زواجي والباربي

الحمدالله سبحانه واشهد ان له في كل امر حكمه لانه اللطيف الخبير ويعلم ما يصلح لنا اكثر مما نعرف حنا وين مصلحتنا......موضوعي مجرد طاري وحبيت اكتبه...
لي مع عروسة الباربي الشهيره قصه .يوم كنت صغيره كانت تاخذنا امي لزيارة بنت عمها كان حالهم مختلف عن حالنا تماما كانو بناتها مدللات بالنسبه لنا  ..مره زرناهم واخذتني  بنت خالتي اللي في سني  عشان توريني عروسة الباربي اللي اشترتها هكانت اعمارنا وقتها 6سنوات ..يومشفت الباربي وفساتينها انبهرت فيها ورجعت البيت وانا افكر اني في يوم بشتري الباربي وصرت كل ما شفت صور الباربي في مجله احتفظت بالصور وكل ليل اتفرج عليها وانا عندي امل اشتريها ...لا حظو اني ما طلبت من امي وابوي انهم يشترونها لي لاننا ما تعودنا نطلب  شي ولا احد يسمعني لو طلبت او يعطيني بال ...ومع ذلك كان عندي امل اني اشتري الباربي ..كيف مدري بس اللي اعرفه ان الامل دايم من سماتي  من واناطفله ....

كبرت وما حصلت علي الباربي.....لكن ما نسيتها حتي يوم وصلت سن 12   16 20
كنت اشوف الباربي وابتسم ..اتذكر حلمي...لين نسيت حلم الطفوله اللي ما تحق.......
تذكرت اليوم يوم بلغت 41 سنه وانا ما تزوجت  حم الفستان الابيضوالعريس الوسيم ..
واخاف ان يصبح مثل حلم الباربي اللي ما تحقق

انا ما ابي اتزوج وبس ..ابي رجال يرتاح له قلبي وتنشرح له نفسي وما عنده زوجه غيري
تماما مثل ما كنت ابي الباربي وما ابي عروسه غيرها...
الزواج عندي مو تفريخوعيال بس....مو رجال معه فلوس او شهاده......
ابي رجال ارتاح له واحبه وافرح به ..لو ما يملك الا اخلاقه ودينه