زواج الشاب من دكتوره...بلييييز شاركوا اتهمني وايد مشاركتكم!

شوفي ياختي انا بدرس طب اسنان
وكتير رددوني قبل دخولي لهدا القسم قالولي ماراح تلاقي احد يتزوجك(وخصوصا اننا هنا في مجتمع سوية مايتقبل فكرة البنت الدكتورة ) ودخلت واصريت على دخول القسم وقلت هدا الموضوع قسمة ونصيب سواء دخلت طب او اي قسم تاني اذا ربنا كاتبلي الزواج راح يصير
وفعلا دخلت ومااحس انو دراستي للطب راح تمنعني من اني اتزوج صحيح هوا اصعب شوية من اي قسم تاني بس صدقيي طالما انتي نفسك في هدا الشي وربنا وفقك ورزقك انسان يشجع التعليم صدقيني هوا اللي راح يساعدك وكمان راح يفتخر فيكي واعرف بنات كتير متزوجين ومكلين طب عادي في النهاية هيا دراسة زي اي دراسة وماراح تاثر في طبيعة الزواج هداك التاثير
والله يوفقك ويوفقنا ...

مافيها شي ابــــــــــــــــــــــداً اذا الوحده كانت محترمه نفسها وعارفه ربها زين

بس يمكن لأن كثير من الناس ماخذين فكره انه اي وحده تدخل طب تكون شايله فكره الزواج من بالها عشان كذا يمكن محد يتجرأ لطلبهم خوفاً من رفضهم ..... بس بالعكس هي زيها زي غيرها بس لأن شغلها يكون متعب وشاغلها اكثر الأوقات بس في ناس كثير يتفهمون طبيعه عملهم .... وبالنسبه للزواج اثناء الدراسه البنت هي اللي تحكم تقدر توفق ولا لا ..... بس غالباً الطبيبه مايناسبها الا طبيب عشان يكون متفهم لوضعها اكثر او شخص يكون ماعنده اي مشكله لو انشغلتي عنه وعن البيت

دنتست انا ادرس طب أسنان بعد...شهالصدفه الحلوه!!! بس توني طالعه سنه ثالثه هالسنه...ادعيلي...انرد على موضوعنا...أول شي مشكوره وايد على هالكلام..ريحني ..انزين اذا ماعندج مانع اجاوبيني..لو تقدملج أحد وانتي تدرسين اتزوجين؟؟؟!!..أنا عن نفسي اقول بعد رابعه ممكن انتي شرايج؟؟..

مشكوره وايد اخت غيده على هالكلام الطيب

فعلا حلوة هدي الصدفة الحلوة انتي فين بتدرسي انا بدرس في جدة
(نرجع لموضوعنا احسن)
شوفي يانور انا بصراحة لو جا واحد واتقدملي دحين ابدا ماارفضو اذا قبل بشرطين اني اكمل دراستي
واني اتوظف كمان بعد دراستي
وبعدين ليش ارفض واللي يخليني اقول كدا تلاتة اسباب:
1- انو الانسان الطيب مو كل مرة هيجي ويدق باب البيت يعني ازا جا واحد طيب وابن حلال ويخاف الله ليش يترفض
دا اصلا حرام
2- لاتنسي انو احنا طب يعني فرص الزواج بالنسبة لينا اقل من غيرنا وخصوصا الوحدة تدخل طب وتشيل 50% فكرة الزواج من دماغها لانو الشباب في مجتمعنا هدا مابيتقبلو انهم يتزوجوا وحدة دكتورة(مع اني اعرف كتير كمان ماتفرق عندهم دكتورة او غيرو المهم بنت الحلال ) بس زي ماقلتلك اول اللي ربنا كاتبو هيصير
3- صعوبة دراسة الطب ابدا ماهي مانع من انك تقدري تتزوجي لانو الانسان اللي هيجي يخطبك وعارف انك بنت طب
اكيد ماوافق الا وهوا عارف قد ايش صعوبة الطب فاكيد حاطط في بالو انو راح يساعد اللي هياخدها بقدر المستطاع
وانها ماراح تكون متفرغة للبيت التفرغ التام زي اي وحدة في الدنيا