشان وحهك لايخرب مع الفرفره بالسوق😂😂😂

حبيبتي شوفي سنتر بوينت مسوي تخفيضات رووووعه ع الشوز والشنط والملابس واللانجري والماكياج

الله ييسر امرك ماقصروا البنات
الف مبروك مقدما انصحك تشوفين المحلات اللي مسوية عروض
وخذي مسك العروسة من اجمل مرة نايس حطي شوي خلف الاذن
وخذي خمريات لشعرك وروحي المول الصبح يكون خفيف وتقدرين تتسوقين بسرعة
ويمديك العصر او الليل ترتاحين وتهتمين ببشرتك سكراب وماسكات ومقشرات وغيرة
سوي بدكير لليد والرجول دهني يدينك قبل النوم بزيت زيتون مع ليمون وسكر والصبح غسليهم وحطي كريم مرطب
والله يوفقك