زواجي قريب !!!

غريبه .. رجال يعترف بكل هالأريحيه!!

بس حبيبتي انتبهي أخاف ما خفي كان أعظم

أسألي عنه أكثر قبل ما توهقين

والله ييسر أمرك

مادري ليش سبب مصارحته لك يمكن بيشوف رأيك ويمكن بيعرف ماضيك انت ؟
لكن من رأيي ان تصدينه عن الكلام اي المصارحة الزايدة ونبهية ان الماضي مالك علاقة فية وحياتك تبدأ معه من جديد اي بدون ماضي
لازم تفهمينه انه معك لابد ان ينسى ماضيه ويبدأ حياة جديدة نظيفه يكون همه سعادة اسرته وسمعتها
واحذري تكثرين الكلام معه وتقولين له عن اي هفوة حصلت لأنه بيمسك عليك اي كلام تصرحين فيه
وسؤالي ليش طولت الملكه ومتى الزواج ؟؟؟؟؟لان طول المدة ا بيتعب نفسيتك وتحصل مشاكل انت في غنى عنها ....
المهم في الموضوع الأستخارة والتأكد
وأسأل الله العلي القدير ان يتمم عليك ويكتب لك كل خير وسعادة

فيه إن في الموضوع ..

خصوصا بعد ما قلتي انه يزل انه سوى اشياء بعد مصارحتك ...

قدامك احتمالين اشوفهم واضحين ...

يا انه يبيك ترفضينه بس ما استوعبتي يبي الرفض يجي منك ..

يا انه عنده روتين ما راح يغيره بعد الزواج و يبيك تكوني عارفه ماضيه لانه بيكون حاضره و مستقبله كمان ..

ولو احتجيتي بيقول خذتيني وانتي عارفه اني كذا وكذا ..

إذا تكلم مره ثانيه قاطعيه قولي بقولك شي عشان ينتبه وينشد انتباهه


قولي وش هدفك من كلامك عن ماضيك لي


اذا قال بس سوالف ومالي قصد


قولي انا اتضايق من هالسوالف
لانها اولا ماتهمني
وثانيا لاني احسك منت مهتم بمشاعري وانت تتكلم بكل جرأه عن ماضيك


قولي له انا دايم افكر وش هدفه من هالكلام


وقولي له دايم اقول بخاطري الحين تجرأ ةتكلم معي عن ماضيه اجل لو تزوحنا وش بيصير



خليه ينتبه انك صرتي تخافين من المستقبل معه



واسالوا عنه اكثر عشان بعدين مانشوفك هنا تكتبين خانني


الله يسخره لك ويحفظك واياه ويكفيه شر عيال وبنات الحرام

امسك قردك لا يجيك اقرد منة
انا اقول وش فيها لو صارحك؟
احسن من الغامض اللي ماتدرين وش به
سبحان الله يالحريم ما يعجبنا شي
واستخيري قبل كل شي
والله يوفقك