زواج ابيقلب حياتنا ارجوكم ادخلووخففوا علي همي

السلام عليكم ورحمة الله وبركاته

انا بنت عمري ببداية العشرينات والكبيرة بالعائلة من الاولاد والبنات
ابوي تزوج على امي من سنه ونص و علم امي ومرضت امي مرض نفسي واكتئاب
لمدة طويلة تقريبا اكثر من سنه ... صارت ماتحب تطلع للناس ولا خواتها بعد
تقول مالي خلق وكله تصيح عشان هالمصيبه
ابوي تزوج عليها وحده صغيره بالعمر واول ماقال لامي الخبر قالها هذي نزوه وانا متحسف مره
و بحاول اتخلص من هالمشكله قد ما اقدر طبعا يقصد يطلقها
هو طبعا مايتكلم ولا يسمح لامي تساله بس كل الي قاله لامي وفهمته منه انه
يبي يحتري الحرمه تقوله مابيك خلاص طبعا لان مالها ليلة بالمبيت لان الزواج سر
وابوي شارط كذا من الاول
يعني هو يحتريها تقوله طلقني يقول مابي اطلقها واكسب اثمها وتجي ببناتي بعدين

وحنا ماندري هو صادق ولا لا ..
حياتنا صارت تعيسه ماصرنا نقعد مع اول ابدا نقعد اسبوع وسط وشهر مانكلم ابوي
يدخل ويطلع وياكل وبس وهذا حالنا وحال امي
انعفسنا وصار الهم مكتوب بجدران بيتنا وكله من هالمشكله ..

وهو طول هالسنه ونصف وهو يقول لامي اصبري وتنفرج ومن هالكلام وامي تصدقه مره
وتكذبه مرات ما الومها ياعمري قسم بالله ماندري وش نسوي
ابوي يراقب الله بتصرفاته بس ماندري هو صدق يبيها معقوله كل هالمده
والله مادري وش اسوي انا البنت الكبيرة وصرت ماحب ابوي من تصرفه هذا مع امي
واحس انه لازم يكون لي دور اكثر بحل هالمشكله بس مادري وش اسوي تكفون ادعو لنا
والله ماتدرون وحده تصادف دعوتها قبول يارب
تكفون لا تنسوننا .. امي مسكينه والله وانا ماراح اخليها ولا دقيقه
المشكله ان قلوب الرجال قااااااااااااااااااااااااااااا ااااااااسيه وهو الى الان يقولها انا مابيها
ولولا خوفي من ربي رميتها ومن هالكلام ماندري صادق ولا كاذب عشان يحافظ على استقرار بيته وسر زواجه
مع انه بيتنا مافيه استقرار ماعدنا اسره
صرنا قسمين انا واخواني مع امي وابوي لحاله


(((( امي تقول انه عادي معها بالعلاقة وماتركها وهذا يشككها انه لسى يبيها
ومايبي الثانيه )))

والله ما عاد ادري وش الصدق من الكذب
وانا تكلمت مع ابوي كثيير العام ولا كان يعطيني جواب كان يقول هذا شي يخصني
وانتم ماقصر عليكم شي وافهم من كلامه يعني تبي تنفرج بس والله مادري شلون
معقوله واحد يعيش مع وحده اكثر من سنه ونصف زواج بالسر ولا يبيت عندها ابدا
وكل هذا ويصير مايبيها؟
والله مادري وش اقول

تكفوووووووووووووون طلبتكم ادعوا لامي ان ابوي يترك الثانيه ويخلف عليها برجل احسن من ابوي يااارب
لا تنسون امي بصلاتكم تكفون

اعذروني كلامي حوسه بس والله من الهم الي فيني وكل وحده ترد
تقولي وش تتوقع صادق ولا لا علما بان زواجه مو مسياااااااااااااار





اخواتي وصلتني عى بريدي الخاص اردت ان انقلها اليكم