زواج حماي وزوجي والمصروف

يابنات احس اني مقهوره :( زواج حماي الصيفيه هذه واقول لزوجي عطني فلوس بشتري فستان للعرس يقول انا مزنوق لان لازم اعطي اخوي اقل شي 6 الاف يبغاني ادفع من عندي لاني معلمه :( اكيد البعض بيقول انتي معلمه اصرفي على نفسك واتمتعي انا ماقول لا لكن بحدود من تزوجنا وانا مااطلب منه مصروف بحكم انه بمنطقه وانا بمنطقه عند اهلي عشان عملي ويوم الله رزقنا ببنت احيان اشتري لبنتي من عندي حتى نصف تجهيزات الولاده من عندي ومن يوم الخميس نازل الراتب اقول ارسل مصروف البنت ماارسل لانه عارف اني اشتريت لها حليبها وحفايظها خلصت قبل الرواتب وشريت من عندي وقلت لازم ترسل اذا نزل وقبل شوي كلمني قلت حولت قال لا مافضيت وماراح احول يقولها بضحكه وبصراحه انا عصبت شوي .. بعدها بشوي ارسل يقول حولت 750 منها 250 للبنت و500 لك انتي اذا تكفي واذا ماتكفي احولك نهاية الشهر الجاي اهم شي رضاك لان اللي يصفا له من راتيه 3800 بعد القسط يقول عطيت اخوي 2500 وحولت لك 750 ومابقى معي غير 400 ريال ومع هذا كله طفشان من هالدجه .. المهم ارسلت له انت شايف 500 ماتجيب ثوب حتى ثياب البنات الصغار من 700 وفوق لان اخواته الصغاراللي عمارهم 17 سنه اشتروا على 700 عاد كيف ثياب الحريم :( والدجه ايش اسوي فيك انت ماتبغاني انقل تقول انك بتنقل ومانقلت للحين يعني منك مو مني قام ارسل لي القيام على قد القدره فيه حريم ثيابهم من 300 واحسن من اللي يلبسون بالف :22: المهم مارديت على رسالته :(



تكفون ياحريم من الغلطان انا احس الرجال صار يتمادى يبغاني ادفع من عندي لان احيان اذا رحنا لمنطقة عمله وكان مزنوق ادفع بعض الاجار مساعده من عندي واقضي لنفسي من عندي واحيان اقضي لبنتي عجزت افهمه مرات اقول بخيل ومرات اقول بينظم ومرات ماعرف افسر حالته مع العلم اني يوم طلعت من الاربعين جاب لي طقم ذهب وهو للامانه طيب بس هالتصرفات تقهرني منه وماادري كيف راح اتصرف ..



رجاء اللي ماعندها رد ترفع اللي الموضوع واتمنى من اخواتي بنات حواء اذا فيه معلمات يقولون لي كيف يتصرفون مع ازواجهم من ناحية المصاريف ولا استغني عن راي اخواتي الباقيات واقتراحاتهم ..


معليش كلامي مو مرتب لان بنتي تصيح :22: