اقولك صراحه كل شئ يعتمد على شخصية الرجل

اوكي انا زوجي مشغول وكمان متغربه عشان نكمل دراستنا ومااشوفه كثيرر اذا شفته كان عالوجبه واحيانا يومين مااشووفه بس مااقوله الا الله يعطيك العاافيه ... صحيح اطفشش وامل بس الحياة يبيلها كفااح .. وكمان تختلف من مقدرة الحرمه على انها تنسجم على روتين الحياة..
فيه رجال يقدر الحرمه لما تطفش وتشكت.. وفيه رجال يقوولها انتي عارفه هذا شغلي مو عاجبك بكيفك ...

ومن ناحية الممرضات والدكتورات ... صاحباته بالعمل مستحيل يكون معاهم جدي .. بس كمان اقوولك يختلف من رجل رجل


والله يوفقكم

ياقلبي قولي لهخا ماتقلق انا زوجي طبيب ومتفهمه واساسا مااحاول افاتحه بأي موضوع عن شغله عشان مااتضايق ولاتشب في قلبي الغيره

وباالعكس احسه مره متفهم
الله يوفقها وقولي لهاا تستخير

نعرف واحد طبيب راح اتزوج فلبينية على زوجته......

والله اني اعرف زوجته يابناااااات

قمر وبياض ومو ناقصها شيء.........

بس عينهم فارغة

ليش التشاؤم في بعض الردود

!!
عليها بالاستخاره
وبعدين هذا جراح ماراح يفضى لخرابيط الممرضات

عزيزتي انا زوجي طبيب وجراح كمان .. عشان كده اتحمست اني ارد على اسئلتها لعلي افيدها ..

- كيفية المعيشة مع زوج طبيب خصوصا وانه مشغوول طول وقته وأكيد فيه حالات مناوبه وووو وهي موظفه تعمل حتى الساعه 4 مساء يعني عادي عندها يصير مشغول بس لأي درجة راح يكون انشغالهم عن البيت واطفالهم ؟؟

حبيبتي حابه اوضح شغله .. الطبيبب اول مايتخرج من الجامعه عنده 5 سنوات تكون دراسه وعمل يدرس فيها الزماله .. هذه الفتره بتكون متعبه نوعا ما وخصوصا اني اتزوجت زوجي وهوه في السنه الثانيه .. لانهم يكونو مضغوطين فيها بالعمل واخر السنه بيكون اختبارهم .. يعني يرجع البيت يقرا ويذاكر ووفي العمل ضغط كبييير ..
اخر سنه بيختبر الزماله .. وبتكون سنه ضغط عليه نفسيا جداااا كبير لانه مستقبله وعاده اختبار الزماله جدا صعب ..
هذا بالنسبه للجراحه 5 سنوات .. فيه تخصصات ثانيه تكون بس 4 سنوات ..
بس صدقيني هيه فتره جدااا صعبه وعدت ودحين افتكرها كنها حللللم .. الحمدلله زوجي اخذ 3 زمالات مو زماله وحده :)
اما عن الاطفال .. على حسب شخصيته وحبه للاطفال ..وقت مايرجع من الدوام هل بيتفرغ لهم والا بتكون عنده اهتمامات والا هوايات تانيه ؟؟ كله راجعله ..

لكن اول مايخلص ال5 سنوات ويبدا في التخصص الدقيق .. بيكون متفررغلك .. يعني بدل ما يجيكي من المستشفى على الساعه 7 او 8 يجي على 5 بالكثييير لو عنده عمليات يجي 6

وبالعكس حلووو انه يجي على 5 او 6 .. تاخذي راحتك بالبيييت طوول اليوم وتبدي طبخ متاخر وعندك وقت تروقي فيه لحالك :)

- موضوع حساس جداً الا وهو علاقاته مع الطبيبات و الممرضات وخصوصا ماشاءالله ان اغلبهم عربيات وهو كما تذكر متفتح جداً من هالناحيه يعني يمكن عادي تصافحه وتسلم عليه و تكلمه طبيبه وتجلس معاه او او ... !
- هل رأيكم انهم يصارحونه في هالنقطه! انها لا ترضيها فمن البدايه يصير عارف انها ماترضى هالشيء ،

امممم .. اكيد بيكون منفتح تفكيره وعمله مختلط حريم على رجال .. نصيحتي .. لو انتي انسانه غياره لا تتزوجيه تتعبي نفسك وتتعبيه معاكي ..

- في وحده منكم مرت في هالموقف وشافت ان زوجها تغير بعد ماتزوجت وهجد !!؟ والا استمر على وضعه ؟

حبيبتي .. كيف يهجد يعني ؟؟ هل لو يبغا تقرير من طبيبه بخصوص مريض يرسلها مرسال :09:

حابه انصحك .. لو كنتي غيااااره لاتتزوجي طبيييب .. ولو عندك استعداد تبطلي الغيره بطليها لانه هذا وضعهم .. طبيعي بينهم كلام وشغل .. وخصوصا زوجك جراح بتكون له علاقات عمل مع طبيبات الاشعه مثلا .. فطووولي بااالك ولا تكلميه عن شي .. طالما كلامه معاها بحدود الادب بدون مزح بايخ وقلة حيااا عادي مافيها شي .. وبرضو الشي دا راجع لضمير الدكتور .. فيه دكاتره ماخدينها مغازل .. ولو المتقدم من دا النوع تتركه فووورا ..

عندي ملاحظه ...

اي بنت يتقدملها دكتور اخلاقه كويسه وابن عيله طيبه انصحها بالموافقه باستثناء الغيارات غيره مرضيه ..

صدقيني مركز حلووو ووظيفه رااااقيه هذا غير انه انسان متعلم وعقله واااعي .. والحاله الماديه بتكون ممتازه ..

الله يوفقك ويكتبلك اللي فيه الخير واتمنى اني افدتك ..