زواج أختي ... يافرحه ماتمت؟

السلام عليكم ورحمة الله وبركاته

تقدم لأختي شاب من الشرقيه طبعا مانعرفهم ابد بس كان ماشااء الله لحيه وثوب قصير
وفرحنا كثير لأنا قلنا هذا اللي بيعينها على دينها ودنياها
تمت الخطبه واستمرت 9 شهور وكان يزورها من فتره لفتره وكان مغرقها بالهدايا
تزوجت وانصدمت منه؟؟؟
تخيلوا من بكره من يوم زواجها جالس يكلم بالمجلس ساعتين على الثابت
ودخل عليها وهي جالسه ترتب ملابسها في الدالوب قالت وينك ليش تاركني لحالي
قال أنا كذا؟؟؟ تبغيني كذا؟؟؟وقامت تبكي من هول الصدمه
غربه وكلام قاسي

وبعدين صار مايجلس في البيت الا نادرا واذا اتصلت عليه تناديه على الوجبات قال لها كلي لحالك
وبعدين تعبت أختي وطلبت منه تروح للمستشفى قال ماني فاضي لمرضك؟؟ أبوديك لأهلك لاتزعجيني

وصلها لاهلي ووعدها انه راح يستأجر شقه ويطلعها من عند أهله بعدآ عن المشاكل
وتفاجأنا باتصال من أمه تقول الحمدلله ان ولدي طلقك وارتاح
اتصلت امه على اختي تعلمها الخبر حسبي الله عليها ماتخاف ربها
والعلم عند الله ان أمه هي اللي طلبت منها يطلقها لانه ضعيف شخصيه مررره؟؟؟
مع انه قبل اتصال أمه بيومين متصل على اختي يقول متى أجي أخذك من أهلك!؟



أختي طيبه وحنونه لدرجة انها مغسله ملابسه من ثاني يوم وطابخه له الأكل من أول أسبوع؟؟
مانقول الا حسبنا الله ونعم الوكيل:44:


الله يرزقها ان شااء الله بأحسن منه
دعواتكم لها بالتوفيق يابنات