اتركي كل الكلام على جنب واستخيري ربك
اذا هو رجل كفؤ وصالح لاتردينه
هذا رائي
بعدين انتي سعودية وهو سعودي الامر بسيط ليش معقدينه
اذا كان الكثير تزوجوا من اجنبيات والسعوديات اتزوجوا اجانب ومبسوطين رغم اختلاف العادات والتقاليد
اهم شئ اذا ترضين دينه واخلاقه خلاص الله يبارك لك
الا اذا فيه عنصرية عند اهلك فهذا شئ ثاني
لانه واضح ان العريس واهله ماعندهم عنصرية والدليل خطبوك وانتي جنوبية وعاداتكم غير
اتمنى فهمتي علي..

بالعكس حلو تأخذي من برا القبيله انا مااحب الزواج من نفس الأهل والقبيله حلاته تتعرفي علي عادات وطبائع غير بالنسبه لنجدي يعتبر الجيل القديم جلف شوي بس اغلب الشباب الحين تغيروا وتفتحوا وزي مال لأهل الجنوب طبائع زينه وشينه النجاده عندهم الزين والشين الله يكتب لك الخير

شوفي الزين والشين بكل مكان والاطباع تختلف حتى بالعائله الوحده انتي لاتنظري انه نجدي او جنوبي
اذا ماعند اهلك مشكله انك تتزوجي من برا قبيلتك بقى عليك شي واحد الي هو تعرفي اهل الزوج وطبعهم
اذا انتي تعرفي طبعهم وتحسي طبعهم قريب منك وحبيتيه وبينكم تآلف هنا تقدري تحكمي انك تتأقلمي عادي
اما اذا ماتعرفي اهل الزوج ولاطبعهم هنا اقولك صعب وتأني لأن في عوائل تزوجو من بعض من نجد للحجاز
وامورهم ماشيه عادي بس كانو جيران ويعرفو طبع بعض عرفتي !! لما تعرفي اهله وتكوني قريبه منهم قبل هذا يسهل عليك كثير اما تغامري بموافقه وانتي ماتعرفي شي نهائي عنهم هنا المشكله لأن اكيد راح تنصدمي بعادات غير عاداتك وطبع غير طبعك

القبيله مالها علاقه ابدا ابدا هو خطبك وراضي فيك واهله كمان مااهتموا انه يتزوج من قبيلتة

يعني وش بتنفعك قبيلتك لو تزوجتي واحد سيء من نفس قبيلتك يضربك ويهينك بيجتمعون ويقولون مايصير تضرب زوجتك لانها من قبيلتنا محد جايب جبرك لو يذبحك ويقطعك

احكمي على الشخص من خلال اخلاقه وتعليمه ودينه مو من قبيلته

بس يمكن اقارب زوجك هم اللي مايتقبلونك يعني ليش مايتزوج من بناتنا ؟؟ ليش يتزوج وحده مو من قبيلتنا ومن هالكلام

انتي اسألي عن الولد مو مدمن مو مريض نفسي مو صايع

والاهم استخيري ثم قرري

بغض النظر هو من وين وانتي من وين
لكن فيه مثل يقول حلات الثوب رقعته. منه وفيه
وش يحدك تاخذين غير عن اهل الجنوب
للاسف هذا مجتمعنا وهذا طبعهم وحركاتهم لما يكون اختلاف في البيئات يبدأون التحقير
لذلك نصيحه تزوجي واحد من اهلك وقبايلك وطبايعك اسلم لك