الله يوفقك ان شاءالله و سائر بنات المسلمين

حبيبتي ... لا تهتمي ولا تقلقي .. صحيح التجهيز يبغا له صبر .. بس حلو يخليكي تطلعي على كل شي بالاسوق و تلفي اماكن ما سبق ورحتي لها .



المهم

موضوع انك بتسكني جده خليه على جنب ..

اهم شي انك تخلصي من التجهيز و بس .. و لازم تدوري على كوافير وتحجزيها لك من الان ...

دامك بتسكني جدة اكيد ان اهل زوجك هناك دام الزواج هناك ... خليهم هم يحجزون لك .. ويمكن يتكفل العريس و يقول مصاريف الكوافير عليه .


المهم نجي للتجهيز ..

لازم اهم شي تكتبي كل شي تحتاجينه . بس بعد ما تعملي تقسيم اساسي لها .

مثل عندك .

1-قسم فساتين

كم فستان بتحتاجين .

2- قسم الملابس الداخليه

ايش بتحتاجي منها و تقسميها إلى ( قمصان نوم - اطقم كلوت مع سوتيانه - سوتيانات لوحده مقواه - كلوتات قطنية - شلح - كلوتات قطنية طويلة ( شورتات) وهذي بتحتاجينها كثير لما تطلعي مع زوجك في جدة عشان ما تعمل اسمرار للافخاذ )

3- قسم ملابس الخروج

تقسميها إلى ( تيورات - بدل - تنانير رسميه - بلايز رسمية - والرسميه هذي للدوامات لو توظفتي - جلابيات )

4- قسم ملابس البيت

تقسميها إلى ( ارواب بيت - بناطيل جينز - بلايز و توبات حلوة - تيورات منزلية تلبسيها عند زوجك )

5- الاحذية والجزم

تقسميها إلى ( احذية و شنط ( اطقم ) للحفلات حسب فساتينك - شباشب عاليه وواطية - احذبة مريحه و شنط واسعه مريحه للبحر و غيره )

6- المستحضرات و المكياج

تقسميها ( مكياج كامل - شامبوهات - كريمات للجسم - كريمات و زيوت للشعر )
مع ادوات العناية بالجسم من ليف و غيره

7- مفارش السرير

تحتاجين كذا مفرش اقل شي 4 مفارش من بينها واحد فخم مفرش ليلة الفرح .
بطانيتين شتوية - 4 وسائد - 5 اطقم شراشف كاملة السعر احياناُ للواحد بـ80 ريال يمكن وهي بتحتاجينها للسفر .منشان ما تنامين انتي وزوجك على مفارش الفنادق .

8- ادوات المطبخ

وهذي امك تعرفها اكثر منك ولا تكثري .

( طقم سفرة - طقم قدور - طقم مقالي - مفارش سفرة - اطقم ملاعق وسكاكين وشوك و غيره وغيره )


9- حقائب السفر

وهذي لازم تاخذينها طقم كامل وانا انصحك انك تروحي للجار الله اللي عندكم اخذت انا منه طقم سبع قطع بـ900 ريال . ولا يفوتك ترى لك وللزمن .. وابتعدي عن الاطقم اللي عددها 5 او 4 .

حقيبة مكياج سوداء كبيرة و مش ضروري تكون مبطنه من الداخل لانه المكياج يمكن ينكب داخل الشنطة او شي .


وابتعدي عن شنطة الذهب اللي عند بدون اسم ترى مالها نفع .. ولا قيمة .لان مع الصقم اللي قلت لك عليه لازم تجيك شنطة قبل الاخيرة وتكون هذي للذهب .

و ان كان على فستان الفرح . فعندك مشاءالله فيه اسواق المتنبي تلاقي اللي تبغينه انشاءالله

وانصحك ما تبالغي فيه و لا تزيدي عن 2000 ريال و خليه عندك للذكرى عشان ما تخسري فلوسه و بعدين ابقي سلفيه لقريباتك لما يتزوجون .

وراح تحتاجين لفازات و تحف صغيرة ومفارش طاولات وغرفة النوم و اهم شي عندك تحف غرفة النوم .. تلاقيه عند لايف ستايل فيه مجموعة ( فرشاة شعر +صينية عطور صغيره + سلة مهملات صغيره + علبة مجوعرات صغيره + علبة مناديل جنب السرير ) حلوة مره كلها من المعدن بس مرررة جنان .

واي استفسار انا حاضرة وبالتوفيق انشاء الله

على فكره


اهم ملاحظة ...

اذا طلعتي تشتري حطي في بالك هدف انك اليوم تشتري فقط ملابس داخليه لين تخلصين منها .

ولا تشتري شي معها ابد يعني الطلعه الوحدة تكون لشي واحد فقط مش كل شي لانه راح تتبعزق فلوسك على غير سنع


بالتوفيق انشاءالله

هلا حبيبتي,


شوفي انا من جده والي تأمرين فيه ترى حاضره
بالنسبه للمهر الله يعينك بجد والله مهري اكثر
وحسته ولاكأنه مهر وزدت ولاخلصت<--تحسرت

المهم لاتسوين زيي تكفين بنصحك نصايح وياليت تنفذيها ترتاحين

اول اشتري الطقم كامل يعني اذا بنطلون لاتطلعين من السوق
الا جايبه له بلوزه يعني لما تشتررين حطي ببالك تطلعين مكمله
الطقم
ثانيا اشتري الضروري يعني حطي ببالك لبس خرجات +لبس
بيت+لبس سبور+القمصان اجلي فساتين السهره للاخير
لأني بعطيك محل بجده ذا يبيع فساتين سهره كلها حرير
فظيعه تشبه فساتين اليسا وهيفاء وهبي واسعارها حلوه
وبالنسبه لو بتجهزين جهازك كله من جده بقولك كل المحلات الي
تروحين لها دغري,

وبالنسبه لفستان الفرح فيه محل بدلك عليه ذا حتى تلقينه مسوي
جاهز هو نفسه المصمم يشتغله ويعرضه تصاميم للناس ويبيع
جاهز لو ماعندك وقت تفصلين بس يعتبر غالي شوي ممكن يطلع
بـ 17 الف
اذا ماتبين تسوين فستان دوري فستان ايجار او فستان من وحده
تبي تبيع فستانها بشرط يكون شئ حلو ومتجدد...

وبالاضافه للكوافيرات عندك محل ريما حلو شغلهم فيه لينا للعرايس
حلوه وشغلها فنان وذي بشارع حراء

بالنسبه لمحل الكوش عندي رقم محل الكل يمدحه ويعتبر
اسعاره رحمه بالنسبه للي بجده وبرسلك رقمه
تشوفين كوشه
وبالنسبه للمصورات بدلك على مصورات حلوات بس قولي
ميزانيتك للتصوير...

واي شئ تبينه راسليني ع الخاص عشان انتبه للرسايل اكثر من المواضيع


تحياتي...

<---ساعه تحاول تعدل في ردها السابق
مانتبهت لردك انك بتجهزين من الرياض:)