السلام عليكم ورحمة الله وبركاته
كيفكم حوائيات وكيف احوالكم ان شاء الله الجميع بخير
انا وحده قدر الله علي وتزوجت واحد حبيب وطيوب ووش ملحه، بس عيبه انه عصبي بشكل يخوف بعض الاحيان
تصدقون الناس تحزن وتنقهر وتنبسط وتحس بالكثير من المشاعر المختلفه، وزوجي -ربي يهديه ويفتح على قلبه يارب- كل مشاعره ما يعرف يعبر عنها إلا بعصبيه
بالنسبه لي انا نفسي مو مشكله احاول واعرف اسيطر على نفسي وانفعالاتي بحيث اني ما اعصب فيه، لكن المشكله الناس الثانيه، محد بيحاتيه ويحاتي عصبيته
قبل كم يوم واحنا نمشي بالسياره لف علينا واحد لفه شييييينه وستر ربي علينا وإلا كان رحنا فيها، وعصب زوجي بشكل خرعني وقمت اتنافض في السياره مو من روعة الحادث اللي بغى يصير وإنما من تعصيبة زوجي نفسه، وحمدت ربي مليون مره انو الرجال الثاني انحاش وحط رجله لان زوجي كان ناويه نيه مو حلوه اببببببببد
وهالايام اتصل علي واحد بالغلط وللأسف طلع واحد ما يستحي على وجهه وقل ادبه واطريت اعلم زوجي عشان يوقفه عند حده، ويا الله من موقفه، قوم الدنيا وقعدها وحط الرجال بباله وبيجيب معلوماته والله يستر وش بيسوي فيه
انا اخاف عليه عصبيته تخليه يتصرف تصرفات مو زينه، لا في حق ربي سبحانه، ولا في حق نفسه، ولا في حق الناس
صحيح بعض الناس تغلط، بس صعبه انو بنقعد ندقق على كل شي وكل حركه ومن يغلط ياويله ياسواد ليله والانتقام نحطه ببالنا على كل شي يصير
المشكله زوجي عصبيته مو شي مؤقت وبعدين يهدا وينسى وخلاص، لاااا، يحط الواحد بباله، والله يعين هالواحد وش بيصير له
طبعا انا ادعي له والله يتقبل يارب
بس اني افكر ابي ادور طرق امتص فيها غضبه لعل يهدا، مدري شسوي :44:
ربي ارزقني الحكمة والبصيرة يارب
شاركوني بنات كيف تتصرفون
وهذي لكل وحده ترد :26:
احبكم حوائيات وربي لا يخليني منكم
قطيوه نتيفه @ktyoh_ntyfh
محررة برونزية
يلزم عليك تسجيل الدخول أولًا لكتابة تعليق.
الله يعينك
العصبي اتجنبية وقت الغضب واستمعي لة لين يخلص كلامة وبالكلمة الحلوة يهدى مثل الله يهدي طول باللك
اذكر الله
ابشرررررررر ماعاش من زعلك وكذا
العصبي اتجنبية وقت الغضب واستمعي لة لين يخلص كلامة وبالكلمة الحلوة يهدى مثل الله يهدي طول باللك
اذكر الله
ابشرررررررر ماعاش من زعلك وكذا
عندنا وعندك خير
انا كل شي اتمناه فيه ماشاء الله
الا الدخان والعصبيه
بس عصبيته مو علي انا لاشفته عصب ساعات ارد عليه وساعات اطنشه وساعات اروح لغرفه ثانيه وخليه لين يهدا مالك غير هالحل
انا كل شي اتمناه فيه ماشاء الله
الا الدخان والعصبيه
بس عصبيته مو علي انا لاشفته عصب ساعات ارد عليه وساعات اطنشه وساعات اروح لغرفه ثانيه وخليه لين يهدا مالك غير هالحل
الصفحة الأخيرة
وينكم بنات
:(