زواج العربي من الاجنبيه

مراحب اختي

يسلموووووووووو على الموضوع

بالصراحه زواج العربى من الاجنبيه كلش ما يعجبني حتى لو دخلت على الاسلام بعدين

لان مو ما فيه بنات علشان يروح يتزوج وحده من بره

فيه بناااااااات وما شاء الله

واحنه الخليجيات ش حليلنه وقماره ما شاء الله

لازم يعنى وحده شعرها اصفر وهالخرابيططط بيقولون لي علشان مهرها ارخص طيب يا عزيزى لو تضربها فى اخماس واسداس ما هى تريد تسافر الى اهلهل كل سنه وتتصل فيهم وتطرش لهم اكل

غير الهدايا لما تروح لهم ياه قصه طويله ما راح تطلع ليك دبل يابن الحلال

لكن ماكو فايده

تسلمى حبوبة على الموضوع مره ثانية

تقبلي تحياتي

يعني هم يروحون للاجانب ...ووبنات الديره..مخلينهم للاجانب

كل حد وله ناسه..

القهر لما يكون راع منصب وخيره كله لحرمتهالاجنبيه واهلهااا قهر خير بنت الديره اولى به..

موضوع يقهر والله...

سلام

انتي قصدك اجنبيه يعني غربيه

غير عربيه

لانك بالعنوان كاتبه العربي !!

صح

اذا كذا يكون اخذها بالدراسه بالخارج

ولله اللي مايبي العربيه المسلمه كفوه الاجنبيه

اللي تربي عياله على عاداتها هي

ولا اسلام ولا شي

انا بعلق وسمحولي ... كل شي بالغصب الا الزواج لازم الواحد يكون مرتاح ..!! مهما كانت الجنسيه لازم يكون مرتاح وبعدين هذا الشي مب حرام اذا خذ وحده كتابيه ..!! يعني مسيحيه والا يهوديه حلال يا بنات ورب العالمين ما حلل هالشي الا لانه الرياييل اذواق فعلا وفي نفس الوقت احنا اللي ما نقدر ناخذ غير مسلم لانه العيال على الاب شوفوا حكمة رب العالمين ..!! وبعدين ما يخص الفلوس مهر وسوالف ثانيه هاي الامور لازم الواحد يكون مرتاح نفسيا ومرتاح من كل النواحي ..!! الزواج مش مهر وبس الزواج موده وسكن ورحمه ..!! بمعنى لازم الواحد يلاقي اللي يرتاح وياه ..!! حتى احنا الخليجيات نسافر ونشتري ونصرف بالهبل مش بس الاجنبيه ..!! هذا راي وانا عن نفس من الامارات بس متزوجه فلسطيني ومرتاحه وايد وحاطني على راسه عمري ما سمعت الا الكلمه الزينه واخر وتقدمولي وايدين قبله بس انا ما اريد واحد من اهل بلدي يعتمد على اني اشتغل واسد نفسي لا انا ابا ريال اعتمد عليه والخليجيين معروفين اهم شي اصدقائهم .. حتى امي من كثر ما تشوفه مهتم فيني قالت لابوي يوديها وين ما تبى ويتمشون ويربي البنت وياها ويقوم معاها في نص الليل اذا البيبي يبكي بس المواطنين من الامارات والله بيطردها بره الغرفه اذا سمع صوت الصياح وكله ويا ربعه ..!! اسفه اذا كلامي يجرح بس انا هذا راي

زواج العربي من الأجنبيه شرعاً مافيه شيء حلاااااااااااااااال
بس عادة نهايته الفشل بحكم اختلاف العادات والتقاليد حتى لو اسلمت
يبقى عليها صعب انها تندمج مع عاداتنا وتقاليدناوأمور ديننا الا من رحم ربي
والزواجات التي تنتهي بالفشل يكون ضحاياها اطفال أبرياء.