زواج الصغيرة قبل الكبيرة (دعوة عامة وخاصة الامهات )

ليش الناس تعظم هذا الامر ومسوينه شي مو طبيعي واهو امر عادي

امس ملكة اختي الثالثه فرحنا لها وسوينا قعده وستانسنا بعد ليش ينقطع نصيبها
صج في ناس فكرهم متحجر الله يعين اللي اهلهم كذي يقطعون نصيب بناتهم طيب ممكن البنت الصغيره تتزوج ويصير المجال للكبيره تنخطب لانه راحت الصغيره اللي راح تغطي عليها خخخخخ يعني اذا في نظر الناس الصغيره احلا
لاتقطعون رزق الله على امر تافه ..

والله شوفي سالفة ان الصغيرة تنخطب والكبار لا..خصوصا اذا كلهم توهم يعني بالعشرينات وتحت احس ماله داعي تتزوج الصغيرة
طبعا كلن ابخص ببناته وادرى اذا تقدر تتحمل مسؤولية او لا بس انا اشوف من الوضع عندنا مايصلح الي توها صغيرة تتزوج الا لما تعرف وش يعني الزواج والمسؤولية لانهم ازعجونا الوحدة تتزوج عمرها 20 او 22 وتقول توي صغيرة مابي عيال وماعرف ومدري ايش..من الاساس ليش مشفوحة عالعرس!!
لكن سالفة انهم ياخرون عرس الصغيره عشان الكبيرة هذي ماتصلح..

المفروض يعاملون كل بنت انها هي لحالها مالها علاقة بخواتها بذا الموضوع وهي عاد بكيفها تبي توافق او ترفض شي راجع لها..

كلامك سليم ميه الميه جزاك اللّه خير على الموضوع

بالفعل انا ضد فكرة قطع نصيب الصغيره علشان خاطر الكبيره
انا صار لي نفس الموقف جاء ولد خالي وخطب اختي اللي تصغرني بسنتين وكانت اول مره بعيلتنا تحصل هالسالفه ولو تشوفوا اهلي كانوا منحرجين مني وبغوا يرفضون العريس بس انا كلمتهم وقلت اني مبسوطه ومالي زعلانه ويوم زواجها كنت في قمة سعادتي لاني اعرف ان الناس عينهم عليا وبعد زواجها ب3 شهور جاء ولد عمي وخطبني والحين انا متزوجه صار لي 6 شهور ومبسوووووووووطة مررررره لان ربي عوض صبري خير ورزقني بشخص مافي مثله بالدنيا ومو ناقصني الا بيبي صغيرووون يملي البيت عليا ,,,
ادري اني حكيت لكم قصة حياتي بس الموضوع شدني وياليت الاهالي مايقطعون نصيب بناتهم

اذا اتاكم من ترضون دينه وخلقه فزوجوه
هذا هو المعيار الحقيقي مو السن