اب

موضوع روعه . الله يجزاكم خير..
فيه اشياء كثيره تكلمت فيها بعض الزوجات هنا عن ازواجهم وكانهم سبحان الله يتكلمون عن زوجي .
كنت شاكه انه شمالي شرقي بس الحين تاكدت ...
زوجي مايحب اني اتشكى اي شي ...صداع او الم اسنان ...ومايقتنع اني لازم اروح اكشف ع اسناني شسوي ؟؟
وزوجي زي زوج ام لنو ...دايما يقولي ليه ماتلبسين قمصان طويله او جلابيات ؟؟؟!!! انا الصراحه مااحب البس ببيتي كذا ...
غير انه ماينتبه لو بغير الف مره باليوم ...حتى لو حطيت مكياج بالبيت ماينتبه ....وفجاه وحنا نتخانق مره قال ...انتي ماتهتمين بشكلك ..!!!اسبوع لابسه نفس اللبس ...ماتتجملين الا للناس وانا لا .....<<< اكتشفت انه يهمه هالشي بس يمكن يكابر مدري ...
بس الغريب بزوجي انه مايهتم بنظافة البيت ...هل لاني مرره اخلص بتنظيف البيت صار يفضل انه مايكون نظيف ؟؟؟
يعني لما اقول له بنظف البيت اليوم ...او بمسح السيراميك خذ الولد معاك ...يطفش ع طول ..ويقول مو لازم تنظفين ...مافيه شي البيت ..
او يقول ...مين بيجيك ماشاء الله؟؟ <<<يستهتر
او يقول ....بيجي الملك اليوم ؟؟!!!!!!!!!!
ودايما يغلطني وان الحق علي ...ولو يصير اي شي قال انتي السبب ...حتى لو يخرب المكيف مثلا يقول : كله منك !!!
غير اساءته اللفظيه لي اكرهها ...اكرهها ..تعبت من كثر مااخانقه ..لدرجة اني صرت اسبه وارد له الصاع بعشر ..
زوجي كتوم ...مايقول ايش صار معاه بالدوام ....يسكر ع اغراضه ...يكذب كثير ..واتفاجا بعدين انه يعرف اخبار كثيره بس مايقولي..
اما مدير جيد لماله اي والله صدقتوا بهذي ..زوجي يعرف الان لو بساله كم معك بالبوك ؟؟ يجاوب ع طول ..يعرف كم صرف اليوم ..
مايحاسب بالسوبر ماركت الا وهو عارف كم حسابه ..
حريص جدا ...لدرجة اني اخذت بس 10 ريال من بوكه وعرف وهدد بالطلاق اذا تكررت ...
بس معي بخيل ...دايما يردد تبغين اي شي من السوبر ماركت اوكي بس ملابس وشنط لا ..
اناني اذا رحت للسوبر ماركت بشتري اغراض للبيت ...ونويت اشتري شوكولاتات ..يرفض ...ليه ؟؟ يقول انا مااكل شوكولاتات .
طيب ابغى بطاطس ....يقول انا مااحبه ..
شسوي يابنات تعبت معه والله العظيم تعبت

لفت نظري المكتوب بالاحمر ....هل كل ش ش لازم يكون كذا ؟؟؟

أم الأمراء هلا وغلا والله نورتي الملف وأشرقتي علينا إشراق الشمس في ضحى العيد
وأنا تراي لما سألتك عن المصروف مع الشمالي الشرقي ..
أنا كنت معطيه إجابة معينه للبنت الي سألتني وحبيت أسألك كشمالية شرقية وأشوف
هل أنا صح ولا غلط

سألتني زميلتي(بغيت أسألك كيف تطلب مصروف لأنه رافض؟)


00السلام عليكم
الله يوفقها
الشمالي الشرقي خواف واكبر كابوس عنده ان زوجته يكون عندها مبلغ من المال مايدري عنه
ويكره يكون عند زوجته مبلغ غير مستفاد منه مثل الفين ثلاثه
لو درى عنهم ماراح يخليها الا بيتسلفهم او يشوف له حل معها
لذلك هو صعب يعطيها مصروف يخاف تجمع فلوس من وراه
هي لو كانت عودته من اول الزواج يمكن ينفع بس الحين صعب

ممكن تعودة انها تاخذ منه على مبالغ بسيطة ميتين ميتين
او مية مية حسب امكانياته

بشكل مستمر
يعني كل خمس ايام اسبوع تطلب

ومع الوقت يتعود يعطيها لانه يخاف تطلب منه وهو مامامعه في
فيبدا من الاساس يعطيها مثلا من اول الراتب احتياط خمسمية ويقول لاعاد تكلميني اخر الشهر

لكن لو تقول له عطني مصروف بيقول لا
لانه هو عنيد
تقولين يمين يقول شمال

تقول عطني: مصروف( يترجمها بمخه انها التزام ومسؤولية ودين) فيقول لأ


تقول عطني ميتين ريال( يترجمها بمخه انها طلب محدد في هالاسبوع ذا وبتنتهي مشكلته فيعطيها


لذلك موب لازم تقول له عطني مصروف

الشكوى لله

تقسط المصروف عليه تقسيط

مثلا تصوري توقت له قبل الراتب بيومين

فلان ( ابي مية) طبعا المية مبلغ بسيط يستحي يقول لا

بس هو اصلا طفران ذا اخر الشهر

يقول اصبري بكرى بينزل الراتب
تقول اوكي

بكرى ينزل الراتب يقوم يعطيها ميتين

بعد اسبوع من نزول الراتب تطلب ثلاثمية

وش تسوين مضطرة لازم تجينه بالهداوة

هو مع الوقت ولا شاف الوضع كذا
مية ميتين مية ميتين
يبدا يعطيها مصروف ويريح راسة
ولا قال ليش تبين فلوس
قولي اشوف اشياء واشتهي اشتريها ومايصير معي ذيك اللحظة

او محفظتي خالية مافيها ولا ريال

ولاعطاك الفلوس
تصدقي ولو بريال
لها دور بتسخير دفع الزوج للمال0


وهذا جوابي لها
وأشكرك على اهتمامك حبيبتي أم الأمراء



أرينا
حبيبتي رحمتك مع شماليك لازم تروضينه
هذا الشمالي الشرقي اذا تنازلتي عن حقوقك مرة من المرات خلااااااااااااااااااااااااص يبيك تتنازلين عن كل حقوقك وياكلك اكل
لذلك لازم تطالبين بحقوقك شوي شوي ..
موب معقول وضعك معه وصلتوا للشوكولاته مايشتري لك؟؟؟؟؟؟؟؟
حرام يعني شيء بخمسة ريال!!
شوفي بتموتين قهر لاجاكم عيال وقال البزر يبه ابي شوكولاته وقام اشترى له كرتون
لانه ترا هو طبعه يدلل
بس انتي شكلك غلطتي معه غلطات فادحة
شكله يوم جاء يدللك بداية الزواج خربتي على نفسك وكل شوي تقولين موب لازم
يعطيك فلوس تقولين ما يحتاج
يتشكى من الديون تقومين تكبين عليه فلوس ولا باقي ذهبك
ومن كثر مافزعتي وتنازلتي صرتي بالنسبة له جبل وماتحتاجين تدليل
لالالا
صحصحي
وارجعي طالبي بحقوقك من اول وجديد

او انه كم مرة جاب لك اشياء ومثل ماقالت ملكة الشماليين الشرقيين ام الامرااء ما شكرتيه مثل ماهو متوقع
فقرر انك ماتستاهلين

او انتقدتي الاشياء اللي يجيبها لك فقرر انك ماتستحقيين
مع اني ارجح احتمال انك كنتي تتنازلين عن حقوقك لين بدى يعدك مالك حق


العلاج
اول شيء شوفي الاشياء الي يجيبها للبيت و ابتدي شوي شوي اشكريه عليها
ماشاء الله عليك انت كريم
ياحبي لك ماعمرك قصرت علينا
والله انك تشتري مقاضي على اعلى مستوى ومن اغلى الانواع واشكري واشكري واشكري
وبعدين بعد ماتشكرين انتهزي يوم مناسب مثل يوم نزول الراتب واطلبي طلب
مثلا فلوس
او اكتي احتياجاتك
الخ
شوفي ترى الشمالي الشرقي امين مرة
لو انتي طالعة معه للسوبر ماركت واخترتي شيء هو يحس انه موب مهم ممكن يرفض يشتريه
بس لو كتبتي الطلبات بورقة وعطيتيه ااياها وهو طالع غالباً يشتري طلباتك
سبحان الله انسان غريب
وكذا ممكن تتكلمين قدامه عن خواتك وصديقاتك وش يشترون وش يسسون عشان يحس ان الناس عايشين ومدللين حريمهم
هو ما يبيك تكونين اقل من الناس

قولي مثلا: ماشاء الله فلانه زوجة ولد عمك مشترية جزمة تجنن مررررررررررررررررررة حلوة
ولا خاتم الماس خطير ذبت عليه
ولا ولا

ياليت تتحسن احوالنا المادية عشان ان اشاء الله اشتري مثله (كذا تحطين بمخه هدف بعيد) انه يشتري لك خاتم الماس
موب الحين عقب سنة
بس انتي مع ترديد الكلام يجزم ويشتري
لانه تتحول من طموح إلى مهمة
هو مخة مبرمج على شكل مهام

خواتي في الله اكتب لكم الان والدموع تنهمر من عيني والحرقه في قلبي والسبب هو زوجي الشمالي الي كسر نفسي وقتل روحي ( وترى ماقريت كل الموضوع بس شوي وقلبتوا علي المواجع ) :

انا جنوبيه : عاطفيه , حنونه , احب الناس واتعاطف معهم , مستمعه جيده , احب اساعد وافرح من حولي , اتفهم الناس واجد لهم الاعذار , كريمه واحب اهدي لان ذلك يدخل الفرح على قلبي , صبوره , بطيئه الى حد ما , مااحب المشاكل ومااتحمل ازعل من احد او اعيش في جو مكهرب , حياديه وعادله ومتعاونه ومااحب احرج احد اطلاقا حتى لو اساء الي , هاديه وكلامي قليل لكن استمتع باالجمعه والناس , متردده احيانا خاصه لما اجي اشتري ملابس : احب اشاور .
الحمد لله جميله ومتعلمه وكنت مرفهه بحياتي ومستمتعه بها.

تزوجت : وحصل مالم يكن بالحسبان

اخذت واحد الله لايوريكم

عصبي مررررررررررررررررررررره لدرجة اني اخاف منه ومن شكله . يصايح ويرفع صوته ويتلفظ علي لاتفه الاسباب . وكان ها الشئ يصدمني و يجرحني جدا في بدايه الزواج لانه عمري في حياتي كلها ما احد عاملني بقلة ادب كذا .اي شئ ممكن يعصبه بسرعه ويخليه يفلت اعصابه ويتلفظ بكلام قذر.
والاحترام عندي مهم جدا لذلك كان ها الاسلوب مره يتعبني .
تكلمت وتكلمت لكن مافي فايده الحال نفسه ماتغير : لي الان حوالي 7 سنين زواج .
قسوه وخشونه وسيطره وتحكم وعنف .

مافي بيننا حوار : انا كلامي قليل واذا جيت اتكلم معاه ماينتبه لي : يقلب بالتلفزيون او الجوال او عيالي فاانكشم واسكت .
سبق وقلت له : حرام عليك ساكته ساكته واذا جيت اتكلم شوي ماتقدر تسمعلي ؟
او يجيب تعليقات تجيب المرض : تكونين مثلا فرحانه ومبسوطه من موضوع معين ويقولك ها التعليق الي يجيب المرض .
ياحلو ابوي : كنت اسولف معه والحديث يتشعب ويضحكني و يقولي معلومات .
الي عندي فارغ : ما استفيد منه بشئ وبالرغم من ذلك شايف نفسه وياارض اتهدي ماحد قدي وانا الصح في كل شئ وغيري الغلط.
يتدخل في كل شئ حتى في المطبخ : احيانا القاه مطلع علب الجبنه الشيدر ومرصصها على الدولاب
واذا سألته ليش : حطيها لنا ناكلها عشان ماتخرب
انت وش دخلك في مطبخي ؟
الجبنه لها تاريخ واعرفه وانا احتاجها في الطبخ وماطلبتك تشتريها الا انا في حاجتها .

حتى اذا جيت اكنس البيت : تلقف وقال: لا مو كذا . كذا وبدأ يشرح .
فاانا عاد احتقره واقول هذا مورجال وشدخله في شغلي .
وكل شئ يدخل خشمه فيه ويتلقف .
ياكثر المواقف بس هذا بعضا" مما اذكر .

رايه فقط هو الصح ولايقبل النقاش مطلقا" وياويلك تجادلينه .
سبق اني جادلته من القهر : لاني دايما امشي واقول طيب طيب
وضربني شر ضربه .
واحتقرته اكثر واكثر لانها كانت كبيره جدا في حقي : انا
انضرب بعد ها العمر وعلى شئ تافه .

انا الان لم اعد اجادل بس اقول طيب : لكن هل انا مرتاحه ؟ لا .

اذا فرضا مرضت اوتعبت : مايسئل عني ولايقول سلامات . في حملي تعبت واذا اشتكيت قال كل الحريم كذا
واصبري
ومره مرضت امه : شال الهموم فوق راسه ونسى الصبر والتحمل وبغى يموت .

اذا رحنا السوق جنني : مايروح بسهوله : اقعد اترجى فيه فتره طويله وفي الاخير اذا رحنا جلس يصايح على ويفضحني عند النا س واذا بشتري شئ يسويلي تحقيق .


موكريم ولا بخيل .

يحب المدح وفيه التكبر والغرور : مره مدحته في شئ قال : ماني محتاج شهاده منك .

انا كني عدوته مايمدحني واذا مدح فكلامه قديم ومافيه احساس .

حقود واذا زعلت منه وماراضيته يقدر يقعد شهر بدون مايراضيني بس يعطيني اوامر سوي العشاء سوي كذا سوي كذا .
عنيد بشده حتى في الغلط وعنده قدرة تحمل شديده .

غلطه بسيطه : مثلا زاد الملح شوي في الرز : يقعد يسب ويلفظ وينسى كل شي سويتيه وكانك طول عمرك ماطبختي
شئ عليه القيمه .





مايحس في وعلاقته في مثل علاقة الضابط بالجندي : تحكم واوامر ومافي مشاعر .

مره كنت حامل وزعلني وبكيت بكيت بدرجه كبيره بغت تطلع روحي من البكاء : وما حرك ساكن اطلاقا" حتى مارحم الي في بطني لا يتأثر .
التغلي الي يسونه الحريم ماله وجود في حياتي .

ميزته : يحب عياله مره ويلعبهم ويهتم فيهم .
مو راعي سهرات .
جدي في عمله .

لكن انا تعبت وكل مالي اتعب : لان حياتي جافه قاحله مافيها كلمة الحب .
اوامر في اوامر .
بشرتي بهتت وكلي صرت باهته وحزينه .
اشغل نفسي بعيالي وباالنت لكن عندي احساس شديد بالوحده .
سبق وشرحت له كل شي لكن مافي تغيير ابدا .
والله ان نفسي انكسرت معه : لم يعد فيه ذلك الفرح والاهتمام السابق لدي
من داخلي تعبت وكل مالي اتعب لان الاسباب نفسها .
الواحد في ها الدنيا مو محتاج شريك : يشاركه فرحته وهمومه وانا ها الشريك يقتل الفرحه ويزيد الهم هم .

ارجوا اني مااثقلت عليكم بمشكلتي واذا عندكم حل تقولونه لي لاني احب عيالي ومااقدر اطلب الطلاق عشان ما يتأثرون .