كل حد ياخذ من بلده و اصله احسن و الغربة صعبة

حبيبتي قبل فترة رفيجتي استعارت يوزري وكتبت مشكلتها انه خطبها سعودي وكانت متردده

الكل نصحها بالاستخاره

واستخارة وتزوجته والله انها مرتاحه معاه ومدللها

ومخليها تعيش مثل عيشتها بالكويت

لدرجة تقول لي ان رفيج زوجها بدى يحن على زوجها يقول ابي كويتيه تقول بقول له عنج

طبعا قلت لا مستحيل اطلع من الكويت اموت :)

واعرف وحده ثانيه شافها سعودي كان يدرس بجامعة الكويت وخطبها واهوا مقرر من قبل انه بيعيش بالكويت يعني الثانيه ما تغربت بس ماشالله مرتاحين مع بعض


ماعلينا

اهم شي ركزوا على اخلاق الولد وماعليكم من جنسيته

يمكن تاخذ واحد مو من جنسيتها ويعيشها احسن عيشه احسن من انها تاخذ واحد من بلدها ويكرها بالدنيا

خلي اختج تستخير وان شاء الله اللي مقسوم لها بيصير

أهل جدة يضربون حريمهم ؟؟؟؟؟؟؟
لااااااااااا من وين جايبه هذا الكلام
يمكن شفتي واحد عصبي شارب حرام عليك
أنا من أهل جدة ونصف أهلي من مكة عمري ما شفت أحد يضرب زوجته
بل شفت واحد من خارج جدة وبلاش أقول إسم المنطقة
ضرب زوجته في وسط مركز الهرم قال إيش قال تأخرت عليه وهي مسكينه راحت تودي بنتها الحمام هذا التصرف لايمكن جداوي يسويها
هذا رد على كلامك يا أختي
ولاكل مكان في خير وفي شر وكل حسب ما اتربى

بس لا تعممي وتقولي جدة رجالهم يضربو
انا متزوجة جداوي ما شاء الله والله شايلني على كفوف الراحة الحمد لله

يا اخوات ييت اخبركم بآخر التطورات :
اولا اختي وافقت على الشاب موافقة مبدئية نظرا لحسن اخلاقه وعلى فكرة اشكر بشدة الاخوات اللي راسلوني على الخاص ونصحونا بالموافقة المدئية عشان نقدر نتكلم في التفاصيل
احنا قبل الموافقة كان يقول عن كل شي على راحتها و بنريحها على الاخر
امس في الليل صارت الشوفة الشرعية و ماشاء الله عليه المعرس وسيم و مرتب
بس اهني صارت المشكلة احنا في الشوفة اذااااااا صارت لان في عوايل ما ترضى عموما في الشوفة البنت تلبس عباتها وشيلتها! يعني بس يشوف الوجه ( هذا في عايلتنا جي العادات ) في عوايل غير ..... المهم طبعا هي دخلت و دخل وياها اخوي اللي هو صديق المعرس ... لما دخلت بقق عيونه قال ليش كذ انتي لابسة؟ ابغي اشوف شعرج ايديكي!!!!
اختي انحرجججججت وايد و طلعت اتصيح و هي اتقول هذا دفش و ما عنده احترام...
هدينا فيها بس ما في فايدة .
عقب سألنا اخوي عن سبب تصرفه قال هو مستغرب من هالعادة لانهم في السعودية ايدخلون البنت متعدلة و بدون شيلة....
ما كنا نعرف هالموضوع و لا ادري شو راي الشرع في هالسالفة؟؟
بس هي اتقول ما كان لازم يقولها في ويهي جني غجرية و ما اعرف البس .. بس هاي عاداتنا و ماشين عليها من زمان
بكمل في الليل السالفة معقدة!!!!

تبغي صراحة المفروض ما يقول كدة
لأنه لازم يكون مستحي شوي
أنا وأختي يوم دخلنا على زيجانه والله مو بس إحنا مستحين هم بعد مستحيين وجالسين يكلمو أبوي بس يطالعو فينا من تحت لتحت من الحياء من أبوي

طبعا مش أنا وأختي مع بعض تزوجنا
هي بعدي بسنه انخطبت
بس قولي لأختك لا تزعل يمكن طبعه كدة