يالله فضيت بكمل

تصدقوون اقدر اسوي لي موضوع واسميه يوميات غير الموظفه وتشفوون حياتنا على اصولها يعني بعطيكم امثله

لو حبيتي تهدين عيالك حتى هدايا النجاح يقوول وش هوله خلاص انا عطيتهم اكفى

لو حبيتي تتصدقين بكرتون ماء بارد يعني قيمته خمسة عشر ريال لاززم تقولين له وممكن يرضى وممكن يقول خلاص بجيبه ويطنش

لو حبيتي تشتري اي شيء لبيتك هو يشووفه مو ضروري مستحيل تشتريه لانه مارااح يعطيك

لو حبيتي تعزمين حد عزيز عليك وتبين تووجبينه لازم قبلها بفتره تدلعين وترجين عشان هالعزومه تعدي على خير

اووف عاد لو صار عندك مناسبه لك مبلغ محدود ودبري عمرك وكلكم عارفين الغلا وكيف المناسبات تكلف لاحد يقول مو لازم احنا عايشين بمجتمع وانا ابي ارووح للناس والناس يجووني اذا ماوجبت احد ولاقمت بقدره هم نفس الشيء بيسوون فيني

لو حبيتي تريحين في يوم وتجيبين اكل من براا طبعا لازم تقدمين فروض الولاء والطاعه للباشا او انك تسوي نفسك تعبانه عشان تاخذين راحه يووم

لو حبيتي تهتمي بنفسك شوووي وتدللين عمرك وترووحين لمركز للبشره بيقوول وش هوالخساير مو لازم خذي كريم من الصيدليه

يالعالم الدخل المادي عز والله لو كان بسيط بس اهم شيء فلوس لي انا حرره اتصررف فيها

حسبي الله ونعم الوكيل درسنا وجبنا الشهادات باعلى التقديرات واخرتها في البيت

ياليت عقلي هذا فيني قبل كنت اخذت نصف مهري وسويت لي مشرووع يدخل علي لو الف ريال كل شهر نعمه اهم شيء انها مال خاص لي ولااحد يمن به علي

ام طلووووولي والله ماكذبتي كل كلامك صدق بس لايهمك الموظفات الي يقولون غير كذا تراهم خايفين من العين <<<امزح لايزعلون الموظفات اماعاد الموظفه اللي مخليه زوجهايسيطر على راتبها اكيد هي تستاهل لانها امعه

انتي تتكلمين كذا عشانك ماجربتي الوظيفه
عسى ربي يرزقك بالوظيفه وراح تقولي يازين الجلسه فني البيت وزوجك يصرف عليك ومرتاحه بوسط اطفالك بلا الشغالات وغثاهن
ولا احد يشره عليك اصلا لان ماعندك دخل لا زوجك ولا غيره

مع احترامي لك يا قشر قهوه..

كلامك اي نعم صحيح لكن ترى ..

موبس الموظفه اللي يتزوج عليها زوجها بوحده غير موظفه.!!!!!!!!!!

كذلك الغير موظفه اذا زهق زوجها منها راح تزوج عليها موظفه عشان يستفيد من راتبها وتقل عليه المصاريف لأنه فاتح بيتين.!


فعشان كذا احب اوضح لك نقطه مهمه الرجل اذا طابت نفسه وعافت من زوجته راح يتزوج عليها اذا كانت موظفه تزوج عليها وحده غير موظفه.. واذا غير موظفه تزوج عليها موظفه..!!


تصدقين عاد نعرف واحد متزوج حرمتين موظفات. :)


خلاصة كلامي هذا وخذيها مني ( والله لو ان الزوجه موظفه او غير موظفه والرجال نفسه طابت راح يتزوج خذيها مني مدويه..)




هذا الشئ اللي كنت احب اوضحه لك...

انا اقول على حسب الرجال

اذا فيه خير ويخاف ربي بيصرف على زوجته سواء موظفه او غير موظفه