زواجي قرب .. وخطيبي مصر البس هالشي بعرسي !! اترجاكم تسعادووني وتقفون معاي بموت ..

مرحبا وتحية طيبة للجميع...
اول شي احب ابارك لكم بـ هـ الشهر الفضيل ..رمضان كريم وينعاد علينا وعليكم بألف خير وسلامه..


ضاق صدري واعتصر قلبي بقوه ومنتدى عالم حواء اعرفه من زمن طويل جدا ..
فـ جيتكم افضفض واطرح عليكم مشكلتي واترجاكم تساعدوني ...

مشكلتي هي..

عمري 19 سنة ومخطوبة لي 6 اشهر ..احب خطيبي ويحبني ومرتاحين ومنسجمين مع بعض
ولله الحمد.. قبل فتره دخل النكد وضيقت الخلق بينا والسبب ؟؟ فستان العرس !!
عرسي قرب انشالله بيكون بعد العيد .. قبل فتره بديت انا وياه ندور ع فستان لـ زواجي
رحت محل وعجبني فستان يجنن بس المشكله كان سعره غالي بقوه ..
اتفقنا انا وياه ان اخوه الي ناوي يسافر ياخذ تصميم الفستان ويجيبه معاه عشان يطلع بسعر انسب
واتفقنا ان اخوه ياخذ للفستان صور ويرسل عشان يعجبني قبل لايجيبه ..
طبعا كل الفكره كنت مو مرتاحه لها بس لـ خاطره وافقت المهم اخوه مادز لنا اي صورة
عشان اول شي الفستان كان تصميم يعني مااقدر اشوفه لين يخلصون تفصاله وكل شي وثاني شغله
اخوه ماقدر يرسل صور بسبب ضروف صعبه المهم جا اخوه وشفت الفستان و ماعجبني
الفستان عاجبني من تحت لكن من فوق جدا مو عاجبني وحنا هنا في بلد اوربي يعني صعب تلاقين
خياطه ممتازه تسوي لك الي تبينه ..

وهنا بدا الخلاف ...
حاولت اقنعه اشتري فستان غيره مارضى ..
ااجر غيره هم بعد مارضى ...
قلت له اوكي اوافق عليه بشرط اسوي عليه بعض التعديلات قالت تددللين..
رحت قبل كم يوم لـ المحل الي شفته اول شي وكان في الفستان الي عجبني وسعره غالي
صاحبة المحل كانت حاقده علي وعاملتني جدا بوقاحه اخذت الفستان وطلعت ورحت محل ثاني
وبرضو قالو لي ان التوب تبع الفستان مايتغير..
شفت فستان عندها عبجني موت وسعره مناااااااااسب بشكل فضيع
قلت له عليه و ماوافق :(:(:(
يقولي الفستان الي جبته لك عاجبني اشوفه عليك وماابي اشوف غير فستان عليك
وعطاني مبلغ كبير ع اساس كان ناوي يعطينياه من زمان وقالي انتي انصرفي فيهم ع كيفك
يعني مايبيني اشتري فستان غيره مو سالفة بخل تأكدت ..
طيب اقوله بخل يقولي لا
طيب عناد؟؟ يقولي قسم بالله لا
طيب شو في وربي مو فاهمه لي يتصرف بـ هالشكل ؟؟
يقولي فيه شي و مستحيل اقدر اقوله لك !!
امس للساعه 4 في الليل وانا سهرانة معاه ع التلفون
يقولي روحي اشتري الفستان بس هو ضايق خلقه وزعلان ومن اكمله بيصير مو طبيعي معاي
يقولي والله احبك واتمنى اشوف فرحانه ومبسوطه بس في هالسالفه تعرفين رايي
انا اقدر من بكره اروح اشتري الفستان واطنشه بس احبه وماابي ازعله
طيب شو اسوي؟؟
الفستان الي شفته سعره مناسب وشكله يجنن والفستان الي جابه لي مو عاجبني
وربي تعبت موت موت موت
و زواجي قرب وماابي يضل الجو متعكر بينا
ابي البس ع ذوقي و اكون فرحانة وبنفس الوقت ماابي ازعله وماتكمل فرحتي اذا يكون مو ع طبيعته معاي

بيلز بينا فديتكم في هالشهر مستجاب الدعاء ادعو لي
وساعدوني شو اسوي وكيف اتصرف معاه ؟؟
حاولت بكل الطرق اقنعه
تكلمنا كثير وتناقشنا ...

الله يوفقكم ويسعدكم ويسهل اموركم يارب

انتظركم ع نار