زوجات ابوي عذبوني

السلام عليكم ورحمة الله وبركاته

حبياباتي لضيق الوقت بختصر مشكلتي

انا بنت ساكنه عند ابوي وزوجاته وامي منفصله عنه
اخذني ابوي من امي وانا صغيره مع اخواني من امي وسكننا عند زوجاته

من عمري 6 سنوات الى الان 25 سنه رفض انه يخليني ازور امي وحرمني وحرم اخواني منها وتزوجت وتطلقت لان ابوي محذر زوجي اللي هو ولد عمي من اني ازور امي

طبعا الاولاد كبرو ولانهم عيال قدو يفلتون من عذاب ابوي وزوجاته ويرجعون لحنان وحضن امي
وبقيت انا لاني بنت تحت رحمتهم ازور امي خلسه دون علم احد من عيد لعيد مع احد اخواني

اغسل واكنس واطبخ واذوق انواع القهر والالم النفسي من معاملتهم وصراخهم
محرومه من كل شي بالمقابل خواتي من ابوي عندهم كل حاجه
والمولم هو ان عمتي تخليني اطبخ عشاء وغداء وبنتها قاعده
وتجي هي وبناتها يتكلمون بامي قدامي وانا مالي حيله غير البكاء
والله يابنات ماتصدقون كيف الالم النفسي اثر على جسمي وعطل نموي
كاني ام 10 سنوات بالطول والجسم عكس خواتي من ابوي طول وسمنه وحياة رغيده
وانا اهلمت شعري وشكلي وبشرتي وجسمي وتغذيتي بسبب اوامر زوجات ابوي اقضي معظم يومي انفذها والبقيه في البكاء والتحسر
تعبت نفسيا
ابغى امي وحنانها
ابغى انام مرتاحه
ابي البس واكشخ مثل باقي البنات ومثل خواتي
والله العظيم امي ماتقصر ترسل لي ملابس وفلوس مع اخواني لكن بعد مايسمحون لي استخدمها كان امي في عيونهم شرذمه يبغون يكرهني فيها

تكفون انصحوني وشورو علي
انا ابي اصير شخصيتي قويه ابي اوقف حريم ابوي عند حدهم
ابي ادافع عن امي اللي ظلموها بدون سبب
ابي اوقف الظلم عني
ابي خطط اسويها ضد حريم ابوي واجننهم مثل ماجننوني
تكفون يابنات مو يقولون كيد حواد عظيم
ابي خطط شريره عشان اخليهم يكرهون الساعه اللي خذوني من امي ويرجعوني لها
انصحوني كيف اتكلم
كيف اخذ بحقي
كيف اوقف بوجهه الظلم
وربي حتى وانا اكتبت لكم هالكلام تناديني اسوي العشاء
اقسم بالله فيه كلام كثير لكن ماعندي فرصه اقوله
جعلكم بالجنه لا تخلوني
ابي اشياء انتقم فيها من الم 19 سنه عذاب

اختكم ..... خ ، ف