زواجي (زوجي وانا)

السلام عليكم.انا عضوة تقريبا قديمة في المنتدى بس نادرة الدخول لهالقسم.المهم تشجعت اليوم اكتب مشكلتي يمكن عشان اسمع آرائكم او يمكن فضفضة عموما انا انسانه متزوجه لي 7 سنوات من زوج يقول يحبني بس تصرفاته ابدا ماتدل من عدم المبالاة وقلة الاحترام و الجحد وانا انسانه متعلمة وجامعيه و احب الشخص ياخذني على قدي مو يتعامل معاي بطفوليه.وصلت معاه انه يكذب في مواقف عشان يطلع نفسه منها ويسوي يورطني بس في الاخر تنقلب ضده.ومايعترف انه يكذب في المواقف الفلانيه يعتبرها تصريفه او مبالغه بسبب النرفزة بس مو كذب.غير ان ربي مارزقنا ببداية زواجنا وكنت اسمع من القريب والبعيد تلميحات ان السبب مني و لازم اتعالج حتى اصحابه واقاربه الرجال ما خلوا فيها حياء و قعدوا يسألوه ليه ماتحمل روح راجع فيها وماكلف بخاطرة يرد عليهم و يبرد قلبي و بس فالح يجيب السالفه عندي وانا اشب نار خاصه اني سليمة وماتركت مستشفى ولا عيادة ولا دكتورة مارحت لها وكلهم قالوا سليمة واحس بالفشله جاني احساس انهم حفظوني من كثرة مراجعاتي.غير اني بغيت اموت من ابر منشطة اخذتها من دكتورة فيوم و يوم رحت ازور اهلي تعبت عندهم و ودوني مستشفى واكتشفوا عندي فرط تنشيط واستسقاء (تجمع سوائل ورشح بالمبايض والحوض) كنت بروح فيها لولا لطف الله والدكتورة اللي كنت اراجعها كانت تقولي طبيعي الآلام حسبي الله ونعم الوكيل فيها خلاصه كلامي انا اجتهدت و زوجي كان يقولي سليم ومافيني الا العافيه الله يسامحه ضيع عمري و وقتي في مراجعات وادوية وهو السبب واشك انه داري بس خاف من ردت فعلي خاصه انه صارت مشاكل فترة واهلي وقفوا في صفي ضد اهله و وروهم ان عندي سند ربي يبارك لي في اهلي ويحفظهم ولا يوريني فيهم بأس.حاليا انا ام لطفله اللهم لك الحمد وحامل تبارك الرحمن بعد شق الانفس وجري واجبارة نروح لوسائل المساعدة ولا هو ولا همه اجلس ليالي وايام ابكي ابي ريحة طفل وهو يكتفي الله يرزقنا والله كريم.ترى ربك مابيرزقك اذا ماسعيت و عملت بالاسباب بس شقول!!! بعد كل هالكلام احس كرهته كرهته كرهته ومايعاملني كزوجة لها مكانتها تصورن تقلب طباعه و معاملته لي 180 درجة اذا زرنا اهله وبتنا عندهم احس اصير سرلانكيه يحاول يسوي يأمر وينهي مع ان فعمري وربي الشاهد ما حسسته بالنقص عند اهله وكل الاحترام له ولاهله ترا عندي ذوق بعد بس مافي فايدة احس يهيني عندهم بيسوي فيها السي سيد غير اذا طلعنا مولات ومن انا عروسه اركض وراه وهو قدام و يهاوش وتقلب اخلاقه مع اننا نكون حلوين في البيت ونطلع عشان نغير جو بس ينكد علي وارجع وانا مقهورة ماكمل المشوار في بعض الاحيان.انا بيتوتيه جدددددا واحب اكون في عالمي بس احيانا الشخص يبي يغير فاروح لاقاربي يمكن مرة في الشهر وهو ضاقت عليه هالمرة ويقول الحرمة لبيتها ماتزوجت علشان تتونسين برا بيتك وحلف فيوم بالطلاق اذا بروح لاقاربي بس ماخليتها فقلبي كنت بتحداه واطلع وهو موجود لولا تدخل عمته والله يومها وصلت معاي وكنت ابي الطلاق والفكه بس الحمدلله ربي يريد الامور تتصلح لحكمه احس طولت بالكلام و المواقف ما تنتهي بس احس هالانسان مو مناسب لي كسر شي داخلي وابي الطلاق وفيوم قالي بعلقك وبعد تطنيش مني له لشهر وانا عند اهلي ارسل رسايل واعتذر عن الكلمة بس هي فقلبي واخاف ماتكون كلمة وقالها اذا فيوم زادت امورنا تعقيد وفعلا يعلقني.لا تقولون لي احمدي ربك زوجك ما عنده بلوه و مدري ايش كلن ومشكلته كبيرة فعينه الحين ابي رايكم وش اسوي معاه