انا اخواتي كلهم ماشاء الله تزوجوا بترتيب وبقيت انا اصغرهم
اعرف وحده اختها الي اصغر منها تزوجت قبلها ولين الحين ماتزوجت ا

انا اكبر خواتي و عندي أختين متزوجات والثالثة مخطوبة و عادي افرح لهم ورقصت بعرسهم واساعدهم اذا محتاجين استشارة او شي وكلش ما انظر نظرة البنات اللي تزعل ان أختها اصغر منها متزوجة و هي لا ، يمكن احس بنظرة الشفقة من بعض الأقارب لكن انا أتجاهل هذي النظرات و ما اعطي اي انسان فرصة انه يحبط فيني



بس عيب الأخت الكبيرة انها تحاتي و تشيل هم خواتها اللي اصغر منها حتى لو متزوجات

انا أعتقد التربية في البيت هي اللي تخلي البنت تقتنع بهالموضوع .. مسألة زرع المحبة في قلوب الاخوات تخفف جدا هالقصص والمآسي

في بيتنا إحنا خمس خوات تحت بعض .. تزوجنا من الصغيرة للكبيرة .. أصغرنا تزوجت أول وحدة .. وبعدها اللي قبل الأخيرة وبعدها الوسطانية وبعدين أنا .. باقية إختي الثانية الله يرزقها النصيب ما جاها للحين لأنها يا قلبي مريضة شوي .. بس ربي يشفيها ويعافيها والله إني أدعي لها دايما حبيبتي .. غير كذا أنا قمت أحلم إني أشوف عيالها في المنام وأشوف عندها ولد مثل القمر تبارك الرحمن .. هي أختي هذي أجملنا يارب يارب يجيها نصيبها يارب

وفي كل أعراس خواتنا فرحنا وشلينا ورقصنا .. في عرس أصغر البنات أنا تكفلت بغداء الملكة لأن أبويه متوفي والمعاريس كانوا مستعجلين .. وأنا تكفلت بليلة حنتها هدية مني لها .. غير الذهب والفرح اللي من القلب والله والله ..

وفي أعراس خواتي الثانيات نفس الشيء تعبت وفرحت ورقصت وكنت أطير من الفرحة لا انخطبت وحدة من خواتي ..


وأذكر في بيت خالي انخطبت الصغيرة قبل الكبيرة والكبيرة من عمري بكت وناحت وسوت قصة ,, اتصلت لي زوجة خالي وقالت مافيه حد يقدر يخفف الموضوع غيرج تعالي كلميها

رحت قعدت عندها يومين ووديت لها فستان في ايدي وكلمتها بكل الطرق وفهمتها إنه نصيب وإن لو هي زعلت بكرة اختها ما تسامحها ابدا .. قلت لها فكري بعد 15 سنة وبعد 30 سنة .. اختج ما تنسى انج ما حضرتي عرسها وما تغفر لج

وقلت لها في الكتاب المحفوظ نصيبج أحلى من أختج وصدقيني ( مع العلم اختها اللي خاطبها ابوه وزير)


وهي اقتنعت صباح العرس بكلامي وراحت الصالون وتجهزت معانا ولبست الفستان ورقصت ..

وسبحان الله ما مرت سنة إلا وهي مخطوبة لريال محترم وأجودي ,, وعندها الحين الذرية منه .. الله يسعدها يارب وتقول لي والله ما أنسى فضلك في موضوع النصيب واقناعك لي .. والحمد لله علاقتها بأختها من أروع ما يكون


ربي يتمم علينا الرضا والقناعة يارحمن

أنا أختي الي أصغر مني تزوجت قبلي وكمان أختي الثانية تزوجت قبل أختي الي أصغر منها وبعدين جاء نصيبنا وكلنا الحمد لله تزوجنا وتوفقنا 
والأمر عادي كثير ناس يزوجو الصغيرة قبل الكبيرة 
إذا جاء نصيبها وكله نصيب 
والله يوفقك ويكتب لك النصيب مع واحد أجودي وابن حلال 
ومقتدر 

كل شيء قسمه وونصيب الله يستر بنات المسلمين