اااب لكل عايلة وطبايعها

يختلف من مجتمع لمجتمع , برأيي تسألون خالاتكم وكذا مافية هالايام اي عرس روحوا وله و انتبهوا وحطوا بالكم للي يحطونه العالم


بالنسبة لنا ,اول ماندخل ناس تستلم العبايات و تحطها بطريقة مرتبة بأكياس حلوة و تعطي الضيفة رقم عشان تستلم عبايتها بالخروج المغاسل مزينة بورد و شئ حلو وتكون فيها صناديق صغيرة مرتبة و نعومة داخلها خيط وابرة مشبك بنس شعر ومرة اشوفهم حاطين ارواج صغيرة يوزع العصير الصبابات اول شئ و القهوة والشاي والموية على الطاولة مع بيالاتهم وفناجيهم كاساتهم و تكون مزينه طبعا بورد و وبعضهم يحطون صحن معجنات وشكولاته صغار موزعة على الطاولات وطبعا مناديل , بعضهم يحطون على كل طاولة صبابة وبعضهم كل 3 طاولات صبابه و على طول تصب من الترامس الحلوة اللي على الطاولة وعاملات النظافة يدورون كل شوي على الطاولات يلقطون بملقط و سطل صغير معدني مرتب وحلو فيه زخرفة الوسخ و المناديل و كل شوي الصبابات يدورون بصواني يقدمون اول شكولاته مغلفة و مرة صينية شكولاته مكشوفة يعني العادة نوعين او 3 شكولاته و صينية معجانات بعدها مع مع مقالي وبروضو صيتين نوعين من محلين مختلفين في عالم يدورون بصينية شعبيات ومكسرات و بالزفة يدورون بشكولاته يكون فيه اسم العروسين على الغلاف او كب كيك وبعضهم عصير تكون للعروس وقت دخولها وكم اغنية خاصة فيها يصورون معاها اهلها بعدين يسلمون الناس عليهم اذا بيدخل اخوكم تصورون معه وتحطون له زفة الزفات واول اغنية شريط بعدين الطقاقة لا يطول اخوكم و اذا جاء بياخذها وبيرحون قاعة العشاء تحطون اغنية خاصة مثل خذها امانة ياحفيظ الامانة اغنية وداعية و كذا و يروحون صالة العشاء و يقصون الكيك يشربون عصير الفندق يقدم لهم عشاء او عاملين لهم خطه بالعشاء زين اذا لا ممكن ترتبون لهم من البوفية بطريقة حلوة وذربة صحنين مقبلات واطباق رئيسية و حلا عشان يذوقون عشاهم و كلة الوداع ودخول اخوكم وعروسته والعشاء يتصور فيديو ولقطات ثابتة هذا اذا نظامكم طاولات ويدخلون المعازيم ويتعشون قسم منكم يقوم المعازيم و يلزم عليهم بالعشاء و القسم الثاني عند البوفية يفتح الحافظات والقصدير و يعطوني الناس صحون ويرشدهم على طاولات البوفية لان مرة في الزواج كانو حاطين 3 صفوف بوفية العالم مادروا عن صفين لان كان وراهم مثل العامود وكلن شكى من قلة العشاء المهم خلصوا المغاسل عليها عطور و مزينة بورد وممكن شموع حلوة و معطرة وقبل الطلعة من قاعة العشاء طاولة في حلاوة ** و علوك وكذا بعد العشاء تدورون بالعود و المداخن فيه ناس تدور فيهم اول مايجون الضيوف و بالاخير وفيه ناس بس بالاخير و بعدين ب قهوة تركية نسكافية كابتشينو واذا تحطون تذكرات عند الباب للخروج ناس حطوا مصاحف صغيرة الوانها حلوة و مكتوب على الغلاف من داخل طباعة اسم العروسين وتاريخ الزواج دعوة لهم من جد تحتفظين فيه مو درع ولا صندوق ولا مرايا ينقط ولا له فايد وقضاء عرسكم

اذا نظامكم كنبات وكراسي جنب بعض وهذا ينفع للي معازيمهم كثار الصبابات يدورون بدلة القهوة بيد والفناجيل بيد وكل شوي تصب و البيالات بالشاي والنعناع و الحبق مصبوبة وتدور فيها و السكر مع المعلقة موجود طبعا بصحن البيالة و الباقي كله نفس الشئ


نصايح عامة

ابتعدوا عن الموسيقا عشان ربي يبارك افراحكم
خذوا رايي العروسةبالبطاقات بالقاعة و الالوان و الكوشة واذا عندها افكار للزفات واو حابة مصورة او طقاقة معينة حتى لو تستحي قولوا ماراح نختار الا لمن تختارين تراه عرسها ومرة بالعمر مو عرسكم انتوا ان شاء الله اذا جاء عرسكم او عرس بناتكم حطوا اللي تبون , بتحبكم و بتقرب اخوكم منكم

اخوكم افضل تحجزون له جناح او غرفة عرسان بفندق حلو مع عشاه ( يزينون لكم الغرفة القندق ويقدمون اشياء من عندهم كيكة حلوة صغيرة وعصاير و فواكهه واحيانا عشاء )

الاكل و الفايض منه خذوا لكم لبكرة وجيبوا حافظات و كلموا جمعية خيرية عطوها خبر من قبل الزواج بيومين ان عندنا زواج باليوم الفلاني بالصالة الفلانية عشان تحصلون الاجر ان شاء الله

اغراضكم والحلويات والتقديمات انتبهوا لها من الصبابات والعاملات حطوهم بغرفو وقفلوا وحده منكم فوق راسهم لمن يدخلون ياخذون الصواني وكل شوي قفلوا الغرفة لا تجلس مفتوحة ابد

حيوا الناس ورحبوا فيهم دايم معازمينكم او معازيم اهل العروسة وتعرفوا ودائم الابتسامة بالوجهه و نبهوا الطقاقة ما تسمع ولا تحط اغاني الا منكم بس او من ام وخوات العروسة لان بتصير فوضى وحوسة واحيانا هوشات
الكنبات الامامية عادة تكون لكبار السن ولا الحوامل وكذا يعني لمن تجي كبيرة السن وحده منكم تروح معاها وتجلسها
جوالاتكم دايم بيدكم عشان لاحد بغى شئ ولا حاجة مثل اخوك المعرس او اختك او او او القاعة كبيرة وزحمة وإزعاج وماراح تحسين الا لمن يكون الجوال بيدك على الهزاز
الاستقبال لكم و لا هل العروسة و ايضا لخالتكم وخالاتها والعمات و البنات اذا كثار تاخذون الكبار بس

اذا القاعة تكفي 400 اعزموا 550 ويالله الناس تجي واذا عرسكم نهاية اسبوع اختبارات جامعة ولا مدراس ولا فيه عزاء ناس من الجماعة و لا بنص إجازة فزيدوا لان ماراح احد بيجي احنا عرسنا كان 400 وعزمنا 650 ويالله الناس جاوا ( استخيروا بكم تعزمون بعد احسن واحسن ) تجمعوا كلكم وحطوا لسته بأسماء المعازيم مثلا خالاتي و يندرج تحتهم فلانه وفلانه خلصتوا عمتي فلانه وفلانه وحمولتهم فلانه وفلانه الخ و خلوا امكم تعزم اللي بخاطرها عرس ولدها الوحيد و لازم توجب كل من وجبها وبنفس الوقت اذا فيه خلافات وقطع رحم ترى فرصه حلوة لاعادة وصلة وتقريب العائلة

البطاقات اذا مثلا 400 وانتوا عليكم العرس خذو 250 وعطوهم 150 بس لا تبينون لا للعروسة واهلها ولا المعرس انكم خذتوا اكثر لان بتحز بالنفوس و اخوك بيعلم العروسة ولا بيحسب انكم ناوين لها شر ولا بيقول لها عفوية فانتوا خذوها من قاصرها ولاتعلمون , البطاقة للعيلة الوحدة مثلا البطاقة الكبيرة بأسم الام وصغيرة معلقة تكون للبنات و الصغار المعلقات احيانا مايكتوبن فيها اسم يكتبون بطاقة دخول لان مثلا تكون البيت فيه 5 بنات و ماتقدرون عليهم كلهم فتحطوو 3 صغر وهم والام يقررون من يروح وظروفة تسمح , بس البنات المتزوجات بطاقات كبار لحالهم لا تحطون بطاقة صغيرة مع الام لها , اذا القاعة مو معروفه حطو كروكي ( عادي تقولون العرس علينا اذا الناس سئلوا بس عشان لاصاروا معازيمكم اكثر تتفهم العالم و مايشرهون على العروسة وأهلها )

كل شئ احجزوه من بدري واكتبوا بنوته مثلا المصورة تم الحجز البوم كذا وبمميزات كذا وأرقام التليفون وتم الحجز ومثلا تاكيد الحجز الخ و أكدوا عليهم قبل الزواج بالوقت والقاعة و الاسم بأسبوع وقبل الزواج بيومين , اكدت قبل اسبوعين و قبل اسبوع ويالله سلمت

المصورات الفرقة الكوفيرات الخ اي شئ اي شئ تاخذون كذا رقم لهم حتى لو قالوا لا مافيه حاولوا وعطوهم كذا رقم على الاقل ثلاثه ماتدرين يمكن وحده تضيع جواله و الثانية ماتنتبة له ولا يفضى الشحن

الفواتير كله تحتفظون فيها لبعد العرس بعد عشان لصار خلل و غشوكم تقدرون تطالبون بحقكم ولا يمكن بوقت العرس يلعب عليكم يقول انتوا ماطلبتوا كذا او مادفعتوا كذ

جهزوا فلوس كاش تاخذونها القاعة بأضروف عشان تكملون باقي حساب الفرقة ولا القاعة ولا العشاء و اكتبو على كل ظرف المبلغ و لمين , حطوه بشنطه تتقفل بقفل و بالغرفة المقفولة وممكن تحطون الفواتير فيها بعد

الطقاقة لا تسمينها طقاقة لو ايش يا فنانة يا فرقة و قولي مثلا نبغى فلانه تغني وكل مرة تأكدون اكدوا بالشروط لهم ولا للتصوير احيانا صارت لعب نقول نبي فلانه و تجينا اختها و اذا صار كذا لا تتهاوشون معاهم عشان مايتركون الزواج ويمشون و تبحلون فيها

استخيري بكل شئ بالفنانة بالقاعة بالزينة والعشاء المصورة الكوفيرة كل شئ كل شئ سبحان الله اللي استخرت فيه تيسير وطلع يجنن و اللي نسيت سبحان الله جابلي الضغط

مافية عرس كامل و بالاخير تبشوفين ناس تعذرب فطنشوا واستانسوا ومالكم بشغل بأحد

لا تحملون نفسكم فوق طاقاتها بالمصاريف و الحوسة وسوا اللي تقدورن عليه ماقدروت على صينيتن حلا خلاص وحده تكفي , العرس ليله و مايحتاج عشان ليله اخذ قرض واضيق على نفسي


والله يوفقكم كلكم ويسعدكم ِ

رتبوا من اول احجزوا كوشه وتلبيست كراسي مع الكوشه وورد طبيعي وطقاقات او دجيه اسلاميات بدون موسيقى وااحجزوا توزيعات ثنتين صواني شوكولا واثنين صواني معجنات واثنين صواني حلا بقلاوه وميني كيك. الخ اي شي ع ذوقكم. وفي القاعه زفة العروسه عليها. وزفة اهل المعرس وقت دخولهم خلوه ع الديجيه او الطقاقات والتوزيعات. اتفقوا مع مشرفة القاعه هي ترتب لكم التقديم بخبرتهاا ولو مافي عاملات تبع القاعه جيبوا اربع. علشان انتوا ماتتعبون وتتخرب اشكالكم واي سوال ارسلي لي خاص وانا بالخدمه ياقلبي وقولي لي من اي منطقه علشان لو من نفس منطقتي اعطيك اسما محلات حق الحلا والمعجنات والشوكولا.

سبحان الله العظيم