زوجات الاطباء فقط0000

مشكورة أخت بسكوتة على الموضوع الحلو وأنا بأبدأ:

1- نعم أنا فخورة بما وصل إليه زوجي من شهادات و مستوى فزوجي الله يحفظة دنيا و آخرة من كل سوء دكتور شاطر و هذا كلام الأطباء اللي أشرفوا على دراسته في بريطانيا (يعني ما فيها مجاملة)

2- نعم الفرق بيننا تقريبا 12 سنة بس ما أحس فيهم و مو مسوية لنا مشكلة.

3- مستوى التعليم ليس مقارب لكن انشاء الله و بتوفيق من الله ثم عزم و اصرار مني بخليه يصير نفس المستوى.

4- مستوى الغيرة من موظفات المستشفى نسبية يعني غيرة طبيعية و غيرة اسلامية لكن الحق يقال الموظفات اللي معاه هم اللي يغارون مني لما يشوفوني معاه لأني صغيرة في السن يعني كبر الطالبات اللي توهم يتخرجون من كلية الطب و فيني شموخ أتصور مو موجود إلا فيني و هذا يخليهم ينحرون أكثر بالإضافة إلى الجمال المتوسط و الدلال.

5- ما يقدر يتكلم انجليزي من غير ما أعرف لأن أختك في الله كانت عايشة في بريطانيا و عارفة اللغة الإنجليزية تمام و بيني و بينك يمكن بعد لغتي أحسن من لغته هو نفسه.

6- طبعا ياكثر الحريم اللي يقولون لي اشلون تثقين فيه وهو أكيد يكلم حريم و فيهم بنات حلوات و دلوعات و صغيرات و أشكال و الوان منهم بس أنا أقول لهم لو كان يبي وحده منهم كان تزوجها من الأول و ماكان تعنا و اختارني و تزوجني و بعدين مسالة يتكلم مع الحريم أو يطالعهم أتوقع هذي مسألة تعود لدرجة التدين عند الرجل أو تعود لمستوى الخوف من الله فإذا ما خاف من الله و لا استحى من الله ما أتوقع إنه بيخاف مني أو يستحي مني و بعدين الدنيا سلف ودين فاللي هو بيسويه اليوم في حياته راح يجي يوم ينرد له فيه هالدين و أخيرا أختم لهم بمقولتي الشهيرة اللي إذا قلتها للحريم يرتفع ضغطهم كلهم و بعضهم تجيهم تشنجات و بعضهم تجيهم الجلطة بسببها و هي:
((((((أتحداك لو حصل لك دكتورتقومين و ترفضينه حتى لو كنتي عارفة مقدما إنه يحب يسولف مع الحريم في المستشفى)))

7- بالنسبة للبس أنا الحمدلله من كنت عند أهلي إلى ألحين و أنا لبسي أنيق و حلو و الأهم إنه لايق علي و مسألة اللبس مسألة قناعة فردية يعني ألبس على كيفي طالما إنها بفلوسي أما قصة الهدايا الفخمة و الغالية فا والله ياعزيزتي أول ماتزوجت كنت أشتري هدايا غالية بس بعد ما شفت إن الناس ما يبين في عينهم شيء و قفت قصة الهدايا بنسبة 99% يعني تقدرين تقولين ما أهدي إلا أمي و أبوي حتى أخواني و أخواتي بطلت أهديهم لأني بصراحة ماني قاعدة على كنز (الكل لما يهديني يهدوني هدية مو رخيصة بس معقولة لكن أنا يطالبوني بهدية ثمينة ليش لأن زوجي دكتور بس هم مادروا إنه ماصار دكتور إلا بعد ما احترقت أعصابه يعني حرم نفسه من الطلعة وحرم نفسه الوناسة و حرم نفسه من السهر و حرم نفسه من أشياء كثير و هم ماخلوا شيء في نفسهم ماسووه فهو ماطلع دكتور من زود الوناسة لأ طلع دكتور بعد ماجد و اجتهد و لكل مجتهد نصيب و على قولة الشاعر:
لا تحسبن المجد تمرا أنت آكلة لن تنال المجد حتى تلعق الصبرا)

و أسوي اللي أنا أحب إني أسويه و ما يهمني كلامهم أبدا لأن اللي يقول لك هالكلام يكون يتمنى يخرب عليك عيشتك لأنه يشوف إنك مرتاحة (مع إنك يمكن ماتكونين كذلك) و يشوف اللي انت ما تشوفينه و نوع من أنواع زعزعة الأمن الداخلي عندك فلا تصغي لهم.

8- ما عمري تمنيت أن يكون زوجي غير دكتور لأنه لايمكن أن يكون كذلك فمنذ أن خلق الله الكون قدر الله لي وله أن نكون لبعض معليش يمكن أكون واقعية زيادة عن اللزوم بس هذي هي الحقيقة.

و كلامك صحيح أختي كل الناس حاطين علينا أنا و بناتي العين يعني إذا ما شريت لأني ما عجبني شيء قالوا بخيلة أو يمكن ما يعطيها و إذا شريت شيء حتى لو رخيص قالوا لالالالالالالالا هذا أكيد غالي الله يعين زوجها جابت له الفقر و إذا ما طلعت مشوار قالوا ماتحب تحتك بأحد من الناس وهو ما يفضى لها مو فاضي إلا للمستشفى و إذا طلعت مشوار قالوا هذي أبد تمشي الرجال على كيف كيفها الله يعينه واشلون صابر عليها و غيرها الكثير لــــــــكـــــــــــــــن أنا أتعامل معاهم بسياسة ((((كيفي يبه و اللي ما يعجبه يرفع علي قضية و لا ينتحر أحسن له و للعالم)))) بس طبعا بحركات العيون من غير كلالالالالالالالالالالام و ياكثر ما تقول العيون من كلام.

الله يعينكم يازوجات الأطباء على تحمل هذه الضريبه ..

والله انا زوجي طبيب ما ني حاسه بالتميز اللي تشعر به بعض الا خوات زوجات الاطباء انا احس انه شي عادي يمكن لكثره الاطباء في مجتمعي فانا ابوي طبيب وعماتي وكثير من بنات عمي طبيبات كذا وحده واعمارهم مختلفه بعضهم من قبل لا اتولد حتى يعني الموضوع عادي جدا جدا لكن يمكن يكون الطبيب مميز في المجتمع اللي ما فيه اطباء وللمعلوميه انا ماكنت ابغى اخذ طبيب ورفضت اكثر من واحد يمكن عشان الدراسه او اني كنت صغيره مادري
وزوجي ما اخذته على اعتبار انه طبيب اخذته على اساس انه ولد عايله معروفه ومستواة مثل مستوانا واخلاقه عاليه يعني اعتبارات بعيده كل البعد عن هالشي
ولا احس اني محط انظار الناس عشان زوجي طبيب لا احيانا احس اني محط انظار الناس بسسب ثاني ابوي انه معروف وابو زوجي كذلك او بسسب جمالي لاني ولله الحمد جميله بشهاده الكل
كلام الناس ما يهمني والماس البسه من اول قبل لا اتزوج ولله الحمد وكل لبسي ماركات الله يخلي لي ابوي من قبل لااتزوج بسنين وانا البس واسافر ولافه الدنيا لف
ومن ناحيه المناوبات فهي حلوة اتفضى لنفسي واروح انام عند اهلي خاصه لما كنت بالسعودية اما الحين نزور بعض انا وجاراتي واهم شي يكون ما فيه طبخ يومها هههههههههه
لو قالت لي وحده زوجك طبيب وانت كيف صابرة اولا ماحصل واحد قال لي ابدا ما ادري ليش بس راح اقول لها انا مبسوطه من ها الشي ولو يبيهم كان راح واخذ منهم ولا ارد عليها اكثر من كذا
لو كلم الطبيبه المناوبه راح افهم كل شي لان الغتي ممتازه من عمر 6 سنين وان اتكلم الانجليزي بطلاقه غير اني اخذت الماجستير من كندا قبل كم يوم
فارق العمر 12 سنه واحس عادي كل اللي حوالي كذا فروق العمر بينهم وبين ازواجهم اطباء اوغير اطباء
مرات احس انه ابوي ومرات عادي مشي حالك هههههههه بس زوجي القهر مايبان عليه العمر
انا فخورة بزوجي على انه زوجي ما هو عشان شهادته فخورة باخلاقه وانه اختارني من بين كل البنات
وعلى فكرة كثير ما تصدقين وتستغربين لما تعرفين ان زوجها طبيب من قل ثقافتها واللبس اللي ما هو حول سنع عدم النظافه في البيت الاطفال اللي حالتهم حاله
صدقوني ياجماعه ترا كثير من زوجات الاطباء وللاسف ان زوجه الخادم والفراش احيانا احسن منها انا لو ماهو زوجي طبيب ما كان قلت ها الكلام اختلط فيهم واشوفهم الواحده منهم لا اهتمام بالشكل ولا اللبس ولا حتى حد ادنى من الثقافه
بس انا لاحظت في مجتمعنا يعطون الطبيب اكبر من حجمه خا صه الطبقات اللي المتعلمين فيها قليل او الماده ضعيفه
عندهم يعتبرون الطبيب شي ثاني ما يدرون عن شي
اختي بسكوته اشكرك على طرح هذا الموضوع مرة حلو
ولو اني احس حست الدنيا وجاوبت بشكل فوضوي
وبعدين احلى شي انهم يختلطون عشان يعرفون قيمتنا ويقدرون جمالنا لان الرجل يكرة الحرمة اللي تختلط بالرجال خاصه موظفات المستشفى اداريات وغيرة والحمد لله اغلبهم ماهم حلوات الا شينات ويروعون وزوجي ينظر لهم نظرة مش ولا بد
احب اقول لك شي تصدقين لما اروح زيارات للسعوديه الناس يشوفوني كاني جايه من القمر ما جايه من كندا وكله كوم ولما يدرون اني اسوق سياره كوم ثاني ينهبلون اللي تقول متحررة واللي تقول .......
ومن ناحيه حط الانظار فانا متعوده عليها من صغري فا ما فرق عندي شي وراح اطلب من البنات اللي حوالي المشاركه بموضوةعك لانه عجبننننني جدا وشكرا:26:
اختي غادة ماعندنا غير ضريبه وحده في الحياه الفلوس اللي تاخذها مننا الحكومه الكنديه على كل شي لو ابره نشتريها عليها ضريبه :(اما غيرة ماعندنا ضرايب ولوما مقتنعين برجالنا ما كان اخذناهم الفرص كثيرة
oak wood اعجبني ردك الا ايش اخبار روحه فرنسا ايش صار على تدوير البيت عسى لقيت بيت انا يمكن اروح زياره بالصيف هناك بس قالوا لي بتموتين من الغلا بعد اليورو صارت البلد ما تنطاق المهم اذا لقيت بيت بشريني وسلالالالام للكل

اسمحو لي يازوجات الاطباء.........ان ادخل بينكم شوي
اخو زوجي طبيب........وزوجته كثيييييييييييير قريبه مني
وبصراحه ماهي حاسه بأي فرق لان زوجها طبيب؟!!!!!!!!!!!!!!!!!!!!!!!!!!!!!

وهي اكيد حتشارك بالموضوع لكنها في راحه الان ولاتستطيع الحراك

اختي ندى حياك الله انت وسلفتك
الا ماشاء الله عليك منسجمه مع سلفتك الله يهنيك ولو اني انا ما ادخل مع سلفاتي كثير واكون رسميه معاهم يمكن عشان انا مع الكل كذا :
المهم اختي احنا ما حنا حاسين بالتميز الوضع عادي جدا عندنا الناس هي اللي حاسه بها يحسون احنا مغرورين او مميزين او حتى وافقنا على رجالنا بسسب مهنتهم هذي افكار اغلبيه المجتمع بس صدقيني انا ما واجهت هالشي كثير يمكن يختلف من مجتمع لاخر ماادري: :26: سلام