زواج أختي آخر هالشهر ساعدونا :(

أولا ألف مبروك

بس ما ذكرتي انتي في اي منطقة علشان نقدر ندلك على محلات

من الشارجة

الله يوفقلكم ويسهل اموركم
واتمنى بنات الامارات يدخلون ويساعدونك
كان بودي اخدمك

هلا إختي مبروكين إنشاء الله وعقبالج بالنسبه لتأجير الفساتين أنا ما أتعامل معاها لأن أحسن شي تشترين فستان يمكن تلبسينه بعرس معزومه عليه أما التأجير يمكن يكون الفستان تأجيره غالي وتلبسينه أقل من ست ساعات وتردينه المهم هذا رايج بس حبيت أوضح لج بس حبيت أفيدج بالي أعرفه وهو بالنسبة للصالونات الموجودة عندكم في الشارجة عندج صالون مونامور وصالون بافان وصالون قنطار وصالون ماريوت كلهم حلوين أنا جربت بافان وايد حلو وبالنسبة للمسكة العروس كل محل يقدر يصمم إلي تبينه والموضه تكون المسكة نازله أما أنا بتكون مسكتي كلاسيكية مصنوعة من حديد لونها فضي على لون الفستان على شكل نجوم 3تحت بعض أو قلوب وبخلي راعي الزهور يزينها بورد وبالنسبه للزفة عندنا في المنتدى موضوع عن الزفة دوري عليه فيه أفكار وايدة يمكن تعجبج وحدة
والسموحـــــــــــــــــــــــه

أختي أبارك لج زواج أختج... وعقبالنا (إن شاء الله)...

أول شيء بخصوص المكياج: عندج هيفاء صفر، وعندج صالون مورا(دبي)، بدرية السويدي، والكثير الكثير من الصالونات...

أما بخصوص إيجار الفساتين: لا أعرف ماذا تقصدين؟؟ هل فستان العروس؟! أم فساتين أهل العروس؟!
نأتي لفستان العروس:
هناك الكثير من الحريم اللي يأجرون في البيت فساتين العرايس ويأجرون كذلك فساتين سهرات حلوة..
في عرس أختي أجرت اختي فستانها من عندهم وكان فستانها روووووووووووووووعة الصراحة..

أما بخصوص المسكة فهناك الكثير من المحلات، وهذه المحلات أول شيء تعرض لك المسكات من خلال الكاتالوج...... وإذا بغيتي أسماء محلات على سبيل المثال: فلور -أظني جذي اسمه-، وفي بعد محلات في دبي مثل (جون)...
بس يا أختي بعطيج نصيحة:
أول شيء لازم تحجز العروس الفستان وبعدين ادور المسكة، لأن الفستان إذا كان بسيط من الأجمل أن تكون المسكة كبيرة وفيها شغل وورد واااااايد، أما إذا كان الفستان كله شغل من الأفضل أن تكون المسكة بسيطة حتى يظهر ويبرز الشغل اللي على الفستان...

وإذا بغيتي اسم محل للمسكات قولي لي عشان أطرش لج على الخاص، لأني لازم أسأل عن المحل، لأن وحدة من أهلنا -بس أنا ما روحت عرسها - يقولون إن مسكتها وااااااااااايد حلوة....

أما بخصوص الزفات أختي عندي نماذج زفات لكن ما أعرف كيف أطرشها؟! يعني هي عبارة عن مقاطع، لأنج إذا بغيت الزفة كاملة لازم اطرشين للموقع؛ لأن حقوق الطبع عندهم محفوظة...

اختي إذا بغيتي أي مساعدة أنا في الخدمة وراسليني على الخاص...

((ادعوا لي أن أنجح في امتحاني الثاني؛ لأنني رسبت (سقطت) في امتحاني الأول))