زواج زوجي للمره 5 اتعبني .

ي بنات وي اخوات ابغى منكم بس تعطوني خطه او نصيحه او معلومات تفيدني امشي عليها واقدر فيها اخليه يترك الزواج انا احبه وابغى اكمل حياتي معاه بس شتتنا بكثر زواجه .. ماابغى اضعف واستسلم دام انا قادرة لسا اسوي حد لكل شي طبعاً هو حكى لي انه خطب رغم انه فترة هذي عندي اختبارات رحعت اكمل دراستي عن بعد واثر علي زواجه مره انا عندي شقه ساكنه فيها بعيد عنه هوًماجرها لي وهو عنده فله عايش فيها
وفيه السكر وعنده زوجة اولى رجعها بعد زواجه مني واشترط عليها عدم العدل ووافقت مسكينه مضطره لاجل بناتها المهم عشت انا معه بجحيم لما رجع الاولى وبعدين تزوج ثالثه بينهم معرفه من قبل اجي مع اهله وزوجته الاولى وصار الي صار وخلعته وهو كان جداً متمسك فيها وبعد فترة تزوج رقم ٤ وجلس معاها سنه وطلقها طبعاً كل هذا وانا اشوف وعايشه معه يوم حب وغرام وشهر مشاكل وحرمان وهجر وصد طبعاً انا معيشني جحيم معه اذا طلق يرجع لي ويبغاني معاه ليل ونهار ويجبرني اترك بيتي مهجور  واسكن معاه بفلته لين يلاقي عروس جديد وبعدها يقول ارجعي بيتك وعندي ابني متعلق بفلته مررررره لانه فيها حوش والعاب وابوه قدامه يحب ابوه مره فاتعبني الولد هذا بسبب ابوه يبغاني اروح واتركه عند ابوه لما نجلس عنده نرتاح كل شي يتوفر والعيال يرتاحوا جنب ابوهم وبس نروح يتغير كل شي نرجع لحياة العزوبية والعيال يفتقدوا ابوهم مرررره اما بالتربيه فانا افتقده بالحالتين غاسل يده من كل شي ابغى حل وش اسوي انا تعبت وهلكت من كثر زواجاته وكثر اهماله لنا مايعدل ابداً اذا تزوج اصير كني معلقه طبعاً هو يروح لزوجته الاولى كل مااشتاق ولي كل مااششتاق بس ينام كم ساعه ويروح مايجلس عندنا يرجع فلته عند الجديدة تكفون عطوني حل فقدت شغفي بالحياة وتعبت والله رغم اني مازلت صغيرة عمري ٣٣ الان وابني الصغير عمره ٦ لسا بدخله مدرسه هالسنه.. رغم اني معلمته اني رافضه زواجه بس يحسسني انه مو مهتم ماني شي ذات اهميه بالنسبه له😭💔وع فكرة ابو زوجي واخوانه نفس وضعه 🤕 عائله مزواجيه 💔