قصة قريتها في موقع عن حرمة تحكي قصتها مع زواج المسيار
حبيت تقرونها وتستفيدون منها مثلي وتنتبهون وماتغلطون مثلها
صاحبة القصة تدعى سارا وبدأت تحكي القصة قائلة:
لم اذق بيوم طعم السعاده مع زوجي فقد كان عنيف معي بكل شي بالمشاعر والتعامل وحتى بالعلاقة الخاصة
واصبحت ارسم في خيالي صور الرجل الرومنسي الذي راح يحملني في عالم الحب والرومنسيه
ووجدت هذا الرجل بعد ما انفصلت عن زوجي، وعشت معه اجمل الايام
تقدم لي خالد وانا عندي ثلاث اطفال وطبعآ لاجل مااضايق زوج المستقبل طلبت من الخطابه زوج بالمسيار لجل اجلس
مع اطفالي وبدات الخطابه تعرض علي الراغبين بالمسيار اشكال واصناف من الرجال وصور كثيره وتعليقات عليهم
وضحك مع صديقتي على اشكالهم طبعا انا مطلقه ولازم ما اختار أي احد لازم احسن الاختيار لاني انا الي بتزوج
وبعد كم يوم ارسلت لي الخطابه صورة خالد وقالتلي عاد هذا حلو لا تقولين عليه شي
واول ماشفت صورته حبيته وكلمته وتفاهمت معاه على كل شي طبعا قالي ماعندي فلوس مهر قلت مو مهم
قالي مااقدر افتح بيت ( قلت بيتي موجود ) وصار الزواج
وعشت معاه قصة حب يمكن تكون من طرف ويمكن من طرفين مدري عن مشاعره ماقدرت اوصل لها
وكان هذا نظامي مع زوجي بالمسيار اروح لشغلي واجي من الشغل اتغدى وانام واقوم متاخره واتحمم وكني عروس
واتزين واكشخ والبس قميص نوم جديد وورد وشموع بكل مكان ويدق علي العاشق الولهان ها حبيبتي ناموا العيال
عشان اجي واقوله بدلع ايه حبيبي تعال بسرعه لا تتاخر علي وهذي حالتي كل يوم
وبيوم جلست كالعاده الساعه 10 بالليل مفزوعه اوه تاخرت الحين حبيبي خالد بيجي وانا ماتجهزت
ودخلت الحمام اتحمم ولقيت رغوة الجل مخلصه ولبست وطلعت من الحمام لازم اجيب رغوة جل كيف خالد بيجي
الحين لازم يشوفني فواحه ونزلت تحت انادي الشغاله ( سيناتي سيناتي )
الا يلتفت علي ابني الصغير الي في الصف الاول الابتدائي وكان حاط يده على خده يشوف الكرتون
( ماما )
جلست اناظر فيه آآآآآآآآآآآآآه صغيري كان لي فتره طويله ماشفتك
قال انا موجود بس انتي ماشفتك من زمااااااااااااااااااااااااااااااااااااااااان
ونظرت لبنتي الصغيره ام اربع سنوات الي نايمه على الكنبه وهي بدون غطاء عليها والتكييف يضرب فيها قربت منها
ابي اغطيها وحضنتها بقوه وشافتني وحضتني هي بقوه واغمضت عيونها
حسيت بشعور غريب بنتي انا تنام كذا على الكنبه وملابسها وسخه ومبهدله
وشوي لاحضت شي برجلها
لقيت شوكه غارزه برجلها
معقوووووووووووووول بنتي برجلها شوكه من متى وسئلت ابني الثاني قالي هي قالت رجلي تعورني وسنيياتي
تسوي العشاء ( ايه تذكرت تسوي العشاء لحبيبي خالد مو انا جالسه كل يوم اكرمه بانواع الاصناااااااااف من الاكلات
الشعبيه ) نظرت لبنتي الي ثيابها مبلله كانت مسويتها على نفسها والشوكه برجلها
وبديت اسرح لبعيد بخيالي من متى ماشفت عيالي
متى جلست معهم اجي من الشغل وانام واصحى واشتغل بنفسي واستعد لخالد ويوم الخميس اروح الصالون
صبغات وعنايه ببشرتي وجسمي متى اشوف عيالي
معقووووووووووووول انا ام كيف اكون ام
كيف نسيت اولادي
كيف تخليت عنهم واتبعت شهواتي ورغباتي
كل يوم حب وعلاقة وبعدين الى متى
صار لي خمس شهور على هذي الحاله
الى متى وبعدين ومتى بفكر بعيالي
متى بعطيهم حقهم
وفجأة دق خالد ومارديت عليه كان شي ضربني على راسي
اخذتني ياخالد من اولادي
نسيت امومتي..نسيت عالمي..نسيت مسؤليتي..كل هذا من اجل متعه وشهوات
ونظرت لهذا البيت..انه بيتي
خالد استولى علي وعلى بيتي وعلى كل شي
يجي فاضي ويطلع فاضي
يجي من اجل العلاقة..يجي من اجل الرقص..كاني راعية ليل
يجي ياخذ كل شي من انواع المتع ويطبع على خدي قبله ويخرج
xxxxxxxxxx..وانا المتعه..كل شي يحصل عليه ببلاش
ومايدفع شي..لا مهر لا هديه لا شبكه لا بيت لا مصروف ولا ادنى مسؤليه
هكذا اتيت اليه على طبق من ذهب
اتيت اليه جاهزه من كل شي
اين راتبه ( انه يصرفه على زوجته وبيته الثاني وانا الست زوجته وبيته )
اخذني من اولادي اخذ كل شيئ وهو يعيش في املاكهم ويستمتع في املاكهم ببلاش وعلى حسابهم
ياااااااااااااااااااه كم انا غبيه ليه رضيت بهذا الزواج بهذي الطريقه
وجاء خالد يدق الباب
وكالعاده تستقبله الخادمه وتطلعه فووووووووق للدور الثاني الدور اللي خليته كله لاستقباله من طاولة طعام الى غرفة
نوم الى صاله نلعب فيها انا وهو
وطلع خالد فوق وانا انظر له دون مايدري وهو يناظر اطفالي الي مرميين على الارض وكان المنظر عنده عادي ومتعود
عليه دخل على اولادي وماسلم عليهم ولا حتى جاب لهم هديه بسيطه او حلاوه يرد جزء من المصاريف الي أحنا
نصرفها عليه ودخل خالد الغرفه والشغاله مجتهده وبنشاط تحضر المائده كأنه امير راح يزونا
وتجهز الطاوله وانواع العصيرات لاني طلبت منها هذا الشي، وكل يوم اعطيها قائمه من الاكل تسويه لخالد
ودخلت على خالد وكان ممدد على السرير
ينتظر بنت الليل تجي تريحه وتعطيه المطلوب
دخلت عليه وشافني استغرب من شكلي مو متعود يشوفني من غير مكياج
قالي هذي حركه جديده صح التغيير حلو
تعالي حبيبتي دلعيني مشتاق لك كثير xxxxxxxx
وكان متعود اذا قالي كذا اقوله حبيبي بريحك
لكن هذي المره ماقلت له شي وسكت
قالي ايش فيكي
قلت له بس هذي حياتنا علاقة في علاقة وهيام بالحب انا نسيت اولادي وامانتي
قالي حبيبتي وايش احلى من الحب والهيام واولادك انتي مانسيتيهم بس تعالي حبيبتي ريحيني
حسيت انه ماله خلق انه يحكي بس يبي يريح وخلاص
وقلت بريحه يمكن يريحني وبعد xxxxxxx قالي ايش مسويه لي حبيبتي عشاء
وراح يشوف العشاء وجلس ياكل بنهم وانا ضايق صدري وكنه مايشوفني
وبعدها جاني قالي مراح تحمميني
كرهت نفسي معقوله هذي حياتي كل يوم كذا وحتى صلاتي حق ربي اصليها بسرعه واجمعها
قلت له انا تعبانه ممكن تسمعني قالي تكلمي حبيبتي وبديت اقوله الي بخاطري
ورد علي قالي انتي تبالغين ياحياتي شكلك تعبانه مانمتي زين انصحك تنامين ونا بروح للشباب الاستراحه وباكر اجيك
عرفت انه مايبي يسمعني وانه حس انه مافي شي يريحه اليوم واهم شي ريح وتعشى ايش يجلسه اخذ المطلوب
ومشى وثاني يوم دق علي وقالي اذا نفسيتك خايسه زي امس ماله داعي اجي ( طبعآ شبع )
قلت له لاتجي
وانقلب علي وبان على حقيقته وقالي غثيتينا بها الكلام عيالي وعيالي وكأنه هو مايقول عيالي وزوجتي ( وهذي
المره الثانيه الي اكلمه بموضوع عيالي ) وكنت مكلمته اني احط حل اني اوفق بين الاثنين
طبعا الحل ماعجبه هو يبيني كلي له يبي يجي من بيته الاول لاعندي مايشوف بزارين او عيال او يسمع
مشاكل او أي شي يضايقه لمن اقوله عن مشكله تخصني يغيرها لصالحه اما يقول يقول تعالي حبيبتي اشتغلي
فيني وتنسين او يقول خلي مشروعك باسمي وانا اديره لك وانتي مرتاحه وغير انه يعقد كل المواضيع بوجهي عشان
اضطر اكتب المشروع باسمه
وكرهته كرهته كثير زي ماكنت احبه كرهته لانه انسان يبحث عن بنت ليل بالحلال مو انسانه عندها مشاعر واحاسيس
وطلبت الطلاق ولم يمانع وبعد ماطلقني باسبوع تزوج خالد مسيار من امرأه اخرى موظفه وشفته بنفس المطعم الي
كنت اروح معاه فيه وشفتها تدفع الفاتوره زي انا ماكنت اسوي ومره شفتها معاه بالسوق وهي تشتري له ملابس
وتدفع له الف ريال قيمة المشتريات زي ماكنت اسوي
وبعدها عرفت ان خالد طلق زوجته ليتزوج من اخرى بالمسيار والى الان تزوج سبعه وجمعيهم مايرون انه تزوج قبلهم
وكان صديق خالد المتزوج مسيار يمشي بنهج خالد.... ونهجهم يقول اذا ماعجبتك هذي خذ غيرها ويا كثر الحريم وهذا
الي يقولونه للخطابه
مسكينه كل مره ضحيه جديده ( مدري راح تفيق مثلي او راح تظل بعماها )
ورجعت لاطفالي وصرت افكر مستقبلهم وبدل فلوسي مااصرفهم عليه اصرفهم على اولادي هم احق منه فيهم...
انا اتعب واشقى وهو بالساهل يجي وياخذ كل شي
نعم كنت سعيده معه ونسيت كل شي حولي حتى اطفالي ولكن اكتشفت اني غيبه واني ام سيئه واني كنت فقط
ضحيه (نعم ضحيه لان كل متزوجات المسيار ضحايا ) فقط للمتعه بنت ليل تكون جاهزه هي تمتعه وتدفع له ثمن متعته
و هو ما يدفع لها شي.
القصة مثل ماروتها صاحبتها غيرت بعض الكلمات البسيطة.
وبانتظار تعليكم على القصة واللي تصير يوميا في كل دول الخليج.
