زواج اخوي وش اسوي

السلام عليكم بصراحة ودي احضر زواجات اهل الرياض ............
شوفي ياعسل ماقلتي لي انتم زواجكم في الرياض علشان البنات يساعدونك باسماء المحلات الي ممكن تحجزي منهم
بالنسبة لي بقلك الي اعرف ممكن تسوين طاولة عند الباب فيها البخور والعطر ورد طبيعي ووممكن اذا كان عندك اخوات توقفون على الباب وترحبون با لضيوف وتصبين لهم فنجان قهوه من الدلة المصفاة وتبخرينهم وتعطينهم ورد طبعا احنا سوينا لزواج اخوي اكياس كتبنا عليها عند المحل الف مبروك ورسمة بسيطة ووزعناها للعبايات كانت حلوة الحركة والتوزيعات حجزنا ثلاث انواع صحن حلى وصحن بتفور وصحن معجنات وحطيناها بشمعدانات مع الشكولاته وجبنا نافورة العصير جنان صراحة هي ونافورة الشكولاتة ووسوينا هدايا مع بطاقات على حسب اما دهن العود او الي تحبين ممكن اشكال تحف او اي شي هنا با المنتدى صور اشياء استفد منها بس نسبت اسم الموضوع اما الاغاني فاسمحيلي لان زواجاتنا اسلامية ماعرف بصراحة وسوينا حركات بزفات للاطفال وهل العروس والعريس والله يتتمم لكم على خير

الله يتمم لكم على خير انا زواج اخوي يوم الجمعة *****لله بعد الاختبارات بنسبة للستقبال انا ودي احط موسيقى كلاسيكية هاديه بس الوالدة رافضة شكلي بحط شعر بسم العرسان حجزنا مغربيات للترحيب والزغاريت وفلبينيات لابسات قصير يوقفن بجنب المغربيات وماسكات البخور وبنسبة للطاولات لاتحجزون شمعدانات صارت قديمة خليها شيفونات وفازات فيها ماء ملون داخلة ورد طبيعي وفوقة صحون الحلا والفطاير وبنسبة لتوزيعات حجزنا العصيرات وصينية كبيرة فيها المعجنات بنوعه ورق عنب وكبة وبالوسط يكون فيها اناناس كبيرة طبعاالي وزعونة الفلبينيات وصينية كبيرة فيها شوكولاتة حجزنا طاولة بعد العشاء بس بدون نافورة الشكولاتة عشان الاطفال بيحوسون اذا زواجكم مافية اطفال احجزوها بنسبة لطقاقات حجزنا فرقة صدى الشوق ..لحد الان هاذي افكارنا اذا فية شي جديد برجع اقولك والله يتمم لخوك على خير ..

خلونا ناخذ افكار من بعض لاني عندي مناسبه مثلكم وموهقه
بس اللي وهقني اكثر رزة الفيس من جماعتنا كل شىء يحشرون مناخرهم فيه جيبوا وجيبوا !!
انا كلمة محل شهد الملكه بروح اشوف شغلاتهم تقول عندها افكار ومدري وش للحفلات
لكن الشىء اللي ادور عليه زفه للقهوه كلها اما قديمه او بارده
وان جبت البارده رقدو ربعنا ما يحتاج هم باردين خلقه وجاهم شىء بردهم رقدو
ابي موقع للقصيد يعني اطلب منه قصيده معينه ينفذها لي
قصيد نبطي مهوب تصفيف حكي

بنات الله يسعدكم اذا عندكم افكار جديده لزفة الرايه لااهل العريس تقولي بلييييييز يابنات

رفع

سبحان الله العظيم