زواج اخوي

السلام
اخوي واحد عمره ٢٢ سنة
مسكين تربى يتيم وكبر الحين شغال بشركة سابك
اخوي مايهتم ب امور زواج ومن هذي الامور يتم يحاول يطور نفسه وشغله وبالليل مع اصحابه
امي طلعت انه تبغى تزوجه قلنا اي كم سنة ونزوجه قالت لا الحين وبخطب له بنت خالتك وراحت خطبتها واتفقم على كل شي والزواج بعد شهرين
انا مو راضية لسببين
السبب الاول لسا صغير والسبب الثاني خالتي مصيبة
خالتي مستقوية وشخصيتها قوية جدا وحاكمة البيت كله وزوجها خاتم عندها
وبنتها هذي باعتراف بنات العايلة انها نفسية جدا وشايفة روحها فوق الكل عكس اخوي متواضع جدا
بس اخوي والله مسكين جدا حتى الامور ذيك مايعرفها بزيادة وامي الا بتزوجه عكس ذيك النسرة اعوذ بالله من وجهها والله مافيه جمال ليهيقولون جميلة مدري ليه هي عمرها ٢١ بعد نفس العمر دارسة أدارة اعمال
انا من الحين عارفة انها بتحكمه وبتسيطر عليه ماشاء الله قوية مثل امها
خالتي امس تقول حق امي شوفي ترا بيسكنون بشقتها ابوها عاطيها شقة كبيرة وجاهزة لاتقولون لا مافي فرق بينا
انا قلت حق امي كيف يسكن بشقتها وبتعطيه سيارة عشان تكسر عينه يعني
اخوي مو راضي اساسا ويبغى يتكلم بس امي مسكته ووخالتي ماسكته ومفهمته وسكتوه على طول
زوج خالتي يقول احنا نشتري عريس رجال بيصون البنت كنت بقوله اخس ياشايب تخسي تشتري اخوي بفلوسك يعني اذا عندك فلوس كثير مفكر تشتري اخوي استغفر الله العظيم
امي تقولي تراكي مصختيها عارفة انك ماتحبين خالتك ومتهاوشة مع هالبنت اكثر من مرة بس تبقى بنت خالتك يابنيتي لاتحقدين
قلت ما احقد عليها انا ولا ادري فيها وقلت خلاص مابتكلم شوفي لي تبغيه وسويه
والمشكلة زوجي كل شوي يضحك علينا وهو منسدح مع شورت امه وبلوزته الحمرا التافه ماعنده غير الضحك علي وعلى اهلي وكله يقول امزح امزح والله انتم عايلة حقين ضحك قلت العن ابو عايلتك كلها لاتجيب طارينا والله اخوي بوفلان لاحطك براسه يأدبك ادب اليوم اخوي عندي يقوله
زوجي الله كبرت وبتتزوج لازم تجيب ١٠ عيال و١٠بنات بس يبغالها الرجال الزين هذي بس والله مشكلة يعني يوم يكبرون ويشوفون عمتهم هذي يقصد انا الله يعينهم صراحة ويقول حق اخوي لاتاخذ من راتب العروس لاتسوي هالحركات ترا ازعل منك والله ازعل خليني مفتخر فيك اخوي قاله
اعوذ بالله ايش تقول انت انا ما اخذ ريال منها الحمدلله راتبي مكفيني ويزيد مع الايام والرجال قوامون على النساء زوجي صار يقهقه ويقولي ايش هذا الاخ لي عندك تحفة والله تحفة الله يحفظه يقولها بصوتاستهزاء
هو زوجي دوم يطقطق عليه بس من زين اخلاق اخوي مايحب يرد عليه
ذيك المرة وصل اغراض حقي ويقول زوجي خليه كان طقطقنا عليه شوي وصار يضحك قلت ما اسمح على اخوي ترا والله لا جد الجد ياكلك بسنونه تذكر ايش سوا بطليق اختي يوم كفخه هذا حليم واتقي شر الحليم اذا غضب
اخوي هذا والله مسكين ومحترم جدا همه شغله ورضا امه وخدوم جدا ومطبع
مدري كيف بتزوجه بهالعمر هذا حتى دقن ماعنده ملامحه اصغر من عمره عكس السعلوة تعطي نظرة وعليها صوت جبار تزعق زعق
مع انها ماكانت تطيقه احسها تمشكلت معاه مرتين بس لما تقدم لها وافقت بنفس اليوم
هو ماتقدم لها اصلا امي خطبتها وابوها يقول والنعم والنعم والله
وخالتي تقول والله ما الاقي احسن منه حق بنتي
لانه ليه لانه زوج خالتي بمشاكل مع اخوانه قال حق زوجته تزوجين بناتك حق اهلك انتم عايلة مترابطة وتحبون بعضكم احسن من عايلتنا القرش اهم من الاخ
الله يستر عليه ويوفقه بس والله متضايقة حاسة في شي غلط
لي بتدخل وتخرب موضوعي الله لايحللها خليكم محترمات شوي