SHOOQ8
•
الصراخ اهون من الضرب صحيح تعيشين بقلق نفسي بس شي اهون من شي الحل ومجرب شخصيا اذا صارخ التزمي الصمت ولا تحاكينه حتى البنات وروحو لاي غرفه وقفلوا عليكم واذا هدى اطلعيله وعطيه اللي يبي ودايما اذا شفتيه دخل وهو يصارخ غيري المكان اللي هو فيه واذا كان يبي منك شي جيبيه له وروحى لاي غرفه بيحس بدمه وبقلل صراخ لانو بيحس انكم نفرتو منه عن تجربه والحمدلله تحسنت الحاله
نـ23
•
نفس طبع الوالد بس العمر والمرض له دوور بلعصبيه الله يعينك يارب
واهله لك رب ياخذ حقك منهم الشماته مو زينه الله ببيبلاهم
واهله لك رب ياخذ حقك منهم الشماته مو زينه الله ببيبلاهم
الصفحة الأخيرة
لا حبيبتي مو هذا السبب انا اعرف وحده معرفه عن قرب ...... ابوها وامها عايشين واخوانها ومع زوجها مثل زوجك صياح 24 ساعه صياح ويحاول يستقوي على زوجته واولادهـ
اولاده صارو ضعيفين شخصيه بشكل فضيع ..... تحسين الواحد مهزوز او مرعوب اذا صرخ احد عليهم يطيعونه ..... صار اكثر شي يخافون منه رفع الصوت
بس انا هنا ما بحكي لك مشاكل الناس ..... بس ابغاك تبعدي عن اخطاء هذي الحرمه لانها ندمانه عليها
اولا زوجك ضعيف شخصيه ولو تشوفينه بين الرجال يمكن تبكين من ضعفه وتلاقينه يحاول يثبت نفسه باي شي
ثانيا زوجك لما يعاملك بالطريقه هذي شاف منك الطاعه وحس برجولته بهذي الطريقه خاصه قدام اهله وعشان كذا هو صار يتعامل معاكم كذا
وبما انك اللحين عرفتي وش نقطة ضعفه اجل ابدائي بها ........ قدسيه في عينك وفي عين بنات انا ما اقول انك مقصر لا .... يس اذا دخل البيت رحبي وهللي فيه وجيبي طشت مويه وحطي فيه حبوب الخردل لانها تهدي الاعصاب وخلي وحده من بناتك تسوي له مساج في قدمه حتى تنتهين من تقليط الغداء ........................... وكل هذا قبل لا يصارخ
امدحي بناتك قدامه وحنني قلبه عليهم لان الاب يحب ولده المفضل عند امهم
اما اذا صرخ عليك اولا لا تتحركين من مكانك ولا تهتزين وحتى وضعيتك في الجلوس لا تغيرينها وبس طالعي فيه باستخفاف .... ولا تردين واذا خلص صياح قومي ................... بس لا تحاولين تطالعين فيه باستخفاف قدام بناتك
لا تسوين ضجه اذا صرخ قدام الناس ولا تقلقين وحطي في بالك انها ما بتكون نهايه العالم ..... الوضع عادي جدا وكمان هذا راجع لنفسيت بناتك
زوجك طفلك يحتاج حنان يحتاج ضمه بعد الدوام يحتاج يكون السيد في البيت فابدي وحتى ان فات الفوت .... يحتاج الكلام معاك ...... واحلى طريقه لتقارب وخاصه انك تقولين قبل كان عسل لانه كان قريب منك ..... هو انك تاخذين وقت معين في اليوم تسوين شاي وتجلسين معاه لوحده وتسولفين سوالف حلوه وتتفاهمون وبتقربين منه اكثر وحتى لو جلستوا ساكتين ترا بيرتاح في قربك
وفيه غلطه سوتها قريبتي هو انها كانت تسب زوجها قدام اولادها وكانت تشتكي لاولادها ولما كانوا صغار كانوا مره يتعاطفون معاها ولما كبروا ساروا يستخفون فيها ويعاملونها وحدهـ ضعيفه خبله واذا قامت تخاصم او تضربهم لانهم مره ما يسمعون كلامها مهما قالت .... يطالعون فيها باستخفاف ويعاندون وصارت والله تبكي منهم ............ وهما يحبونها كأم لكن يكرهونها لانها جلست تحت جبروت ابوهم ولانها ضعيفه واي مشكله فيهم يحطونها هي السبب ودائما يقولون احنا اش دخلنا في مشاكلهم ان شاء الله ينحرقوا ...... لانهم تعبوا من التفكير والبكاء والهم .............. وساروا يكرهون ابوهم لانه متسلط ع امهم وشرير في نظرهم ويحبونه لانه ابوهم .... حتى اعرف واحده منهم تبكي وتقول انا احب ابويه لكن!
وصاروا فريقين ....... فريق يستخف بابوهم ولا يحترمونه نهائيا ويمدون يدهم عليه ويتكلمون كلام وقح جدااااااااا على ابوهم وفي وجهه ...........وفريق بس يسكت ويبلع مهما سوا ابوهم لكن اول ما تجيهم فرصه ع ابوهم يغدرون فيه ويمدون يدهم عليه
اما غلطها الثاني هو انها كانت تحط ضيقتها في اولادها يعني تزعل من زوجها من جهه وتقوم ع اولادها من الجهه الثانيه
وما كانت تعطي اولادها وجهه يعني يحاولون يقربون منها تبعدهم ولا عوضتهم ع اللي راح منهم من ابوهم
ووالله اني عشت فتره مع وحده في بيتها وكان زوجها محرم لي ........ وزوجها صياح ونكدي ويهزك من مكانك من كثر صياحه لكن اولادهـ اشوي ويسجدون له من الطاعه ويموت فيهم ويحترم اولادهـ ويستشيرهم وصار ما يصيح الا ع الغلط ..... بعكس معاملته مع اولادهـ من حرمته الثانيه بس يضرب فيهم ويفشلهم ويصرخ عليهم ...... والسبب وين ..... في الام وللمعلوميه حرمته الاولى اللي يحترمها هي واولادها يتيمه الام والاب وما عندها الا اخ واحد وهو بعيد ما تشوفهـ الا كل عشر سنين
لكني اعطيها كل احترامي لتربيتها ولمعاملتها لزوجها ..... دائما اسمعها تقول ابوكم لو يذبحكم ..... هذا ابوكم جنتكم وناركم ..... ابوكم غصب تحبونه..... ومن هالكلام ...... اللي جنته هو اولاد سويين شخصياتهم من اقوى الشخصيات في المجالس يحبون ابوهم واذا احد اتضجر من ابوهم زعلوا وقالوا هذا طبعه وكل الاباء زي كذا ....... جنت برهم وهذا احلى شي تجنيه الام من اولادها
حبيبتي اسفه طولت عليك بس لان مشكلتك مثل مشكلت ناس اعرفهم وبحثت عنها كثير وحبيت افيدك باللي استفدت منو
وطبعا كلامي اللي فوق بعضه من اطباء نفسانيين اتابع برامجهم وترا البراجع هذي جدا حلوا لك ولغيرك او قريت عنهم ....... والبعض الثاني تجارب ناس اعرفهم
لكن مع هذا احسن شي تاخذي ارقام نفسانيين هم اللي متخصصين في هذي الاشياء والله يهدي لك زوجك ويخليه مثل العسل لك