زواجي عن حب .. ارفعو الموضووووع الله يسعدككككم !

يسعد مسائكم حبايبي .. انا الي امس كتبت موضوع ( بنتكم واختكم محتاجاكم ) الله يسعد
كل من رد عليا وريحني بكلامه الله يجعلكم الجنه
كلكم طنشت زي ماقلتو لي مادقيت عليه عشان يهدى واشوف ايش قرر زي ماقال انو بيفكر في موضوع الزواج سحبت ع الواتس ماخشيت من امس دق عليا اليوم بعد المغرب رديت وصوتي متضايق سألني ايش فيك قلت مافي شي سكتنا شويا بعدين فتح الموضوع جلس يلومني ليش
اعلم بنات خالاتي انو اخذنا بعض عن حب هوا عارف من زمان من قبل ٣ سنين انه عندهم علم اننا نحب بعض ونبغى بعض كان عادي دحين انقلب يقولي احس اهلي فيهم شي اكيد سمعو انو بيننا شيء انتي السبب وانتي وانتي قلت مستحيل اهلي يتكلمون بموضوع زي كذا رفض يسمع لي جلس يلومني يقولي انتي صغيره عمرك ٢٠ فرحانه
عشان بتتزوجي حبيبك تبغي الناس كلها تدري جلست احلف اني عمري مافكرت كذا اشتد النقاش قبل مايقفل قلي انا بشوف وضع اهلي اليوم لكن لو طلع إحساسي صح اهلي فيهم حاجه انسي يتم لنا اي شي انا قفلت وحتى دحين مخي ملخبط .. انصحوني ايش اعمل اتمسك فيه ولا ابين انه ماهمني بيني وبينكم وحدا من أخواته كانت تبغى له صاحبتها ودائما تمدحها قدامه لما خطبني جلست تخيره بيني وبينها بس هوا طنشها وقالهم ابغاها يعني ابغاها !! كل الي تدخل موضوعي تريحني وترد عليا وتدعي لي ارفعو الموضوع الله يخليكم محتاجه ردكم كلكم ايش اسوي ؟