زواج زوجي في شهر 2 بس تغير من الحين مليون درجه

بسم الله الرحمن الرحيم

السلام عليكم ورحمة الله وبركاته



اخووووووووووووواتي اكتب لكم ونا وربي وربي وربي مالي غير الله ثم انتم ادعوا لي ماعاد بيني وبين الجنون شي تعبانه نفسيتي حيل اللهم يافارج الهم فرج همي وهم المهمومين
انا سبق وقلت لكم ان زوجي تملك وبيتزوج اااااااااااااه منه ومن جبروته اللهم ان كانه قوي فا الله اقوي منه
مره صار مايشوفني شي يقهرني بالحكي في الرايحه والجايه حطم نفسيتي حيل يسب ويمد يده مره مره صار قااااااااااااسي والله وما اظلمه انه مايناديني الا********تعبت منه حيل حيل
رحت لاهلي يقال زعلانه عندهم شهر ومابي احكي في اهلي الله يجزاهم الجنه كلن تكلم اطلعي اطعلي منه وانا لك ويوم جت الحقايق الكل تخلى لين غصب وانجبرت ارجع له

والله الكسوه بالزور يدفعها ونا في بيته يدخل ينافخ يطلع ينفاخ وعلى اقل شي اطلبه يقول عاجبك ولا هذا بيت اهلك يبزاك
وهاالايام طايح بكلمه جديده *** انا خلاص كاتمه من هنا اهلي ومن هنا زوج ماعاد اتحمل من رجعت صار يعاملني بسوى من قبل لاني طلعت من عنده وربي لين صرت معه في السياره اني مارجع الا مستوي راسي من الهواش علي واذا قلت شي ضربني على راسي حتى مافي احترام قدام احد وربي رايحه انا وياه للمستوصف معي هبوط انه قدام الدكتوره هذي ***ماتفهم يسب ويطول السانه صرت اتحشي اروح لمكان معه منع للحراج الي يسببه لي

خلاص خلاص تعبانه نفسيا منه يتيمه ولا لي ظهر ولا يبي اتوظف وكلمة كدا جمعيه قالوا عند زوج مانعطيك شي ادعوووووووووووووووووووووا لي ادعوا لي والله خلاص نفسيتي منهاره
بس احمد ربي واشكره انه للحين ساتر علي بستره للحين ماحد يدري من اقاربنى عن حالي معه احمد ربي ان للحين مثبتني مازغ عقلي منه تخيلي اجلس معه قومي انقلعي*****واذا دقت زوجته هداء وخثر الصوت ورد عليها سمي ابشري ولا يهمك بموووووووووووت مقهوره منه وربي اصلي وادعي ربي ان يعزني بعزه وينصرني عليه يارب والله ضعيفه ولا كن معتصمه بحبل قوة الضعفاء الواحد الا الاحد صحيح مالي حيله بس لي رب قادر على كل شي
شوروا علي وش اسوي على الاقل المصروف وربي محسرني تحسير ما اشوف القرش الا بالحسره لالبس زي الناس ومهمل في بيته اجلس اسابيع الثلاجه فاضيه مايهمه ابد ومده يده قلولي وشلون اتفاهم معه تعبت نفسيا تعبت وسبه لي من رجعت من اهلي عقب الزعله وربي مانطق اسمي اذا هادي قال ****واذا معصب قال ***** فوق 7الف تسلفتها له قبل لايتزوج كانت عنده ظروف ماديه والحين يقول انتي الي ماخدتها سدديها انتي واهلك والله تعبت منه يابنااااااااااااات وربي ولو تطلقت وين اروح من يبزا احد بها الوقت ماعاد احد يتحمل احد

زوجه في 14 \2 ادعوا لي وقتها اروح لمكه تكفوووووووووووووووون طلبتكم خواتي ادعوا لي وقتها اكون بمكه بارب يارب يارب يامن تقول كن فيكون يامن امره بين كاف ونون يامبدل من حال الي حال ان 14 \2 اكون في بيتك الحرام يا رحمان الدنيا ولاخره ورحيمهما اللهم سهل امري ولا تعسره

ادعوا لي ان الله يعزني بعزه ويغنني بفضله عمن سواه اللهم ارحم ضعفي وقلة حيلي يارب ارحم ضعفي وقلة حيلتي يارب يامبشر زكريا بيحيي بشرني بالموى الامن بشرني بالموى الامن وبشرني بالموى الامن يامكون الشي من لاشي ارزقني المنزل الملك الحلال فانك تعلم ان ليس لدي اي شي يامن تقول كن فيكون قل لرزقك لي وللمسلمين ان يكون اللهم اغنني عنه اللهم اغنني عنه اللهم اغنني عنه بفضلك يارب العالمين اللهم عزني بعزك ياعون الضفاء وياكنز الفقراء


وطلبتكم طلبت يتيمه الي عندها (ابو)تحب راسي ويده ترا وربي عز البنت ابوها وربي بحياة ابوي عيشتي عيشة ملكة اللهم اغفر له وارحمه فكم اشتقت لحضنه وحنانه ياليته بس موجود ابي بس ارجع طفله واضمه ونام بحضنه الله يغفر لك يا ابوي الله يغفر لك ياابوي الله بس يغفر لك يا ابوي