اكيد حبيبتي انها صدمه كبيره على كل امراءه يتزوج عليها زوجها   بس في الاول والاخير هذا من حقه والشرع قال كذا يتزوج اربع  واحنا كلنا عارفين ان الرجل ماخذ حقوقه واكثر ونافش ريشه حسبي الله عليهم ما فيهم ضعيف والمراءه ما تحصل على حقوقها كامله لكن حبيبتي حصل الي حصل اجلسي في بيتك ولا تطلعي من البيت ولا تعطين الزوجه الثانيه الضو الاخضر وتفتحين المجال لها واكيد رغبتها انها تكون الوحيده في حياته اهتمي بنفسك وصحت حملك وانسي زواجه تماما وعيشي حياتك واحتوي زوجك وعليك بالاستغفار ودمتي سعيده 

اختي الله يكون بعونك ويفرج همك ويرزقك اللي تتمنين


بس حابه اقول لك شي مهم زوجنه الثانيه فين ساكنه؟؟
وبعدين خلاص الصقي فيه روحي للمدينه اللي يداوم فيها قولي لازم نستقر علشان اللي ببطني
والله يصلح الحال

الله يفرج لكٍ وصبركٍ

حبيبتي الله يهدي سرك اهتمي بنفسك واكثري من الدعاء وماشاء الله زوجك مراعي مشاعرك والدليل الزواج في السر بعضهم يسوي عروس وحفلات ويطير بين السماء والارض ماهمته زوجه ولا همه اولاد كانه ينتقم منهم والعياذ بالله ولا عنده سبب يتزوج علشانه واخر مايفكر فيه زوجته وعياله هذا اللي يقهر وانا اختك اما انتي زواجه علشان الاولاد وربي فرحك بالحمل علشان نيتك زينه اصبري والصبر مفتاح الفرج والدنيا لاتدوم على حال واحده فقط احسني النية وسوف يفتح الله لكي ابواب الفرح والسرور وكرري الادعية التي تزيل الهم ومنها لااله الا انت سبحانك اني كنت من الظالمين وكرري اللهم اني مغلوب فانتصر والله يرزقك الصبر.

مشكورين ماقصرتو

بس انا ضايق خلقي الحزن بيذبحني عجزت اتغلب على حزني وضيقتي لي خمس شهور واناحالتي حاله

مايعلم به الا الله ودي ابكي واشكي ضيقتي لاي احد حتى امي مااقدر اقولها ضي يكفي انهاتتحمل مرضها

اكا خواتي كل وحده عندها همها موفاضيات لي عندهن بيتوهن وشغلهن وعيالهن

وزوجي اذا شكيت وقلت ضايق خلقي يقول لاتفكرين بشي وهذا الي فيك وسواس

اي وسواس ياناس ودي اصرخ بوجهه وادعي عليه وابكي لين مايروح كل الحزن الي بصدري

ودي اتطلق واتزوج غيره وانساه واعيش حياتي بعيده عنه وعن الحزن الي انا اعيشه

وربي نوم ونسيته واحساس طعم الاكل ماعاد فيه

مجبوره اعيش بوضع ماابيه بس الى متى وانا ابصبرواسكت واتحمل شي عجزت اقتنع فيه حاولت وربي عجزت

كل يوم يمر يكون اقسى من اليوم الي راح حتى بضناي عجزت افرح حتى مارحت اكشف اشوف هو ولد والا بنت

مالي خلق شي ياشين احساس الظلم والقهر

واليوم ان شاء الله راح يجي وبقوله هالكلمتين اما ان يكون معي وقريب طول الايام او يبتعد عن للابد لان وجوده في المنتصف متعب جدا جدا