زواج مسيار

السلام عليكم كيف حالكم يبنات اليوم جيتكم بموضوع اللي استخرت فيه أكثر من مرة عشان افاتحوا معاكم.
انا سارا عمري ١٩ سنه والدتي متوفية من ونا صغيرة المهم انا عايشة مع ابوي واختي واخوي الكبير بس.. ابوي متدين من ناس كثير والله العظيم بدون مبالغة يمكن فوق ال ٤٠ الف وجاله الظغط من كثر م يفكر شلون يرد ديونه قبل لايموت (الله يطول بعمره) المهم وبدوا يضايقوه انه يبون فلوسهم وكذا وهل موضوع موترنا مرا تقولوا الحين ليه ما اشتغل أو اخوي الكبير موجود وكذا حاولت كثير حتى لو شغل بمعاش بسيط بس للأسف ما لقيت واخوي يشتغل بس يدوب راتبه يعيشنا وانا والله تعبت ما ادري وش اسوي بذات وانا اشوف ابوي يتعب كل بعد يوم وفكرت بحل قلت يسارا الحل الوحيد انك تتزوجي وتدفعي ديون ابوكي يعني انا اكيد م اقدر اطلع للناس واقولهم زوجوني ولا عندي صديقات مقربات يساعدوني به الموضوع.. المهم اتوقع انكم سمعتوا بمواقع الزواجات وكذا دلتني عليه وحده وانا اصلا م كنت اعرف له قلت والله فكرة استخرت وسجلت به الموقع وبعد اسبوع تقريبا يعني جاو كثار بس مافي واحد بالمواصفات اللي ابيه صحيح محتشرط بس كلهم متزوجين أو كبار في السن المهم بعد فترة دخل لي واحد وتكلم قال انتي جادة به الموضوع وكذا قلت له أي يعني شفته شخص مناسب سألته إذا متزوج ولا لا قال لي اكيد لا المهم قلت له انا عندي شرط قبل زواجي قال أمري قلت ابي مهري كذا كذا ما اعترض وانا فرحت قال ابشري يعني واضح انسان مقتدر واعطيته شرط تاني انه م يتكلم عند اهلي ويقول انه تعرفنا على بعض بالجوال يعني يجي كأنه صدفة ويطلبني من ابوي وافق الحمدلله بس قال عندي شرط قلت له تفضل قال م ابي احد من اهلي يعرفوا بالموضوع قلت له يعني مسيار!!!! قال لا بس حخليه بعد م نتزوج بفترة قلت له يعني بعد الزواج على طول نعلن قال لا بعد سنه او اكثر انا طبعا ما فكرت بالموضوع كثير قلت أهم شي دين ابوي يتسدد ومن حسن حظي طلع من نفس مدينتي جا بعد اسبوع مع عمه هو الوحيد اللي من اهله يعرف جا بعد ما تعرف على ابوي وخطبني المهم ابوي ما رده طبعا جا وسألني قلت له حستخير وارد لك بعد يومين قلت له اني موافقة والحمدلله تم الزواج وابوي سدد ديونه يعني زواجي كان حلو وهو كان طيب ومعاملته كمان كويسه بس قعدنا فتره عشان نتعرف على بعض اسمعوا يبنات الحين صار لنا تقريبا أكثر من سنتين متزوجين وفي الفترة الأخيرة لاحظت عليه طول الوقت برا البيت دوامه تقريبا من الصباح للعصر صار يطول برا يجي الليل وأحيانا ما ينام في البيت مع انه حتى في بداية زواجنا احيانا م ينام بالبيت بس كان يتحجج انه متعود يسهر مع خويانه وعادي الوضع عنده انا م ظغط عليه قلت اخليه على راحته بس جات فتره ما كان ينام بالبيت بالأسبوع وطبعا زي زي اي بنت بديت اشك قلت شكله يحب وحده أو يسهر مع بنت بس ما فاتحته بالموضوع قلت ما اخلي الشك يلعب فيني وبذات لو كنت غلطانه مدري شيصير فيني لأنه مرة عصبي المهم قلت افتش في جواله بس مع الأسف ما لقيت شي وزاد الوضع عن حده ما قدرت استحمل توكلت على الله وقلت اكلمه بالموضوع (على فكرة لين ذحين ما أعلن زواجه عند أهله كل مره يقول لي مو وقته) المهم كلمته قلت له يا فلان أسألك ب الله وش وراك قال لي يابنت الناس وش وراي قلت له مانت زي اول ما صرت تنام في البيت ولا اشوفك كثير احس انك مع خويانك أكثر مني طبعا أنكر انه ما في شي وصرفني بكلامه الحلو وانا قلت يمكن معاه الحق لا تظلميه بس مرا من الليالي سبحان ربي ما اعظمه كنا نايمين فجأة يجيه تلفون وقام مفجوع وهو يتكلم طبعا انا انخرشت قلت شفيه من الليل كان يقول شفيه سلطان وكيف طاح يعني باين ولد من العيله صار له شي بس الغريب في الموضوع انه قال لي على كل أهله م قد ذكر لي اسم سلطان طبعا انا حللت هل موضوع بعد ما خرج من البيت مسرع حتى ما فسر لي الموضوع خلاني على اعصابي وراح وطول اليوم ما جاني رسل لي رساله بس انه هل يومين ما اقدر أمرك ما قدرت اتحمل ما دريت كيف مرا هل يومين وجا وعلطول انفجرت فيه قلت له كيف تخليني كذا في البيت وترسل لي مسج وتقول ماني جاي هل يومين كأني مو مهمه عندك جد طلعت اللي بقلبي قلت مين هذا سلطان اللي تركتني عشانه ورحت وهو كان معصب مدري هي طلعت منه بالغلط ولا من العصبيه قال لي ولدددددددييييي تخيلوا يبنات بكل قوة عين انا وقتها ما عرفت وش اسوي أو وش اقول قعدت بمكاني مبحلقة فيه وبعدين كمل وياليته ما كمل قال كنت متزوج قبل لا اخذك وخبيت عنك واااااه قلبي مدري شصار فيه ما دريت كيف قعدت على أرض وانا اللي مخبيني عن أهله وحارمني اجيب له عيال يقالك نعيش حياتنا قبل ما نبتلش بالأطفال طلع عنده زوجة وعيال بعد طبعا هل سالفة قبل شهرين انه اكتشفت الحقيقة وكذا بصراحة ما قدرت اطلع ردة فعل دخلت الغرفة ونهرت وهو ما تكلم كثير سابني وطلع احترت وش اسوي طبعا ما كان ودي اشوف وجه ابدا لبست عبايتي وطلعت من البيت وقلت له يوصلني لبيت اهلي وقبل لا انزل قلت له مابي تتصل ولا تجي عشان تشوفني ونزلت ولين يومكم هذا عند اهلي حاول كذا مرة يتصل بس ما أعطيته وجه قلت له ابي وقتي عشان أقرر ومصرفة اهلي انه مسافر عشان العمل واني مشتاقة لهم ماني عارفة وش اسوي كسر لي قلبي وحطم ثقتي فيه صح م كان مقصر بشي ويشهد الله على اني احبه بس م اظن ينرد كل شي مثل اول انصحوووووني وربي تعبت كل يوم اصلي وادعي ربي يرشدني للصح 😭😭😭😭 مو عارفة وش اسوي م قلت هل كلام لأحد قلت افضفض بالمنتدى احس اعطوني رايكم يا اخواتي
معليش طولت عليكم بس اختصرت قد ما اقدر الموضوع..