الجهاز كم؟ احنا المهر نفس الشي بس الزهبه اكثثثثثثثثثثثثثثثثثثثثر عن جي بوايد

دول الخليج طبعها و عاداتها تقريبا متقاربه

الا ان في السعودية كل حاجه بدون اختلاط

نوادي و مدارس و جامعات و مطاعم ....

والله يوفقها يارب

والتعدااااد ابد ماله دخل بالاصل :)

أختي أنصحك ثُم أنصحك لا تستعجلو
خذو نصيحة من وحدة مجربة خطبني واحد وقال أنا ما أقدر على عرس وما أدري إيش
وأنا ما عندي وبعد ما كان أبوي راح يوافق أكتشف أنه ضحك علينا

على فكرة قال لنا إذا تبغو تسو أنتو عرس سو أنا ما أبغى ولا راح أسوى شئ
بس الحمد لله كل واحد راح في حاله

بعدها تزوجت زوجي هذا اللي حاطني بعيونه
وزوجني زواجه على أصوله حتى عربية الملكة ما طلبنا منه هو اللي جاب من عنده

الله كريم

انا كتبت ردي لكن انمسح وربي انقهرت وش طووله

لعيووونج برجع اكتبه من يديد

انا طولي بعمرج اماراتيه متزوجة سعووودي .. وهو يصير ولد عمتي << لكن لا تقولين قراب انا ماعرفهم واايد بس هم يعرفووني

المهم
\

بالنسبة للعيشة هنيه .. واااااااايد بتتغير عليج اشياء .. بس اتوقع جده فري .. بس مدامهم يلبسون عبي على الراس معناته نفس اهل زووجي واحنا ف الدمام

مهما كانوا العرب ف المكان فررري .. صدقيني بتتقيدين باهل زوجج .. حتى لو ريلج فري

مثلا انا ريلي وااااااااايد فري ومن كثر ما يحبني .. بيخليني اسوي الي ابغيه .. بس هو ما يرضى على اهله

وانا بعد ما ارضى ازعل اعمامي .. وازعل اهله .. ولا ارضى اخوي يزعل اهلي عشان مرته ... عرفتي

وهو واايد يقدر هالشي فيني وكلماله يتفهمني اكثررر .. لاني واايد اقدر اهله ودايما اقوله اول شي امك وابوك وبعدين انت يستاااااااااانس فديته


المهم .. بقولج عن نفسي ف بداية العرس .. اولاا انا وايد اسافر لما كنت ف الامارات ..

ووايد معتمده على نفسي .. لو اقولج من عمري بتضكيين لما عرست كنت 17 .. بس بحكم تربية ابووي وايد ماثرة علي ودايما معودني ما اسوي شي الا وانا مقتنعه فيه وارووح اشوف الاسباب كلها واشوف كل شي بعدين اقرر

اتفهم واايد .. بس فيه شي مب حلو بشخصيتي اني مزاجيه .. والي ابيه اسويه << بس تغير بعد العرس


لاني احب ريلي ولا احبه ينحرج عشااني ..

ف اهله حاطين ف بالهم اني ياهل وبيمشووني على كيفهم .. فرضوا علي العباة على الراس بطريقة غير مباشره

وايد تضاايجت اناا

بس امي كانت تقوولي وما زالت تقوولي ريلج على الي تعودينه عليه وابنج على الي تربينه عليه

ف انا تعوذت من ابليس ولبستها وسويت عمري عاادي ولا جنها فارقه معااي .. بس اليوم الي بغيت اسافر فيه الامارات

رحت السوق وخذيتلي عباية على الكتف << مب براسيي انا .. كنت مع ريلي وهو ما تكلم

حتى اهله ما تكلموو .. وشوي شوي رجعت لنفسي .. ولا تغيرت ولا خليت حد يفرض علي شي مابيه

لانه شوفوا يا بنات انا ادري انه الكل بيزعل علي .. او الفئه الملتزمة بيقولون لي ليش تقولين جيه


انا وحده متعودة طول حياتي على العبايه على الكتف .. وانا عارفة اني انسانة محترمة والكل يمشي جمبي ف السوق ولا ف اي مكان وهو يدري اني محترمة

فجاه اجي مكاان .. تصير العباية على الكتف عبااية انسانه مش محترمةة .. حبيت ابين العكس

وانا ماراح البس عباية على الراس الا لما اقتنع فيهااا ليش لسبب انه لما اسير الامارات وانا لابستنها ومب مقتنعه

الكل بيثني علي اني لابستها .. بس انا انافقهم ليش ؟؟ ويوم بيقولون لي كيف هالتغير .. شو بقوولهم التزمت .. اقص عليهم ليش ؟؟


وبسس

وفيه شي ثااني مب حلوو .. انه لما تظهرين المحلاات تلاحظين الهنود جنهم المعزبين وانا الي اشتغل عنده

يكلمني بنص عين مادري ليش .. ومن ييت هنيه ما ادخل محل جيه .. لازم اتلاسن وياه .. بسس سوء المعاملة لاني حرمة بس ولا يوم يكون فيه ريلي محد يكلمني .. والله احس ماعرف كيف انه الحرمة يعني ما تسوا بروحها لييش ؟؟؟

وبعدين سالت اكثر من سعودية .. بس انا ما اعمم بشي .. انا اعيد اكرر اتكلم عن البيئة الي عايشه فيها انا


المهم قلت لهم هالموضوع .. الكل جاوبت واجمع على جواب واااحد الي هو انه هم اذا شافوا او لاحظوا اي تصرف مب حلو من البائع يسكتون ويطلعوون .. اذا كل وحده بتسكت .. شو النتييجة .. تحقير من البائع على الزبوون .. ؟؟ ليش

والله احسه تشوييه للمنظر العام .. وربي اني ما ابالغ .. انه اختي لما يت هنيه تزورني طلعنا انا وياها الراشد

وهذا المفروض يكون ارقى شي تهاوشت مع الي يشتغل ف العربية للعود مصري .. يقولها عندي اخرب حبه وفاتحنها الحبيب ويشممها وقالت له طيب لو قلت لك مابيها .. قال برجعها ف الكرتون وبعرضها للبيع مره ثانيه .. ؟؟ في احد بيسكت لهالموضووع ؟؟؟

والله ما صدقت طلعتها من الرااشد .. خفت تسويلي فضاايح ههههههه

بس انا وايد مرتاحه خاصه هالفتره لاني خلاص تاقلمت


والبناااااااات السعوديات او الفتاة السعوديه واايد حلوة نفسيتهاا ومن النوع الخدوم الي مهما تقولين لها تقوولج فالج طيب

والله سنعااااااااات بالقوو انا لما ييت هنيه تفشلت لا اعرف اطبخ ولا اعرف اسوي شي .. بس عمتي صبرت علي

وريلي دووم يرقعلي يقوول انا ماحب اتعبهاا ههههه

بس والله اخر شي حسيته هو بيقلب علي واحترمت عمري وتعلمت كم شغله اسويها .. ولما ارد البلاد اتخقق عند خوااتي

وامي الله يسعدهاا وايد مستانسه اني ف السعووديه .. لانها هي تحب السعوديه وتقول جوهم حلوو ومستحيل اخليج ترووحين اي مكااااااااااان .. الا السعووديه

انا استغربت اهلي اول ما تقدم زوجي على طول وافقوو .. حتى لما ييت هنيه وايد حقدت عليهم قلت اكيد يبون الفكه مني


بس عقب حسييت بالنعمه الي انا عايشه فيهاا


بس للحين يالسه على حواس واتفدى الاماارت مالي غنا عنهاا .. والله مرات اقول بس هدوني فيها ابا احب ترابهاا


شي ثااني حلو هنيه انه الرياييل رومااااانسيين وما يستحوون يعني

لما نكون ف السووق عاديي ايود اييدج يقوولج اي شي

بس هناك احس جامدين شوي .. وهنيه حلوووووو التفصيخ هههههه يعني ف العرس تلبسين براحتج

تنانير قصيره وتستوين على المووضه .. هناك قوم اهلي عندهم منقووود .. بس عايلتي عادي لكن القصير ومادري شوو امي مرات عادي ومراات لاا ع حسب المكان الي بنسيرله اذا ربيعاتنا عادي واذا اهلنا لا هههههه


المهممممممممم طوولت عليج وااااااااايد وحكيت لج قصة حيااتي يا بنت بلاادي

خلي اختج تستخيرررر

ودام ما سوالها عرس الله يستر .. بس انا قلت لج عن الحياه هنيه وف البداية كل شي صعب لكن باذن الله بتتسهل


هيه صح .. اهم شي بعد حالته الماادية لاازم تكون اووكي .. لانه ريلي مب وايد بس عمي تاجر ويسااعده واايد وما يبون يحسسوني بنقص باي ناحيه

وان شا الله لين نوقف على ريوولنا بنطلع من البيت وبنستقر

هيه نسيت اقوولج شي هنيه الرياال لاااازم حرمته تتصل عليه كل شوي .. ولا هو بيتضاايج لانه بيحس انه باقي عزوبي

مب شرات الامارات يحب يكون على راحته والي تزن عليه يتضايج منها

بالعكس هنيه ما عرس الا وخلااااااااااااااص هو يبا الحرمة تكون ف حياته مب من بطرة يعني يعرس وهو محتاي للاهتماام

والمدارااة ويحبها تغاار عليه شوي حتى لو ضاامنتنه


وبس وسلااااااااااااااامتج يالغااليه الله يوووفقج