زواج وملكة بنفس اليوم؟؟.

ام هند👑 • 4 سنوات

عايشه متواضعه :

الا فيه .. احنا من عاداتنا يملك العصر والزواج في الليل عادي ... والتوفيق من الله عزوجل اولا و اخيرا

الا فيه .. احنا من عاداتنا يملك العصر والزواج في الليل عادي ... والتوفيق من الله عزوجل اولا و...

ايه حتى جماعتنا هالعاده عندهم
صح يجي ويخطب ويحددون وقت الملكه والزواج اللي بليله وحده ويعطون العروس المهر
والعصر يملكون والليل يدخلون

اشوف كثير مابطلوا هالعاده لانهم يقولون مانبي بنتنا ترتبط بواحد سنين او حتى شهور مانضمن الدنيا

malam7 • 4 سنوات

فطوم2019 :

قلناهم عالاقل عشا رجال وابوي عطاهم زياده عالمهر عشان تتضبط العروس والله العظيم اني ماكذبت وكل الي قلته صار طب يعني كيف نتبع شورهك وهو بدا قتنع بفكرة العشا وودي اكلمها واعلمها وش تلبس والله ان نيتي طيبه وماقصدي شي ومعتبرتها زي اختي بس عشان ان هذي مب من عاداتهم اكلمها انصحوني تكفووون

قلناهم عالاقل عشا رجال وابوي عطاهم زياده عالمهر عشان تتضبط العروس والله العظيم اني ماكذبت وكل الي...

اول شي مانصحك تدخلين بلبسها وو حتى لو نيتك طيبه انا صديقتي وامها لما كلموني علشان ملكتي لاخوهم ماعجبني صراحه يتكلمون عن ايش البس واسوي لان ذي حريه شخصيه ولي ذوقي الخاص مامشي ع ذوق احد الشي الثاني فعلاً مو حلوه ملكه وزواج بنفس اليوم ع الاقل بينهم شهر او شهرين كل شي بالتفاهم حلو

صغيرتي نور عيني 🌺 • 4 سنوات

قبل كم يوم قريت قصة في الانستقرام صاحب القصة كان يدور على حل يقول اهلي خطبو لي وحدة و لما جيت اشوفها ابوها رفض يقول ما عندنا هالشيء و دام اهلك شافوها يعني مقتنعين فيها يقول من مدح امي و اخواتي لها اقتنعت و توكلت على الله تحدد الزواج و الملكة بعد سنة على اساس البنت في اخر سنة بالثانوية يقول وافقت على شرطهم يقول الغريب في الموضوع طلبو مهر ٢٠ الف بس و طقم ذهب على ذوقنا يعني ما تشرطو علينا بشيء بعد سنة قال ابوها الملكة و الزواج بنفس اليوم وما نبغى حفل ولا شيء بس عشى اشهار زواج و خذ زوجتك و توكل على الله في البداية اهلي اعترضو قالو نبغى نفرح في ولدنا و من هالكلام بعدين اتفقو انهم بعد ما ياخذها يسوون زواج عائلي صغير المهم بعد العشى اخذها و راح الفندق و كانت الصدمة البنت مو هي نفسها اللي وصفوها و مدحوها له اهله البنت طلعت من ذوي الاحتياجات الخاصة و من النوع اللي عندهم مشاكل في العقل يعني تصرفاتها زي الاطفال هو حزت في خاطرة يحسب اهله خدعوه اخذها وراح بيت اهله وهم كمان انصدمو تخيلو الاهل خطبو البنت الصغيرة وهم اعطوهم الكبيرة يقول حنيت عليها و خليتها عندي و حطيتها بعيوني وما نقصت عليها بشيء بعد ٤ سنوات تزوج الثانية لانه يبغى حياه مستقرة و اطفال تفتجأ ان ابوها و اخوانها جايين ياخذونها بحجة انو من شروط عقد الزواج ما يطلقها ولا يتزوج عليها و اخذوها من البيت بالقوة و هو محتار يخليها عند اهلها اللي استغلو ضعفها ولا يروح يشتكيهم في المحكمة
بعد ما قريت القصة صرت اخاف من موضوع زواج بدون شوفة ولا الزواج اللي خبط لزق لان احيانا الخاطب يكون انسان فيه عيوب و يطلب الزواج يكون خلال اسبوع او شهر و احياناً المخطوبة يكون فيها عيوب و اهلها ما يبغون الخاطب يعرفها فيمنعون الشوفة و يطلبون الزواج و الملكة تكون بنفس الييوم

Fatim2h • 4 سنوات

الف مبروك الله يتمم لهم

لؤلؤه20 • 4 سنوات

في عوايل كذا عاداتهم يخطبون ويجلسون سنه وسنه ونص واذا الولد والبنت ارتاحوا لبعض حددوا الزواج والملكه وعطوهم مره عشان يتجهزون بس طبعا في فتره بين المهر وبين يوم الزواج عشان يمدي يجهزون