الله يكون في عونكم

ويحفظ لكم أزواجكم

ويوفقهم وتردون لبلادكم رافعين الراس

والله يا فراولة ..انا طبيبة اسنان ...وطول عمري اقول لو اقعد من غير زواج ولا اتزوج طبيب اسنان :) لا تزعلون يا بنات....بس بشكل عام الطبيب يتعرض لاشياء كثير ..واذا ما كان متلزم ويخاف ربي ترا توقعي منه كل شي...انا تدربت في مستشفيات في الرياض وفي الكلية وفي غيرها واقول لك ياها من خبرة....بعضهم الله يهديهم مثلهم مثل الهمج اللي في الشوارع لا شهادة ولا علم ولا دين يصده :(
اهم شي الدين وخوف ربي ...اذكر كان عندنا استاذ في كليتنا في الرياض ..ملتزم مشاء الله عليه .قمة في الاخلاق والأدب ..والله ما يطالع في عيونك لو تكلمينه ..والله العظيم يستحي اكثر منالبنات ...الله يجزاه خير ويكثر من امثاله
عسى ما ضيقت صدرك ؟ :)

هلا والله يا احلى بنات سواليفكم توسع الصدر

نورتي ياورد وسلمي على الوالده الله يخليها لكم ويرزقها بركم ويقر عينها بك

مونلا.......
لا تقلبين الموجع ترى الدمع في عيني :icon33: بس كلامك صحيح وكل رجال في اي مكان مايخاف الله خاف منه
فيه سالفه تضحك خليني اقوله كنت في احد مستشفيات الرياض اراجع للحمل وكانت الدكتوره جايتها بدون موعد ولاعندها بهذا اليوم عياده فخذت غرفه في جناح التنويم لقسم النساء والولاده وكشفت علي ثم رحنا اناواياها لكاونت الممرضات بتكتب الروشته وكان فيه طبيب جالس يكتب ملفات ...الا جات دكتورتين واحده متنقبه ومسكره البالطو ومافيه شئ مميز والثانيه طويله ومملوحه و(طخمه) وفاتحه البالطو وحجاب اي كلام وكحله بسيطه زياده على الجمال.. :27:

الا تقول له والممرضات فيه وانا والاستشاريه اللي تشرف عليهم
(صباحالخير) بتغنج ومارد ولا كن احد هناهو
(قلنا صباح الخييييير)
قالت المنقبه (شكله ماسمع هاهاهاه)
(طيب سلام ياخي .. الحلوه تقول )
الا راح الدكتور وهو مطأطأ رأسه [الارض وشايل ملفاته ومسرع

تعرفون لقافة الحريم ...حرصت اقرا كرت الاسم عشان أسأل زوجي عنه
الاعرفه..ومدحه وقال ادب والبنات طايحين فيه وهو لاهو هنا

والصيف اللي راح تزوج وكنت نفسي اعرف زوجته عشان ابسطها وأقول لها عن ادبه :icon28: بالرغم انه كان عزوبي ومتغرب عن اهله وهي كانت مره حلوه.




وسلام

فرحتيني بقصتك عن هالطبيب
الله يكثر أمثاله

ويثبته ولا يزيغ قلبه
ويحفظه لزوجته ويحفظها له

لا يضيق صدرك يا فراوله ...اذا الرجال يخاف الله ..لا تشيلين هم ...بس بصراحة ما يقهر الا هالبنات اللي ما يستحون ...مكياج وحجاب قلة حياء وعطورات تخليك ترجعين من قوتها ...شي مخيف والله ..اذكر ايام اول ما طلعت خواتم اصابع الرجول ( قديمة مره انا ) :) شفت وحده من الطالبات لابسه صمدل مع هالخواتم في رجلها ..وانا كنت معيده هذيك الايام ...قلت هالحين هذي وشوله لابسه كذا في مكان دراسه وش الهدف ؟؟ غير عاد المساخه والدلع والسخافة ...والله الكليه ما خلو شي..ممنوع ندخل غرفة الدكاتره ووممنوع الباب يتسكر ...ووممنوع نفتح البالطو ...عاد ما تصدقين ...يوم عجزو عن البنات عند تسكيرة البالطو ...الزمونا ببالطو يتسكر من جنب عشان مو معقول ماشيه فاتحته :) كنت اسميه بالطو مستشفي المجانين :) كله من قلة ادب البنات والله !! وفيه بنات ماشاء الله عليهم اكيد شفتيهم في كلية طب الاسنان والطب...بالطواتهم مثل الجلباب طول الملابس وساتر ويلبسون خمار طويل يغطي لين اسفل الظهر ةبعضهم والله لين الركبه ..عن جد شوفتهم تفرح ...
يعني خلينا نتفاءل :)