انا أعرف واحد تزوج شامية وبحياتها ما زارت ليبياعلى طول جت من سوريا وتزوجت ليبي وتأقلمت جدا بالمجتمع لأنها من الريف أساسا وكانت من عائلة محافظة فمن هالناحية ما كان فيه اختلاف الشي الوحيد الي ضايقها بحسب ما فهمت ومعاها الحق فيه إن عائلة زوجها يبونها تلبس الزي التقليدي في المناسبات مثل الليبيات وهي ما تبي ومع ذلك سايرتهم أكثر من مرة ولبساته بس تقول وزنه ثقيل ومعاها الحق هي بالآخير ما عندها دافع تتحمل ثقل وزنه عكس بنت البلاد هي تحب تلبسه لأن عندها إنتماء أما عدا ذلك كل الي شافها يمدحها ويمدح اسلوبها وتحترم ام زوجها رغم انها تدخل بملابسها والله لو كنتها ليبية ما راح تسكت وحتعارضعها بس الباين إنها عاقلة وثقيلة. وكمان زمان كانوا جيراني سوريين والله كانوا محترمين ومالهم مشاكل مع أحد وما شفنا منهم الا كل خير.
هذا بشكل عام وبالآخر كل شي نصيب وأقول ما تعارضوه يتزوجها برضاكم أحسن من يتزوجها غصب عنكم ما تدري يمكن تكون أحسن من غيرها طالما هو يبيها خلو القرار ليه إلا لو شفتوا فيها شي واضح يخص أخلاقها أو أخلاق أهلها وبالآخر اولاد اخوك ح ياخدوا الحنسية وامهم مسلمة مو متزوج كتابية عشان تخافوا عليهم.