العائلي افضل.

الزواج المختصر افضل تكون حفله بالبيت انتي بالحالتين لابسه ومسويه ميك اب وتسريحه وكل شيء وتصورين على راحتك ولاتنقهرين انك ماتشوفين وش يسوون

وان انفيتي يا ينقدون عليك ولا يحسدونك

والمعازيم ماتسلمين من بربرتهم (هذا ماحطوه وهذا موضته قديمه ماعاد احد يحطه وهذا وراه كذا وماعونا والعروس كذا وبنيهم لابسين كذا )
وماتخلصين ولاتسلمين منهم ومن انتقاداته اللاذعه اللي ماتعرفها الا المجتمعات الخليجيه بالاخص عندنا

ناس اكثرهم وليس كلهم متخلفين وبعضهم حسودين وبعضهم حقودين حتى لو مابينك وبينهم اي عاوه المناس كذا عقلياتهم

وخاصة الحريم يتفلسفون وكل وحده مسويه نفسها تعرف الذوق والسنع والناس لا مايعرفون واحتى اصلا تقدر الوضع او تستر ماواجهت

ومسكينه العروس واهلها اللي يتسوي عرس كبير وتعزم الناس يتخسرون بايجار القاعه والكوشه والبوفيه والتقديمات والمعاريض ولبسهم ومكياجهم وتصوير وهدايا ومليون شغله ولايعجب الناس شيء


ي ا اختي احلى شيء المختصر تسوون كل شيء ويطلع راهي ورايق وزين ومحد يجي يتنقدك ولا يتنقد اهلك وحزازيات بين اهل المعرس والعروس حطوا وماحطوا

ريحوا روسكم

العرس لك ولزوجك انتوا استانسوا وصوروا وروحوا شهر عسل وحطوا فلوسكم في شيء انتوا تتذكرونه بينكم مو الناس الناس ما نفع احد ياحسد ياحقد

والرجال اذا كان ماديته وسط او مو مره بيقول احط عرس واسافر بك الا قليل بس لمن يرجع تعالي شوفي الديون وتنطيل الوجه

صدق رسول الله صلى الله عليه وسلم :
أعظمهن بركة أيسرهن مؤونة

بصراحه كل وحده وقدراتها ماايد العروس تعمل فرح كبييييير وهي قدراتها بسيطه ولا انها تحطه مصغر ومحدوددد وهي ماشالله مقتدره كل عروس تشوف امكانياتها وتقرر على هالاساس وبالاول والاخير هي ليلة العمر